السلام عليكم ورحمة الله وبركاته
بودي ان اشكر جميع اعضاء ومشرفي هذا المنتدى الجميل على مايقومون به من جهد جبار في ايصال المعلومه بصوره وافيه
في الحقيقه انا جيت للمنتدى وانا ميح ماعرف عن المانيا والنمسا غير انهم من دول اوربا لكن الحين اصبحت فطحل وملم بكل شي تقريبا عن هاتين البلدتين.
بس مع الاسف كنت حاجز وخالص قبل ماعرف المنتدى عن طريق احد الاصدقاء والا كان سويت لي برنامج حلو....الحين مابي من اخواني الاعضاء الخبراء في المانيا والنمسا غير انهم يساعدوني في بعض الاشياء الي ماعرفها
بس اول شي ودي اعرض كم برنامج الرحله واسماء الفنادق اللي حجزت فيها عن طريق احد المكاتب وابي رايكم ومقترحاتكم
1- بداية شهر يوليو بتجه الى المانيا ( ميونيخ) من دبي وبسكن في فندق ATRUIM
2 - بعد ثلاث ليالي في ميونيخ بتجه الى تسل امس سي واسم الفندق ALTINI
3 - بعد ثلاث ليالي بتجه الى سالس بورغ واسم الفندق REEN AISANCE
4 - بعد اربع ليالي بتجه الى فيننا واسم الفندق ANANAS
بعد اربع ليالي في فيينا برجع لدبي وبقعد فيها ثلاث ليالي ومن ثم اعود للديره باذن الله
الحين ابي منكم مقترحات بالنسبه للفنادق اذا كانت نظيفه وحلوه والا اغيرها.
بعدين ابي اعرف قيمة تذاكر التنقل بالقطار بين المدن يعني من المانيا الى تسل ام سي كم قيمة التذكره وهل فيه عندهم غرفه خاصه ودرجه اولى وكم قيمة كل وحده من ذولي لو تكرمتو
بعدين قيمة تذكرة التنقل بين مدن النمسا كم قيمتها .اذا كان عندكم خلفيه عن قمية التذاكر
وودي اسال عن قرية ST.WOLFGANG.انا سالت المكتب عنها قالي ماعندهم تعامل مع الفنادق هناك.طيب لو بغيت احجز فيها ليله عن خاطري من هناك.كيف الطريقه .وش اقرب مدينه من مدن فيينا اللي بروح لها لهذي القريه.؟ ويمكن اضيف مدينة انسبورغ الى الرحله بس متردد وودي احد يقولي اروح والا ماروح؟
انا حطيت ميزانيه عشرين الف للرحله كلها تشمل التذاكر والسكن والاكل والشرب بس باين مما قرأته ان المبلغ قليل ويبيلي اقحط على نفسي وعلى زوجتي عشان اقدر اكمل الرحله.حتى مشتروات مافي امل اشتري حتى ميدالية مفاتيح.
بالنسبه للجو كيف بيكون هناك.يعني اركز في لبسي على الشتوي والا الصيفي والا الاثنين معا.
انتظر اجابتكم وياليت تردون علي بسرعه الله يخليكم عشان اقدر اغير الفنادق واذا نوى احد منكم يحط مواقع استفيد منها ياليته يشوف لي مواقع عربيه لاني دخلت مواقع انجليزي فيها بعض المعلومات عن التذاكر والفنادق بس ادوخ وانا اقرا( انا امشي حالي بالانقلش وجربت نفسي قبل سنتين يوم رحت باريس واكتشف اني رغم لغتي الانجليزيه الفقيره فطحل واعرف اصرف نفسي هناك)
اشكر لكم حسن تعاونكم واسف على اسئلتي الكثيره.
اخوكم الاتجاه المعاكس