شنو يفضل اشتري تذاكر ديزني من الفندق والا من الكشك اللي بشارع انترناشيونال درايف ؟
اشتري تذاكر ديزني من البوابه عند وصولك فبعض الاكشاك يبيعون تذاكر مستعمله او يودونك الى تايم شير ويضيعون وقتك
انا كنت هناك عز الصيف وما اخذ مني شراء التذاكر دقائق واضيف لما تشتري التذاكر يطلبون منك كتابة الاسم عليها واحيانا التوقيع وايضا راح تبصم على جهاز عند الدخول مع البوابه هذا الي ابي انصحك به
نيويورك ما سبق رحتها والشباب راح يفيدونك
ومبروك مقدما

التذاكر افضل شى من الكونسييق اللى بالفندق..اول ما توصل تروحلة وهو يضبطك.. في تذاكر باكيج ( اكثر من مدينة ملاهى وهذى ممتازة)
لايطوفك الديسكوفيرى كوف ( تذاكرة غالية لاكن تجربة خيال ....سباحة مع الدلافين ومع اللخمات)
http://www.discoverycove.com/Explore/Discover.aspx
طبعا 11 يوم باورلاندو ممكن تروح ب 7 ايام مدن ملاهي و4 ايام تسوق وتمشى
فى نيويورك
اهم الاماكن السياحية
تمثال الحريةبالامكان الذهاب الى تمثال الحرية بواسطة الفيرى ( التذكرة بحدود ال 20 دولار وللصغار 12 دولار شاملة الذهاب والعودة ودخول التمثال) افضل شى شراء التذاكر من الفندق
التايم سكويرقلب مانهاتن النابض , افضل منطقة للسكن للسائح لاول مرة
ساوث ستريت سيبورتمنطقة حلوة للتمشى على البحر , فيها مجمع صغير ومحلات ومطاعم وقهاوى
السنترال باركاكبر حديقة فى نيويورك , يزورها سنويا حوالى 35 مليون شخص , فيها كثير من النشاطات , جدا ممتازة
أمباير ستيت بلدنقمن اهم ناطحات السحاب فى امريكا , 102 طابق , يزار سنويا من قبل اكثر من 3 ملايين شخص
وول ستريت فية تقع بورصة نيويورك , يعتبر اهم شارع للمال والاقتصاد فى امريكا
روكفلر بلازاهو مجمع مكوم من 19 عمارة تجارية يقع بين شارع 48 و51 وتم بنائة بواسطة عائلة روكفلر الشهيرة
ليتل اتالي منطقة الايطاليين فى نيويورك , متروسة مطاعم ايطالية , حلوة بالليل للعشاء
الباص السياحي ضرورى ضرورى ضرورى للسائح اللى يزور نيويورك اول مرة , تجربة ممتعة جدا لاكتشاف نيويورك, انواع عديدة من التذاكر ( تذكرة صالحة ليومين بحدود 60 دولار وللصغار 50 دولار ) للتمشى بنيويورك وشرح لاهم الاماكن السياحية
هيلوكبتر توربحدود ال 150 دولار للشخص ولمدة 10 دقايق بالامكان اخذ تور بواسطة الهليكوبتر لمشاهدة نيويورك من الاعلى

قواكم الله
واخوي عزيز ماقصرت عن نيويورك بس في اورلاندو ابي تفصيل اكثر لاني اول مره اروح امريكا وارولاندو ممكن تفصلي او الاخوان اللي لهم خبره في اورلاندو برنامج 10 ايام واكون ممتن لكم

1- mgm
2- epcot
3- universal studios
4- island of adventures
5- magic kingdom
6- magic animal
7- space kennedy tour
8- wet n wild
9- down town disney
10- blizard beach
11- typoon lagon
12- lego land
3- aquatica
14- air boat ride
15- hot air baloon
16- wonder woks
وغيرها كثير !

اورلاندو تخيلها مدينة ملاهي كبيرة.......وين ما تمشي تلاقي مدينة ملاهي ....... ماراح يمديك تروح لهم كلهم .....انا أشوف بالكثير 7 وباجي الايام تمشي بالمولات والسينما والتسوق وغيرها....فيها 3 مولات ......طبعا باورلاندو لازم سيارة ونافيقاتر .....والمدينة سهلة وماهي كبيرة وايد ....

اي يابوسعيد انا معاك بس لو فيها تفصيل شوي وانا اخوك يكون افضل ادري ثقلت عليك بس تحملنا شوي يعني كل يوم وين نروح وشنو المولات الموجوده جذي يعني

شوف يا الحبيب .. انا أشوف أنكم تروحون هذي المدن:
MAGIC KINGDOM
HOLLYWOOD STUDIOS
UNIVERSAL Studio
Island of Adventure
Sea World
Discovery cove
هذي اهم 6 مدن ملاهي ....كل يوم وحدة منهم.....واكو 3 مدن ملاهي ماءية كذلك ..ممكن تروح لوحدة منهم اذا حبيت....اكواتيكا تتبع السي وورلد حلوة.
لازم تروح السيرك الرائع Cirque du Soleil هذا بالليل مدتة حوالي الساعتين .. موجود بداونتاون دزني وهي منطقة ممتازة للتمشي بعد ما تسكر الملاهي فيها سينمات ومطاعم.
واكو منطقة نفسها عند اليونيفرسال ستوديو..لمة يسكر تتمشون فيها وتعشون وهم فيها سينمات
ركبو هليكوبتر وهذي لشخصين ممكن بأقل من 100 دولار ..وتلاقيها بالانترناشونال درايف و بوايد اماكن...
المولات
Florida mall
The mall of millenia
Premium Outlet
احلي واحد الثاني ..ممتاز وفية خوش مطاعم
شوف تقرير كاكاشي ..ممتاز
https://artravelers.com/p/re/461274

قواك الله يابوسعيد اخجلتني بطيبك