أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا ,,,,,,,,, ياكل الغلا ......... فديت أهل ديرتي ...........
اخواني
انا قطريه وماطلبت بعمري حد يساعدني ........ بس يوم اضطريت قلت اللي مني وفيني اولا
الكل فيه خير وبركه بس صعب اتطمن ألا للي بيخدمني بذمه وضمير
انا طالبه سنه اولى في uk واول مره اسافر لها يعني ماعندي خبره واقعيه ............ والله لايهينكم
انا ماعرف الااني اوصل المطار بس *** بعد المطار مادري وين بلقاني!!!!!!!!!!!!
عندي معلومانت وايد بس اقدر اقول ان معلوماتي مب كافيه او الاصح مب شور
بليز *** ساعدوني اذا مافيها كلافه
انا جامعتي في منطقة إكسيتير ** وانا مب عارفه شلون بأجر الشقه اللي ابيها لاني عن طريق موقع اعرفه
عجبني اكثر من بيت واكثر من شقه بس اشلون مادري ؟؟؟؟؟
وعقب ماطلع من المطار هيثرو شلون بوصل منطقتي والافظل باص والا تاكسي والا قطار ؟؟؟
والا عليكم امر !!!!!!!!
ابي المعلومات اللي بامشي عليها !!!!!!!!
اعذروني على الاطاله******** وربي يحفضكم
ضياع
الله لايهينكم
ابي اي معلومات عن منطقة إكسيتر**********
انا طالبه ******** سنه اولى
من اولى ماطلع من المطار لين اوصل المنطقه :112:
وحتى بالنسبه حق الاجار مع العلم انا جفت فالموقع جم شقه دشت بالي بس مب عارفه شلون اتكون الاجرائات وانا في قطر اتصل فالمؤجر والا في حل ثاني
ومستوى المعيشه فيها شلون؟؟؟؟؟؟؟؟؟
وسكانها طيبين والا!!!!!!!
وتسلمون وربي يحفضكم
يا هلا ومرحبا فيك أختي الضياع
أختي صحيح الواحد يخاف في مثل هالمواقف وخاصه أنه يسافر لاول مره لحاله وللدراسه
ياريت أختي تحددين اسألتك علشان نرد عليك بشكل واضح
لكن اللي أقدر أفيدك فيه هو الأفضل انك تستخدمين التاكسي من مطار هيثرو اذا كنتي راح تنزلين في لندن العاصمه
لكن اذا بتروحين أي منطقه ثانيه غير وسط لندن فالأفضل تأخذين قطار هيثرو اكسبريس وهو داخل المطار ويوصلك حتى محطه البادنقتون في لندن وبعدها تركبين قطار ثاني ويوصلك منطقتك اللي تبيها ..
أختي اذا أنتي تبين تحجزين السكن فهناك حالتين :
الأولى : هو انك توصلين المنطقه وتسكنين في فندق لفتره بسيطه الا أن تلقين السكن اللي يعجبك ولكن في هذا الحاله الخيارات راح تكون بسيطه لأنك راح تجين متأخره وأغلب المساكن وأفضلها راح تكون محجوزه
والحالة الثانيه : هو انك تحجزين لك شقه أو بيت من الآن سواء عن طريق الانترنت أو عن طريق شخص تعرفونه في هالمنطقه ولكن في هالحاله ممكن تأخذين بيت وبعدين تتفاجأين أنه ما يعجبك ..
بالتوفيق ان شاء الله وأي استفسار ثاني أنا حاضر
تفضل أختي هذي هي المسافه بين لندن العاصمة ومدينة اكسيتر
http://maps.google.com/maps?sourceid=navclient&rlz=1T4GGLR_enQA227QA228&q=Exeter+map&um=1&ie=UTF-8&split=0&gl=qa&ei=qd9_SvvkAs3j-Qa0hvEw&sa=X&oi=geocode_result&ct=title&resnum=1
والمسافه تقريباً بالسياره هي 200 ميل - 3 ساعات ونص
بخصوص الاقامه هل راح تبقين في لندن لمدة كم يوم او راح تروحين من المطار الى المنطقه اللي أنتي تدرسين فيها ؟؟
اذا بالقطار ممكن تطلعين من محطة البادنقتون في لندن على محطة مدينة اكستر وهذي رحله مباشره حوالي ساعتين ونص ...
اي استفسار ثاني أنا حاضر
وبخصوص المدينه الصراحه أنا ما أعرف عنها شي لكن أنا دارس في بريطانيا وعندي معلومات كثيره عنها ممكن تفيدك
هلا وغلا الغالي
اسمح لنا الغالي ولكن مافي شي الموضوع