بوسطن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في بوسطن

اهل بوسطن مساعده عاجله

aziz9999

09-06-2022 - 06:35 am

اخواني قابلت اخ سعودي بالطياره واحنا جايين لأمريكا -- الله يعافينا واياكم الأربعاء القادم عنده عملية لبنته الصغيره في احد مستشفيات بوسطن -- الرجال بيدفع تكاليف العملية من جيبه الخاص بعد ان تعبت من البرقيات الى .... وبدون فائده -- العملية بتكلف فوق مية الف وبيجلس شهرين بعد العملية ويرغب ان يجد سكن بسعر معقول له ولزوجته والطفله... احد يفيدنا يا اخوان بسرعه لنساعد اخونا في محنته
جزاكم الله خير

التعليقات (3)

aziz9999

09-06-2022 - 08:51 am

ما فيه احد يفيدنا؟؟؟؟

عشقي ابدوي

09-06-2022 - 09:52 am

اخوي هو في اي مستشفى بيسوي العمليه؟
بمستشفى الاطفال ولا مستشفى ماس جنرال
اذا بمستشفى ماس جنرال الشقق اللي حول المستشفى اسعارهم الغرفه والصاله ب3200 دولار والغرفتين ب4200 دولار بس في بنايه مكمله 20 سنه مع الاثاث وشهري
في بنايه جديده وحول المستشفى الغرفه والصاله ب4350 دولار والغرفتين ب6000 دولار بس البنايه مره فخمه
يسال عن وحده بمكتبالانترناشونال اسمها ناديه المعتصم هي بترتب امورك كلها وتحب تخدم الناس اللي جايين للعلاج
اما اذا هو في مستشفى الاطفال فعليه انه يسال عن وحده بالمكتب الانترناشونال اسمها نبيله وهي بترت لك الامور
انا كنت ساكن جنب مستشفى الماس جنرال ب4500دولار بالشهر بس بنايه ممتازه وحلوه
واذا تبي اي شي فالك الطيب

aziz9999

09-06-2022 - 10:53 am

تسلم والله اخوي على التجاوب.. هو بيعالج بنته فأعتقد انه بيكون مستشفى الأطفال.. باتصل عليه واتأكد.. لكن سؤالي هل من الأفضل له يسكن جنب المستشفى او يروح بعيد شوي اذا الأسعار ارخص .. انت ابخص يمكن .. لأن هالأرقام بصراحه فلكية لشخص بيدفع من حسابه؟