malak salim
راح يكون عندي زيارة للكويت الحبيبة لحضور مؤتمر بعد اسبوعين تقريباً
حياكم الله
وهذه أول زيارة للكويت ..
ان شاء الله ماتكون اخر زيارة
عندي يومين فاضية في جدولي .. وحابة استثمر اليومين في
زيارة اهم الأماكن واجملها في الكويت .. بحث ارجع السعودية واقول والله شفت الكويت
ف ايش هيا الأماكن الي ممكن ازورها في هادي اليومين وتكون قريبة شويتين من فندق الكورت يارد؟؟
عندج المركز العلمي مو قريب شويتين
3 شويات لا مو بعيد لازم تزورينه وعندج ابراج الكويت ومجمع مارينا مول وسوق شرق واربع شويات
مجمع الافنيوز الي يزور الكويت لازم يزوره وفي سوق تراثي قديم اسمه سوق المباركيه
وشئ تاني حابة أسأل عنه .. ابغى سيارة تستقبلني من المطار واتحرك بيها خلال اليومين
فهل اطلب السيارة من الفندق افضل؟ او فيه شركات افضل واسعارها مناسبة؟
في مكاتب تأجير سيارات في المطار افضل من خارج المطار واضمن
أهل الكويت .. أهل الكرم ..
مشكورين مقدماً .. وبانتظار ردكم
وحاظرين لاي استفسار

شوفي موضوعي بتوقيع ( رحلتي الي الكويت ) راح يفد كثير حيث اني كاتب الاماكن السياحية و مواقعها و المولات و الاسواق الشعبية و المطاعم تقريباا 80% للسياح
و المطار في شركات تاجير سيارات عالمية بس لا اعلم اذا هناك سائق لها و التكاسي غير متوفرة باشورارع مثل دبي
يعني لازم سيارة اجار او تكسي ملازم لكي بارحلة عشان الجوو حر و الوقفة شينة باشوارع

السلام عليكم ورحمة الله وبركاته
حددي نوع الاماكن الى تحبين تروحين لها
يعني مثل مطاعم او منتزهات او المولات او الاسواق الشعبية
واحنه حاظرين

ماشاء الله .. الله يكرمكم على اجاباتكم السريعة
أخي كويتي1968
شكراً جزيلاً على ردك الوافي .. صراحة مرة افدتني الله يكرمك
بس حبيت أسألك مكاتب التأجير في المطار سيارات وسواقين ولا بس سيارات؟
وبالنسبة للفلوس .. الكويت تتعامل بالدولار أو لازم دينار؟
والحياة الكويتية تبدأ الساعة كم تقريبا؟؟ عندنا في جدة مثلا من الساعة 8 تفتح الأماكن وتبدأ الحياة ..
و اعذرني على اسئلتي الكتيرة
أخي violetq8
الله يكرمك .. راح اطلع على الملف ان شاء الله
مشكلة انو مافي تكاسي
شكراً جزيلا لردك ..
أخي WaS6a
شكرا لمساعدتك يا كريم ..
ما احب المولات كتير .. لكن لو فيه واحد تصميمه مبدع احب ازوره .. وحابة ازور سوق شعبي حلو
وحابة اروح سينما .. ولو فيه مراكز علمية او متاحف .. احب الأماكن الي على البحر
فيه مكان على البحر وقريب شوية من فندق الكورت يارد؟؟
الله يعطيك العافية .. غلبتك بأسئلتي

عندكم مجمع الكوت تصميمه حلو وجديد لاكن يبعد عن السالميه 25 دقيقه بسياره وطبعا في النافوره الراقصه
والقعده في حيل حلوه
واحدث سينما حالين في مول 360
ومن الاسواق الشعبية عندك سوق المباركيه انصحك بشده بزيارته سوق كويتي تراثي على الطراز القديم
وطبعا المركز العلمي على شارع التعاون مقابل فندق هوليدي ان
ولو حاب راسلني من التوقيع ارسل لك رقمي وان شاء الله اي استفسار وانت بالكويت راح اكون حاظر او اي مساعده

السلام عليكم
اختي .. لا شكر على واجب تامرون امر
بالمطار بس تأجير سيارات واذا حابه سيارة مع سائق ممكن تتعاملين مع تاكسي جوال يا كثرهم بالشوارع تتفقين مع واحد واذا ماتفضلين هالنوع من التكاسي ممكن نسألج عن سياره مع سائق.
بالنسبة للحياة العمليه يعني الدوامات والاعمال تبدأ من السابعه صباحا والمولات والمحلات تفتح من التاسعه والنصف صباحا.
بالنسبة للفلوس المحلات تتعامل بالدينار الكويتي فقط
وحاظرين لاي استفسار ثاني

شركة برنسس لتأجير السيارات
لدينا كل ماهو حديث اذا كنت ترغب بتأجير سيارة مع سائق او من غير سائق لك الخيار
للاتصال: 25743555

عليكم السلام ورحمة الله وبركاته
أول شيء أهلا وسهلا فيكم بالكويت وتنور الكويت فيكم
ثاني شيء لازم وضروري تزورون سوق المباركيه
فيه مطاعم ومؤكولات كويتيه وأسوق فيها كل شيء قديم وحديث

وبعدين أنصح في زيارة المركز العلمي

ولا ننسى سينما مول 360 التي تعتمد على احدث المؤثرات الصوتيه والبصريه
ونتمى لكم زياره سعيده

وأسف على الأضافه لا تنسون الأفطار في أبراج الكويت