- الرجوع الى الكويت
- قبل كتابتي لهالموضوع بحثت كثير في بوابة السعودية
السلام عليكم
اخواني الله يجزاكم خير نويت باذن الله تعالى ان اسافر انا والادي بالسيارة الى مناطق السعودية في شهر سبعه وستكون كالتالي ا
الخبر يوم
الرياض يوم
مكه اسبوع
الطايف اسبوع
ابها اربعه ايام
جدة اربعه ايام
المدينة يومين
ثم الرياض يوم
الخبر يوم
الرجوع الى الكويت
قبل كتابتي لهالموضوع بحثت كثير في بوابة السعودية
حابين نسكن في استديو غرفة بثلاث اسره او اربعه مثل اللى بابراج مكه اى السرير والجلسة والتلفزيون كلهم في مكان واحد محد ينعزل عن البقية ويكون سعرها رخيص وافضل الشقة او الاستديو يكون مفروش نفس الفنادق وليس سيراميك
احتمال تروح معنا اختي واولادها اثنين صغار فسيكون السكن بشقة غرفتين
اولا الخبر قريت عن مصايف الخبر واكنان ايهم افضل وارخص بالسعر ابي بحدود 300 ريال او اقل
ثانيا الرياض شنو افضل شقق فندقية عندهم وسعرها كويس قريت عن شقق بيت الاماني
وريف لين البودل المهيدب ايهم الافضل وسعره كويس ويكون مفروش ابي الشقق نظيفة واثاثها جديد ونظيف
وش احسن اسواق بالرياض تنصحونا بزيارتها ومكان ترفيهي للاولاد
مكه دايم اسكن ابراج مكه ولم اجرب سوفتيل مكه هل هو ارخص وكم سعر الاستديو ثلاث او اربع اسره
الطايف جزا الله اخي رمان الطايف عنا كل خير ماقصر معنا العام هو وعائلته سؤالي ابي منتجع بالشفا نظيف ومرتب وفيه حمام سباحه ورخيص كم بغرفة وصالة وكم بغرفتين وصاله
ووابي شقة فندقية بالشفا غرفتين وصالة نظيفة ومرتبه ابي الافضل وسعر جيد مايتعدا 300 وياحبذا لو اقل
ابها سؤالي هل الطريق من الطايف لابها امن وليس خطر مثل طريق الرياض الطايف؟
حابين نسكن في منتجع وقريت اكثر من واحد منهم السوده
وش ترشحون لى نظيف ومرتب وسعر كويس
بنجلس اربع ايام اتمنى من اخواني اهل ابها ينسقون لنا برنامج سياحي في هالايام وش احسن الاماكن اللى نزورها لانى قريت موضوع الاخ محبكم في الله وحيرني الاماكن كثيرة والمنتجعات واحنا نبي الافضل
قريت احد المواضيع عن غابةوشفت صور فهل تنصحونا نروح لها او خطرة لانى قريت ان بعض المرافقين اللي بالرحلة كانو يتراجعون ولا يكملون الرحلة
جدة قريت عن قصر الياسمين واونكس
اونكس شفت صوره وكان سيراميك ارضيته وقصر الياسمين ماشفت صوره ولااعرف وش هي ارضيته هل سيراميك او سجاد
وش تنصحونى بالافضل ولاتنسون السعر
قريت جزيرة الشراع بتكون من الجدول وشنو اماكن سياحية غيرها ولاتنسون الاطفال معانا
المدينة قريت عن شقق الروضة شنو الافضل عندكم وسعر رخيص
لاتنسون رحلتنا بتكون شهر وتبي ميزانية
وياريت تحطون لى ارقام الشقق للحجز
واذا احد يحجز لنا بخصم يكون افضل
وجزاكم الله الف خير عني وعن اولادي
وعساها في ميزان اعمالكم
بالنسبة للسؤال فسوف اجيبك عما اعرفه والباقي متروك للاخوان
نسأل الله أن تكن رحلة موفقة بإذن الله وان تسافرون بالسلامة
وفي اعتقادي أن يوم واحد في كل منطقة عدا مكة وابها غير كافي
لو تستثمر هذه الايام المفرقة في منطقة وحدة افضل بكثير .
الرياض هناك شقق كثر ويستطيع الزائر أن يمد لحافه على قد رجله
ولا يحضرني الان عنوان محدد ولكن لو وصلتي الرياض بالسلامة فسوف تجدي
كل رغاباتك وبالنسبة للاسواق هناك رمال سنتر على طريق الدائري الشرقي
وهناك سوق غرناطه قريباً من عمارة سابك وهو على طريق المطار وغيره كثير .
بالنسبة لابها الطريق من الطائف الى ابها هو آمن ولكن يحتاج الى قائد ماهر
وشخص لايحب السرعة بحكم انكم عائلة الله يوصلكم بالسلامة فسوف تمرون
على الباحة ثم النماص ثم تنومة ثم ابها والمسافة حوالي 520 كيلو .
وعند الوصول الى ابها سوف تجدون شقق كثيرة وفي بداية دخول أبها هناك شقق
على يمين الطريق وسعرها متوسط وبعد السكن يمكنك التجول في السوده
ثم دلغان ثم الفرعاء وهذه المناطق الرائعة في ابها وهناك الاسواق مثل سوق
الجمعية والذي يقع وسط البلد وكذلك الاسواق التي تقع على طريق ابها الخميس
وسوف تلاحظون لك اثناء ذهابكم على الطريق .
أرجو أن تكن رحلة موفقة وسعيدة . بارك الله فيك .