فتاة تهامة
16-05-2022 - 09:26 pm
طبعا أنا مو المره الأولى الي اسافر فيها الكويت لكن هالمرة رحنا مع عائلة صديقة
ولذلك أجرمنا 3 أيام مانرجع السكن الا لساعات الراحة والنوم
البداية السكن :
المارينا مول ب30 دينار ميزته موقع فريد في قلب السالمية الي الكرنيش امامك والاسواق ورائك
أما مجمع المارينا فتقريبا شبه ملاصق مايفصلك الا بضعة أمتار
عيوبه : مافي حجز ممكن يتأكد يعني انا حجزت على يوم الاثنين
لكن لما وصلت مالقيت أحد خرج من المستأجرين وظلوا يقولون لي انه بنكلمك إذا فيه شاغر
والله وكيلكم ماكان فيه شاغر لين سافرت
طبعا انا قد سكنت فيه سابقا أثاثه أبدا مو مريح
الكنب جلد أسود وغرفة النوم لكم عليها تفتح الباب تلقى ظهر الكنب للصالون بوجهك
دورة المياة مو نظيفة مره
رحت شقق المنتصرين موقعها قريب من سوق السالمية القديم بس مو نظيفة ابد
رحت اشوف شقق سارا بلازا قاعة الاستقبال ينبنى فيها شقق ثانية
غرف حلوة ومريحة وتتسع لعوائل كبيرة
الصالة فيها طاولة طعام وغرفة النوم واسعة وفيها دورة مياة وغرفة أطفال بسريرين
السرير يتسع لشخصين ام وفيه غرفة خادمة
السعر ب45 دينار "عجبتني كثير بس ماكان فيه حجز"
شقق بودل واو تجنن بس سويت غرفتين وصاله ب70 دينار
ودي أزعط وأقول واو مت عليه بس مافيه حجز بس دا مش طبعي
الا لقيت سويتين بس السعر هبل فيني
حتى تركت مسج في الاستقبال انه أنا سعودية بس زعلانه من السعودي صاحبه
عشان أسعار شققهم في الرياض تختلف كثير عن الكويت "الرياض أرخص"
موقعه في شارع المطاعم ترى شوي إزعاج ومافيه أسواق ممكن يمشون لها
طب بتسألون وين سكنت نتابع معكم في الحلقة القادمة
^
^
^
^
بدأت الحلقة "شفتوا كيف سريعة جدا"
انا سكنت بريتز السالمية مقابل سيتي سنتر في شارع قطر
ميزته " نظيف وراقي وسعره معقول ب40 دينار شامل الأفطار فتخيل كل يوم تفطر
انت واطفالك مجانا خيار رائع
غرفتين وصالة ودورة مياة بنظام فندقي يعني مافيه مطبخ
بس فيه تلفزيونين :x1:
الشقق قريبة من شارع المطاعم وقريبة جدا جدا من سيتي سنتر"معلومة متكررة"
سيتي سنتر كبير جدا ومتنوع واسعاره معقولة جدا للتسوق والهدايا
الملحوظة الي شفتها عليه ان في الليل متأخر واحنا راجعين شفت وحده أجنبية
شكلها مش ولا بد داخله مع مواطن عربي
والله أعلم كان فيه شي مريب لان الي في الاستقبال شافتني تنحت وارتبكت
وصارت تحاول تأخر فيهم عشان نطلع قبلهم
"مع ان الكويت كلها عندهم تشديد على هالامور وهذي النقطة تحسب لصالحهم
كملوا جمال مدينتهم بمحافظتهم على هويتهم وهذا يحسدون عليه بقوة"
هذا كل شيء بالنسبة للسكن بأوافيكم بعد لحظات بأخبار المجمعات
لا تروحون بعيد خلي عينك عالعرب المسافرين
فاصل ونواصل
أسعد الله يومك
بالطبع هناك الكثير من الفنادق النظيفة والجديدة وهناك فنادق للأسف تسئ لنفسها ولسمعتها . لذلك سوف تجدين على موقع فنادق الكويت كم هائل من جميع فنادق الكويت ومن ضمنهم الشقق الفندقية .
http://www.kuwaithotels.info