صادق .. السكرتيز واحد شايب ماهوب داري وش السالفة .. لما رحت له ومعي ورقة الموعد يقولي بسجل اسمك وتمسك سرا s: اقوله عندي موعد واوريه الورقة .. يقولي ياخي انا ابي اخدمك بس خلك بالسرا ههه .. ياخي جبتو سكرتي فهموه وش الاجرائات على الاقل .. والسكرتي الثاني الحجازي مهنا فرق عنه بس اهون شوي .
وعاد جوا عالم ثاني من التخلف وكل واحد ماد بوزه كأنه قاعد يشتغل لوجه الله .. من مشرفهم الين اللي في الكاونترات باستثناء السعودي اللي في اخر كاونتر ..
انا تهاوشت مع الهندي اللي بأول كاونتر .. جاي بموعد وقاعد يخلص امور اللي جايين على النية ولا بدا معاي الا بعد اكثر من نص ساعة .. ونفسه شينة بعد !
شكلك تهاوشت معاه انت بعد ...
عاد استلام الجواز لحاله حاقة تانية ..
بس الصراحة انا اشوف التخلف اللي حاصل مشترك بين المراجعين اللي جايين بدون مواعيد ومسوين زحمة ولا يعرفون يعبون الابلكيشن .. وبين المكتب اللي موب عارف ينظم صح ..
ياحليل ايام السفارة والمعقبين ..

والله انا في جده ماشفت ولاشي من ذا

هذا صار ايضا بالخبر]

والله نفس الشيء هنا في الخبر
اليوم عندي موعد للمره الثالثة ... والسيستم داون
الله ياخذهم هما و سيستمهم ... والله من ريحة ابو ريحة .. قال سيستمهم خربان قال
اليوم اتهاوشت معاهم .... وحلفت لو بكره ما حطوني في الدور والله ثم والله حامسك الابلكيشين واقطعه قدامهم وارميه على وجههم.
قال حضاره قال.... بلد عايشة على امجاد الماضي .... دخلو سيستم في نظامهم وهم مهم قده ...

ابشركم ياجماعة استلم الفيزة امس الساعة ست مساء
والله جيت والناس زحمة وقبت على طول عند الباب ولما دخل واحد على طول وراه
والسكورتي يحاول قلت بنفسي والله ماطلع واحاول فيه وادخل بالبراد والمكيف
ونص ساعة وانا اشوف الموظفين بدوا بالعمل من تحت الطاولة(كل واحد معه مجموعة اوراق ويدور الجوازات بيسلمها لاصحابها)
وتمر من عندي موظفة واعطيها ورقتي وخمس دقايق وجوازي معي
سلم لي على التحضر اللي يدعون فيه
احس ان حركات الذل هذي مقصودة منهم

اتمنى ايقاف هذه المهزلة ..

في الخبر أبد اللي عنده موعد يدخلونه دايركت ولا يقعد اكثر من ربع ساعه الا منادينه ومع البصمات يمكن الشغله كلها نص ساعه بالضبط ... صراحه الموظفين اللي هناك محترمين جداً من سكرتي الين موظفات الاستقبال والبصمات على الضغط اللي عندهم لكن يخلصون الشغل بكل يسر وسهولة ... ( خذ موعد أهم شي ) واذا ما اخذت لا تلوم الا نفسك
تحياتي

والله يا اخوان انا اشوف ان الواحد يفترض انه ينهى اجراءات استخراج الفيزا بدرى قبل الصيف خصوصا ان اغلبنا عارف متى بيروح وهذا انا اللى اعمله دائما علما بانى السنه هاذى ما جربت الزحمه لانى استخرجت الفيزا من العام الماضى لمدة سنتان بالنظام القديم قبل نظام البصمه....

اتمنى من الاخوه المتضررين الكتابه الى القنصل بالسفارة البريطانيه مع الدليل ولا اعتقد انهم سيهملون الموضوع لانه لم تحصل هذه المهازل من قبل
امل يكون هذه الموضوع تجمع للاخوه المتضررين والاتفاق على صيغه معينه بالدليل ومخاطبه القنصل بالسفارة البريطانية
بالتوفيق