ياهلا والله أختي ..
حيااج الله في بلادج قطر واتمنى لج رحله حلوه ..
بالنسبه للفنادق ..
" الريتز كارلتون , جراند حيااة والانتر كونتيننتال كلهم تقريباً قراب من اللؤلؤه وهو المكان الحيوي فالدوحه وتقدرين تراجعين التقارير وراح تلقين معلومات كثيره علن هالمكان .. و فنادق الكورنيش منها الشيراتون والفورسيزون والدبليو + كمبنسكي -جديد توه مفتوح- ..< كل ماذكر 5 نجوم
اماا عن الاماكن الي ممكن تتمشين فيهاا فعندج المجمعات بكل انواعهاا ( الستي سنتر ... فيلاجيوو .. المول .. الاند مارك .. وذنان مول -مجمع عائلي جديد- .. سنتربوينت .. رويال بلازا .. مجمع اللؤلؤه )

• افضل السينمات في مجمع الستي وفيلاجيوو واعتبرهم احسن سينمتين فالدوحه .. + السينما الي فرويال بلازاا حلوه ويمدحونهاا

الريال السعودي اتوقع نفس القطري .. ويفضل انج تحوليين العمله ..
فائق احترامي

بيض الله وجهك أخوي بو عبدالله ماقصرت،
أختي اي استفسار ثاني بنكون في خدمتج ان شاء الله،،

الشباب ما قصرواا بو عبدالله والمنصورري. بزيد على الفنادق عندك الموفنبييك والماريوت ومنتجع شرق فيلاج. بالنسبة للعملة ضروري تحولها لانه مو زي البحرين المكان الوحيد اللي يمكن يقبل العملة السعوديه هي محطات البتروول. بما انك جاي ثلاث اياام لازم تزور سوق واقف ومجمع فيلاجيو . ثانيا اذا عندكم وقت تروحون اللؤلؤة وسيتي سنتر وحديقة اسباير بجانب فيلاجيو . بالنسبة للمطااعم عندكم مطاعم سوق واقف + مطاعم الحي الثقافي مطعم زعفران الهندي ومطعم خان فارووق . ومطاعم الفنادق خمس نجوم .الالعااب متوفرة بجميع المولات

وبسئل الريال القطري نفس السعودي او يختلف
كم الاختلاف
الريال القطري أعلى من الريال السعودي
الفارق بالعمله هو كل خمسمائة ريال سعودي يقابلها ( 460 ) ريال قطري تقريبا.

لا يا خووي مب هالفرق الشاع 100 ريال = 97 ريال قطري يعني 500 سعودي = 485 ريال . طبعا لازم تصرفون من امااكن صرف معتمده او بنووك لان بعض امااكن الصرافه يبالغوون .

مهندس قطري
هذا ما حصل لي بالصرف من السوبر ماركت الذي عند منفذ بو سمرة
وقال بالحرف الواحد الصرف هذا مثل المصارف ولا فيه فروقات