السلام عليكم يا اخواني و خواتي اعضاء منتدى العرب المسافرون
الصراحة هذا المنتدى الوحيد اللي اثق فيه لما اسافر و استفدت وايد من المواضيع في سفرتي لماليزيا
و الحين طمعانه في كرمكم
بسافر ويا زوجي سويسرا و طبعا هاي اول سفره لي وياه بروحنا خ
و يلست اسوي سيرش في الاماكن لقيت مواضيع الاعضاء ما قصروا في سرد التقرير بالصور
و احترت اكثر لما شفت الصور والمواضيع الحلوه
المهم
بنسافر ان شاء الله من مطار ابوظبي ع طيران الاتحاد تاريخ 11/8/2009 و بنرجع تاريخ 20/8/2009 يعني المدة 10 أيام
يستحسن انِأجر سيارة والا عادي و هل يقبل الليسن المحلي والا دولي و شو المناطق تحتاج السيارة او القطار
ووين انوقف السيارة اذا سرنا بالقطار
الزبده
انا حطيت ها المخطط ماادري صح والا لا
جنيف 2 ليلتين
بنزل في جنيف كم يوم تحتاج و شو الاماكن اللي تستحق الزيارة ؟؟؟؟؟؟؟؟؟؟؟؟؟؟؟؟؟؟
ايفان ؟؟؟؟ مبيت والا سيره و رده بعدين وين انسير ايفان والا ديفون والا مونت بلاك و هل ممكن انسيرلها من خلال يلستنا في جنيف
مونت بلاك
انترلاكن كم ليلة
و وين اسير و شو احسن فندق 3 -4نجوم و هل فيه مكان فيه ثلج ملقوفه في عمري ما شفت ثلج طبيعي و كم يوم وشو طريقة المواصلات من جنيف لا انترلاكن
لوزيرن والا لوزان و كم ليلة وشو الاماكن و شو الفندق
زيورخ هل تستحق الزيارة و شو الاماكن و القندق القريب من المدينة
ابا اسير رست اوروبا بارك كيف نسير لها بالقطار والا بالسيارة و كم ليلة
و وين ممكن الف اوروبا مثل زيلامسيه يستوى اسير لها والا لا ؟؟؟؟؟؟؟؟؟؟؟
والله عن جد محتارة و هب عارفه الاماكن اللي تستحق الزيارة في سويسرا اخاف اضيع وقتي في مكان ما يستاهل السيرة و :112: على ابو الشباب
و نسيت ابا اسير مصنع الشوكلاته يم يم يمي و جبال الألب و مدينة هايدي حبيبتي و بييتر
انتظر الرد في اسرع وقت وتراني للين الحينه ما حجزت لاول محطة في جنيف لاني ما اعرف الفندق الاوكيه
بليز لا تخيبوني وانتظر الرد بسرعة من خبرتكم الواسعة بهاي الدولة
و كان الله في عون العبد ما دام العبد في عون اخيه
انتظركم بأحر من الجمر لان بو الشباب معتمد علي في تنسيق الاماكن و الرحلات السياحية و الا بيكنسل لي السفره
و الله و بدعيلكم من كل قلبي في رمضان