امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بو عمر الكويتي
25-10-2022 - 12:02 pm
السلام عليكم ورحمة الله ويركاته
ودي اسالكم سؤال
شنو انطباعكم عن الشعب الامريكي ؟
و شنو نظرته للمسلمين و للمسلمات المحجبات او المنقبات !؟


التعليقات (9)
Impact
Impact
شعب ودود وواضح ويحب المساعدة !!
وموضوع الحجاب والنقاب كثير في امريكا وليس لهم اي تعليق عليه !!
لان حرية الاديان لديهم هي الاساس !!
يمكن بعض المدن الصغيرة الغير معروفة بالسياحة يستغربون النقاب فقط
واغلب المدن متعودين عليها وفيه كثير عايشين هناك بنقابهم !!
بالتوفيق

ميلان للابد
ميلان للابد
بصراحه شعب طيب جدا ويرحب بالسياح

no nick
no nick
شعب رائع و الكل في حاله
الا القليل القليل
و لكل قاعدة شواذ
و هذ الشي في كل مكان
و اذا انت تقارن بين اورلاندو و لندن و الناس
الانجليز معروفين بأطباعهم و ما فيه وجه للمقارنه بين الشعب الامريكي بالانجليزي

كثير كلام
كثير كلام
شعب حاله من باله محد له دخل في احد واذا سألت اي واحد راح تجد الجواب الكافي الشافي الصادق ولا تستبعد انه ممكن يوديك للمكان الي تبيه من حرصهم
سلملي على الفري دوم والله

معماري النغم
معماري النغم
شعب ودود جدا فوق ماتتصور ومتعاونين
بمعنى الكلمه شعب رهيب

! ابوعبدالعزيز
! ابوعبدالعزيز
الحجاب صار شىء عادي في امريكا.. كل يوم اشوف حريم متحجبات بألوان مختلفه احمر اخضر ازرق كحلي
قبل فتره في نيويورك شايف واحد في داون تاون لابس ثوب ^_^

the-wise-man
the-wise-man
شعب حبوب ولطيفويتعامل بكل سهوله وبساطه مع الأجناس الأخرى ومتفهم من ناحية الأمور الدينيه يعني مثل احنه المسلمين عندنه حجاب وصلاة وهالسوالف لمه يشوفونك عادي ما يستغربون ونصيحه روح اورلاندو ما عدا انا اموت في لندن تدري اشلون روح لندن شوي واورلاندو شوي قسم السفره وبالتوفيق

meshoo7
meshoo7
والله اشوفكم تمدحون في الامريكان وانو مافيه مقارنة مع الانجليز
و اللي في بريطاينا يمدحون في الانجليز ويذمون الامريكان
و كل فتاة بأبيها معجبة

EAGLE ONE
EAGLE ONE
الكثير ماخذ مقلب بالشعب الامريكي, لا الوم اللي راح سياحة وتعامل مع افضل النوعيات اللي لو ما ابتسم فمصيره الفصل,
عموما الشعب يختلف من منطقة لاخرى, فامريكان الوست كوست فرق عن المدوست والساوث, وان كان يجمعهم ان الابتسامة مو من قلب, فالامريكي يبتسم لك والله اعلم وش اللي بقلبه, مو كل ابتسامة معناها المودة وانهم حبوبين


خصم يصل إلى 25%