بارك الله لك وبارك عليك وجمع بينكم بخير

1. هلابك اخوي محمد بن نايف


2. اولا بارك الله لكما وعليكما وجمع بينكما في خير

السلام عليكم

هلابك اخوي محمد بن نايف

اولا بارك الله لكما وعليكما وجمع بينكما في خير

ثانيا : اندونيسيا شاهدتي فيها مجروحه ... مو بس مجروحه الا مفلوقه بعجرا .... يعني انصحك تروح لشهر العسل بقوة ... لكن انتبه من الحريم تراهم ما ينعطون وجه بالسوق ولا تصدق اذا قالوا لك ما بنشتري شي تراهم نصابين
الحل : عطها مصروف محدد للتسوق + علمها من البدايه انكم مجبورين على وزن عفش معين
اذا كنت طالع على السياحيه مالكم الا 70 كيلو فقط لا بس اخصم منها 30 كيلو اغراضكم اللي بتاخذونها معكم يتبقى 40 كيلو فقط علما بان الشنطه الواحده يجب ان لا تتعدى على ما اذكر 25 كيلو ولا ما يسمحون لكم بادخالها مع العفش اذا زادت عن هذا الوزن والا عليك بتجزئتها
اما اذا كنت طالع على الافق فيسمحون لكم ب 80 كيلو للشخصين
اسكن في احد الفنادق التاليه :
كراون بلازا .. ساري بان باسيفيك ... واذا كان جيبك عامر اسكن في فندق موليا
( اذا كنت ترغب بسائق امين ويرتب لك وضعك من قبل لا تسافر ويحجز لك على الفنادق ويستقبلك في المطار ... راسلني على الخاص وزودني رقم جوالك ) وهذه خدمه مني لك ولا اريد مقابلها سوى الدعاء
المصروف اليومي يعتمد عليك شخصيا ... واتوقع 300 دولار يوميا كافيه وتشمل ( السكن + التسوق + الاكل والشرب + المواصلات )
اذا كنت بتسكن في الجبل او باندونق لا تنسى تاخذ معك ( قطمة رز 10 كيلو + شاي ابو جبل + بن وهيل + دله + معلبات فطور + شابوره )
طبعا بتاخذ لك شغاله في الجبل او باندونغ تطبخ لكم في الفيلا وتنظف لكم البيت ولا تنسى تاخذ لك تيس صغينون اذا سكنت في الجبل
وانا حاضر لاي استفسار
اخوك ابو عبد العزيز

يعطيك الف عافيه اخوي بوعبدالعزيز وبيض الله وجهك وراح يكون بيني وبينك مراسله على الخاص احسن
ولك جزيل الشكر

الف مبروك
ورحله سعيده ان شاء الله