أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
عندي استفسار بسيط
اذا انا في الماربل ارش ودي اروح للفولهام برودوي
لازم اني اغير القطار عند محطة فكتوريا
او فيه طريق اقرب من هذا
يا ليت احد يفيدني
شكرا
تركب من الماربل ارش قطار اللي اسمة السنترال اللي لونة البرتقالي و تنزل عند محطة NOTTING HILL GATE وتغير القطار وتركب اللي لونه اخضر المتجة إلى محطة wimbledon وبيكون هذا اقرب شي لك .
أي خدمة تحت امرك
القطري
هلا والله
اخوي القطري
انا ابي اروح ملعب تشيلسي (ستامفورد بريدج)
واقرب محطة اندرقراوند هي فولهام بس كيف اوصلها ما ادري
معا اني ساكن جنب الماربل ارش
شكرا
حلو ..
شهر 2 الي فات رحنا الملعب ..
عندك كذا طريقه ..
الأولى ..من محطة ماربل ارتش تاخذ الاندرقراوند لين محطة نوتنق هيل وهناك اتغير على الخط الأخضر وتاخذ الاندرقراوند لين محطة ايرلز كورت وهنا لازم تنتبه لانك لازم اتغير الاندرقراوند وتاخذ الي رايح على محطة فولهام ..
او
اتروح محطة بوند ستريت الي في الجهه المقابله لشارع اكسفورد وتاخذ الخط الرصاصي لين محطة ويست مينستر واتغير على الخط الاخضر لين محطة ايرلز كورت وهناك اتغير على الاندرقراوند الي ايوديك على محطة فولهام
اذا وصلت محطة ايرلز كورت اسأل الموظف الي هناك وقله ابي اروح ملعب تشيلسي وهو راح ايدليك او سوا نفسنا وخلك مع العالم لانك بتشوف جمهور تشيلسي واجد في المحطه ..
لان المره الأولى الاندرقراوند لما وصل محطة ايرلز كورت ماراح على محطة فولهام على الرغم انهم كلهم على الخط الأخضر ..
محطة ايرلز كورت تتفرع الى 3 مسارات خضرا واهنا لازم تنتبه ..
ان شاءالله اتكون اوضحت الصوره ..
واي خدمه احنا تحت امرك الغالي
احم احم ..
قصدك ارسنالي ^_^
حضرت مباريات الأرسنال ولما رحنا ملعب تشيلسي كان ولد عمي جاي من الدوحه وقال خلنا انحضر المباراه في ملعب تشيلسي وكانت المباراه بين تشيلسي ومانشستر سيتي وانتهت 4/2 لمانشستر وولد عمي كان مانشستراوي
يعني ولا واحد فينا من جمهور تشيلسي ^_*
أي خدمة تحت امرك