سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
محمد.م
13-11-2022 - 03:12 am
السلام عليكم ورحمته الله وبركاته
عندي استفسار يا شباب وبنات المنتدى المحترمين
انا اعاني من مشكلة من قديم العصور الا وهي الظمان المالي وتعريف بالراتب وامور الشربكة ذي
بالنسبة للسفارة والفيز
طيب انا مجرد طالب واستغل كل اجازة تجينا واسافر برا ( مصر - سوريا الخ....) الدول العربية عموما
والي موقفني لي اروبا وامريكا وكندا وبعض دول اسيا هو شي واحد معقدني يا ناس مجنني
الظمان المالي
التعريف بالراتب
الظمان المالي بصراحة امور تعجيزية انا يوم اسافر يكون معي فلوس اكلي وشربي وفندق انبسط وارجع
ماعندي مبالغ زايدة عن كذا .. طيب افترضنا بأسم الوالد ؟؟؟ الوالد متوفي اطال الله في اعماركم وعلاقتي العائلية احم احم ضعيفة شوي فما تنفع اني اكلم احد او اقل لي احد حط لي مبلغ وخذه بعد 3 ايام !!!
التعريف بالراتب؟؟؟ انا طالب ولست موظف لاتوجد لدي هذه لانواع من الاوراق
طيب في هذه الحاله او الي في حالتي ؟؟ ما يسافر معقولة خلاص مافي حل ؟؟
مافي شركات مختصة بالامور ذي مافي بنوك ممكن تساعد ؟؟؟ مافي من هنا من هنا ؟؟
طيب خذو عندكم مثال الحين الاختبارات ما بقيلها شي وتخلص وجاية اجازة بطلع اسبوعين اليابان نفسي اروحها البلد دي
لحظة
ماتقدر تروح لانه ما معك ظمان مالي ومانت موظف ياهو يا عالم
قلنا لك مافي اذلف
طيب سويسرا اخ عليكي من بلد
قلنا لك مافي اذلف ################
يعني عشان اروح الااماكن ذي لازم اصبر لين اتوظف واجبلكم الي تبوه ههه
طولت عليكم يا شباب اعيد استفساري
لدي مبلغ يكفيني ويغطيني كا شرب واكل موصلات كا سياحة فقط وسكن الامور ذي !!!المنطقية
ارجو ان تفيدوني يا شباب الربع


التعليقات (9)
alderhim
alderhim
يا أخ محمد
بتقول أنك توك تلميذ مدرسة أو جامعة حتى
أنا أنصحك نصيحة لله أن المبالغ اللي تبي تصرفها
في الأسفار أنك تفتح لك بها حساب تو فير في أحد البنوك
حتى تتخرج من الجامعة و تكون نفسك بهذا المبلغ اللي جمعته على مر السنين
و بعد ذلك لما يشتد عودك و تكون ان شاء الله
صاحب وظيفة و حساب في البنك تقدر تسافر حتى إلى آخر الدنيا
يا أخي أصبر فالمستقبل أمامك و الصبر جميل
لأننا كلنا مرينا بنفس الدور
ادعو لك بالتوفيق و النجاح

سيرفس15
سيرفس15
شيء غريب تبي تسافر لليابان ,, ومقعدك الضمان المالي إنك تسافر إلى أوربا ...
أكيد إنك مطنوخ مشاء الله عليك ..

محمد.م
محمد.م
اخوي جزاك الله خير ع النصيحة ويعطيك الف عافية.
اخوي انا تلميذ فعلا لكن هادي اخر سنة وانا على فكرة معيد المفترض اني تاني جامعة الان اخوي.
فا موضوع الجامعة لاحق عليه لو اين كنت بكمل اخوي.
لكن وضعي كامسافر عريي الان ما حله.
بالنسبة يوم قلت اروبا وامريكا هادي مجرد نظرية قلتها هدفها الفيزا سوا امريكا او اوربا او دول اسيا
والقدرة المالية موجودة لكن كا سياحة شخصية فقط وليست امور ظمانية او وظيفية اخوي.
لهذا انا اسال هل توجد مقرات تساعد في مثل هذا المواضيع سوا كان وسيط او كفيل من خلال شركات سياحية او بنكية
تقبلو تحياتي.

باب الشامي
باب الشامي
ياخي روح الفلبين وماليزيا واندنوسيا ..... الخ
كلها قص التذكرة وعلي المطار لضمان بنكي ولا حاجة وبعد التخرج وتحسن وضعك المادي فكر في الدول الغربية

alma3ani
alma3ani
غر رريب
ومن الي قالك هلكلام يعني اي سفارة اطلبت منك ظمان مالي او شهادة راتب
بريطانية ماتطلب منك ولا شي اذا بتروح لها سياحه ولاحظ على كلمة ولا شي حتى حجز تكت وفندق ماتبي منك
مجرد اتعبي الابلكيشن واتروح لسفارة واتقدم اللطلب وتقدر تاخذ فيزة لمدة 10 سنوات
والمانيا نفس الشي ماعمرهك اطلبو شهادة لراتب اهم شي يكون معاك حجز للفندق والتكت وافلوس الفيزة والصور الشخصية وخلاص وتقدر تاخذ منهم شنقن ونفس الشي على باقي اوربا مثل ايطاليا وفرنسا حتى الحظور مو مهم ممكن مندوب عنك يسويها
فيزت استراليا عن طريق النت يسونها وبيوم واحد اتخلص او عن طريق ارمكس يرسلون لك الابلكيشن وبظرف اسبوع اتكون جاهزة لو عبيت الابلكيشن عدل ومايطلبون شهادة راتب
دول شرق اسياء مثل شنو تقصد لا ماليزيا ولا سنغافورة ولا الصين ولا الفلبين ولا تايلند غيرها من الدول يطلب فيزه
الصراحه غريبه يعني مادري من الي مفهمك بهشي حتى امريكا نفسها ماسمعت انهم يطلبون بشهادة الراتب لو انت رايح سياحه
اخوي تاكد من مصادرك لان انا مصادري متاكد منها ولاف اوربا كلها واستراليا وشرق اسيا وغيرها من الدول وماعمرهم اطلبو شهادة براتب الا اذا كنت طالب وعلى حسابي هنا ممكن يسالون من المسؤال عنك ولاكن بغرض السياحه مستحيل
واتمنالك التوفيق بدراستك
واي استفسار احنا بلخدمة

Memi
Memi
لاستخراج الفيزا لازم كشف حساب او ضمان مالي.. اترك الضمان وخذ السهل.. مشكلتك جدا جدا جدا جدا سهلة.. يكفي انك تقدم كشف حساب بالفلوس الي راح تصرفها.. وما اعتقد ان في شخص ماعنده الحين حساب بنكي.. حتى لو فيه مية ريال بس اغلب الناس عندها ..
المبلغ الي بتسافر فيه حق اكلك وشربك دخله في حسابك قبل ماتسوي كشف بنص شهر واطلبه من البنك وروح اتكل على الله
هذا الطبيعي في حالتك وابدا ابدا ماهي صعبة.. واذا افترضنا ماعندك حساب بنكي.. افتح حساب بنكي ومو شرط عندك فلوس.. تقدر تفتحه بدون رصيد في بعض البنوك بالسعودية.. ولو تدخل فيه مبلغ زهيد بين فترة وثانية
قضيتك ابداً ليست بقضية.. ولكنها نقطة صغيرة وامرها هين.. وان شاء الله تسافر وتتهنى
انا من لما كنت في المرحلة الابتدائية وكان عندي حساب بنكي.. وكنت ادخل فيه مية لو ميتين ريال.. واعتقد هالشي صار ضرورة
هونها وتهون وانظر للأبواب المفتوحة واترك المغلقة وتفائل
كشف حساب + تعريف من الجامعة وانتهت القضية

محمد.م
محمد.م
باب الشامي
طبعا مثل ما قلت مافي احد ماله حساب بنكي ولدي حساب واخوي لكن فكرة اني اعطيهم حساب بدون مبلغ محدد من قبلهم لا اظن انه موافق عليه اخوي

alma3ani
alma3ani
memi
؟؟؟؟؟؟؟؟؟؟؟؟؟؟؟؟؟؟
انا تعقيب على الرد بس الي حبيت اقوله ان صاحب الموضوع بروح سياحه مو دراسه علشان اورقة من الجامعه او كشف احساب
مادري من الي مفهمكم هشي بنسبة لبريطانية توني مقدم على الفيزة وكانت خامس فيزة اقدمها وماعمرهم اطلبو مني هشي
وقدمت حق الاهل وماطلبو منهم الا انهم يعبون الابلكيشن والصور وسعر الفيزة فقط لانهم رايحين سياحة
ودول الخليج معروفه انها دول غنية ومايقارنونها مثل الدول الفقيره علشان هطلبات
الصراحه انا مستغرب من الكلام الي اتقولونه لان ولا مره صارلي هلموقف او حتى طلبو هطلب
حتى فيزة امريكا يوم سالت عنها قالو مانطلب منك لا كشف احساب ولا ضمان مالي اساسن ضمان حق شنو وانا رايح سياحه
يعني لو انت رايح دراسة ارجع واقول ومثل ماقلت في ردي الي قبل اي تحتاج حد يكفلك واذا كنت بعثة تحتاج اورقة من الي باعثينك كضمان مالي بس اذا سياحة ماتحتاج وعلى فكرة فيزة الدراسة غير عن فيزة السياحة
واي استفسار انا بلخدمة

Memi
Memi
  1. ارجوا ان تكون فكرة الضمان المالي وصلت..


حلو ومدلع
للتوضيح انا لم اتطرق للضمان المالي لأن له اوضاع خاصة
انا تكلمت عن الطبيعي وهو كشف حاسب + تعريف من الجامعة انك طالب وهذا شي سهل ومقدور عليه
انا سافرت اوروبا ايام المرحلة الجامعية وكنت بالسعودية وطلعت خطاب تعريف من الجامعة + كشف حسابي
والحين تو بطلع فيزة وانا في بريطانيا من السفارة الهولندية نفس الحركة كشف حسابي + خطاب من جامعتي
هذا شي روتيني وبديهي بكل مكان.. وحبيت اضيف لمعلوماتك معلومة.. ان الضمان المالي لايتعلق بالابتعاث وبس..
اذا كنت بتسافر وشركتك بتدفع تكاليف اقامتك تطلع خطاب ضمان مالي.. وهذي سهلة اذا مديرك متعاون..
اذا احد من قرايبك عنده مكتب خاص لو ختم من الغرفة التجارية يسويلك خطاب ضمان مالي انه متكفل بسرفتك.. وهذا الشي يغني عن الكشف

ارجوا ان تكون فكرة الضمان المالي وصلت..

ومعليش اخوي.. الفيزة البريطانية تشترط كشف الحساب بالنسبة للمتكفل بالسفرة.. وهذا شرط لايسقط ابداً ابداً.. .. وماله شغل بالغنى والفقر.. ياعزيزي هذي قوانين لاتخضع للعنصرية بين الفقير والغني.. هذي شروط واضحة من الفيز الأوروبية بلا استثناء .. مايثبت المقدرة المالية على السكن والمعيشة طوال مدة السفرة..وين على الله نسافر بدون كشف حساب؟ تصير فوضى الدنيا!!! وتقدر تراجع موقع الفيز البريطانية وشوف انهم يطلبون كشف حساب واتصل عليهم وتأكد بعد..
وشكراً على تعقيبك ولكن اتمنى التأكد من معلوماتك اخي الفاضل الموضوع ماهو معقد لكن هذي انظمة سهل وبمقدور اي شخص يوفرها
وللتأكد راجع موقع السفارة البريطانية لو السفارات الاوروبية بعدم حاجتهم للبانك ستيتمنت..


خصم يصل إلى 25%