- السلام عليكم ورحمة الله وبركاته
السلام عليكم ورحمة الله وبركاته
في البدايه احب اشكر الجميع من مشرفين واعضاء في هذا المنتدى الجميل والرائع الذين لهم الفضل بعد الله فيما وصلنا اليه بمجهودهم وتقاريرهم الرائعه والوافيه والشامله حول سفر المسافر العربي الي هذه الدول كانه زارها من قبل ولكن هي المره الاولي في الحقيقه له .
في يوم الاربعاء 2/6/2010 الساعه الرابعه عصرا كان الوصول الي بلد البحيرات والجمال الطبيعي الرباني سويسرا عن طريق البر قادما من النمسا وبالتحديد من زيلامسي جنه الله في الدنيا حيث كان اجمل طريق يمكن للمرأ ان يقود السياره فيه لجمال الطبيعه والخضره والبحيرات والمطر كان على طول الطريق من زيلامسي الي ان وصلت الي (انترلاكن )محبوبة الكل وبالتحديد الي السكن في (سويس ان ) الذي هو قريب من السنتر وحصلت عليه بعد مشقه لعدم وجود حجوزات والذي انصح الجميع ان يكون لديه حجز مسبق وسالفة روح وتلقى والا روح للانفورميشن يلاقون لك سكن ماينفع جربنا هذي الطريقه في زيلامسي وصلنا بدون حجز ومالقينا الا فندق وسعره غالي لمده اسبوع الي ان حصلت حجز في انترلاكن.
وكان اليوم الاول لنا استلام الشقه وتنزيل الشنط واخذ دوش لابعاد الارهاق وعناء السفر ، ثم الذهاب الي مطعم باكستاني اسمه شالمار وتم معرفته عن طريق احد التقارير لاحدي الاخوات الفاضلات ولكن كان مستواه كلش عادي واكله عادي للجايع بس يمشي الحال لين نستقر الليله وبعد الاكل توجهنا للسنتر وكانت الساعه تقارب 5:45 مساء وباقي شوي ويسكرون واشتريت شريحة اتصال من محل انتردسكاونت اللي على الدوار بعد المتروبول اذا تعديته وخليته على يدك اليمين يجيك الدوار والمحل جهة اليمين على الدوار وتم الرجوع للشقه وانتهت فعاليات اليوم الاول .
اليوم الثاني الخميس 3-6-2010
تم الصحيان الساعه 8 صباحا وذهبت الي سوق تجاري مقروس وفيه سوبرماركت ومحلات ومطاعم واشتريت معدات الافطار من خبز وحليب وعصائر واجبان وبيض الخ......
لاني افضل اكل البيت في الافطار احلا من الفندق لاني مليت في زيلامسي من اللحم البارد طبعا خنزيراعزكم الله لانه اكلهم المفضل وحطينا حرتنا في الجبن والخبزوالعسل والمربي والزيتون والبيض المسلوق .
ولكن في الشقه تاكل اللي تبي في الوقت اللي يعجبك وبعد الافطار توجهنا الي السنتر للتسوق والغداء وشرب القهوه في المقاهي الجميله وصادف ان طلعت الشمس وقت الظهرالي الساعه 5:30 مساء رجع الغيم وجو روعه ويرد الروح.
رجعنا الشقه الساعه 6:30 مساء بعد جهد كبير محملين باكياس مادري وين راح انوديها .
طبعا لازم دوش للراحه ثم شرب الشاي وكتابة هذا التقرير المبدئي لكم الا ان نرجع الكويت ويتم الانتهاء من كتاية التقرير لكل دوله على حده مع الكثير من الصور لكم احبابي الله يحفظكم .
تحياتي للجميع............. في امان الله
سلم لي عليها