السلام عليكم
الله يوفق فى زواجكم وترحالكم
اعتقد ان سويسرا انسب فى الطبيعه وافضل شئ تكون الرحلة مرتبة مع شركه برنامج كامل واسعار معقولة وتعرف الكلفة من البدايه
وانصح بشركة سياحية فى البحرين اسمها سن شاين او الامارات تومس كوك وهى وكيل شركه سياحيه فى اوربا اسمها كوزماس وانا قد جربت الشركه اكثر من مره تشوف كلشى بوقت قصير وعندهم كتلوج كامل بعدت رحلات من ارياف اومدن واسعار تقريبا لمدت اسبوع 3000اريال بدون التدكره الطيارة

شكرا اخوي مشفوح سفر على تجاوبك معاي
بس انا بالرياض وامس مريت على شركات سياحيه كثير عندنا .. ( التسهيلات - المؤيد - الصرح - الطيار )
كلهم قالوا عروض اوربا للحين مانزلت تنزل بعد اسبوعين ل شهر ... بس قالوا لنا احجزوا الطيران الحين
يالله احس اني مره ضايعه اول مره اسوي كذا بحياتي العاده يقولون لي ولمي شناطك واولمها وخلاص

بعد البحث والتفكير

مرحبا أختي
حس أن البرنامج اللي وضعتيه شوي مرهق
يعني انتو عرسان تبون شوية روقان
طبعا التنقل بين هذه المدن يعتبر متعة في حد ذاته
لكن اعتبر الطبيعة متشابهه إلى حد ما
كيف تتنقلون بينها ؟ قطار ؟ يعني لازم عفش قليل عشان ماتتبهذلون بارسال الشنط ونقلها
على فكرة
تعالي هنا
تايلند ؟؟؟؟؟ من جاب طاريها ؟؟؟؟ عيب يابنت أول سفرة سوا ؟؟؟؟ اذا بتروحوا تايلند شهر عسل فين راح تروحوا بعد 5 - 10 سنوات ؟؟؟ الله يسامحك !!!!! انسي
ودي اخدمك بس ياليت تعطيني لمحة عن هواياتك عشان اساعدك في الترتيب وعندي بعض الملاحظات بقولها لك المرة الجاية اوكي

ايوه صح
أنا من الناس اللي مااحب الشركات ترتب لي رحلتي
أحجز تذكرة من الخطوط اللي يعجبني سعرها وخدمتها
أحجز فنادق أون لاين واذا ماحصلت حجزت من مكتب سفريات
يعجبني التنوع في السكن يعني ممكن مره سويت راقي ومره غرفة ومره شاليه ومره شقة راقية و مايكون نفس جو الاوتيلات على طول

فكره ياحبني لك والله اسمك ملهم الصراحه
انا يا قلبي اح الملاهي والوناسه

اختي قصيدة المساء عمل خطه مثل هذه تبدأخطوه خطوه وكل ما انتهيتي من مرحله تتضح الرؤيا اكثر
مثلا : اول خطوه يجب ان تتفقوا على مدة الاجازه وتوقيت بدايتها بشكل نهائي لايقبل التغيير
ثانيا تحديد الجهه بعد النقاش مع زوج المستقبل
ثالثا يتم عمل الحجز للطيران ذهاب وعوده بشكل نهائي
بعد الخطوات اعلاه تكوني وضعتي القالب الاساسي للرحله
رابعا اخذ جولات في البوابه الخاصه بالجهه التي حددتيها وجمع المعلومات والاستفسار عما يشكل عليكم
توزيع المده على المواقع المراد زيارتها والتي بها تتوفر اهتماماتكم وعمل الحجوزات بالفنادق عن طريق الانترنت ارخص واحسن

قصيدة المساء
اجل بنات تايلند يخوفون
ههه
وهو صادق
عموما خياراتك كثيرة وميزانيتك كويسه
سويسرا وفرنسا
النمسا وسويسرا
النمسا وألمانيا
سويسرا وايطاليا
انتي حددي بس

شوفي أختي
والله أنصحك بدولتين وبس دامكم عرسان
أما النمسا وسويسرا
أو النمسا أو المانيا
أو سويسرا والمانيا
وأنصحك بعد تتريثين شوي ترى آخر شهر مايو تنزل عروض طيران وفنادق
واذا ودكم تتدلعون .................. روحو مع جروبات ........... تطلع من الكويت
ميزانيتك ب 30000 ريال تذاكر وفنادق درجة أولى وتنقلات وأفطار ومصروف ورحلات وكله
وتعيشون جو أسري مع عوايل ثانية وتتعرفون على ناس وما تملون من بعض
والمدة 21 يوم
واي معلومات اخرى أنا حاضر