اخواني حبيت اقص لكم قصتي في مطار كوالا وان شاء الله تعجبكم ...البدايه وصلنا على مطار كوالا جايين من جنتنق وبنروح لبينانق وتعبنا تعب ساعتين للمطار والمصيبه يوم وصلنا . صارت رحلتنا بكره مهيب اليوم لكن الحجز اليوم للفندق (حسبي الله على المكتب:112: )المهم حلفت لزوجي ماارجع من التعب اللي فيني ..صار زوجي يدور حجز حتى الدرجه الاولى فول .وطعميه اقصد مليانه المهم لازلت على حلفي لكن مع الدعاء بالسر ان الله يسهل امورنا (الاويرسل ربي هاك الموظف )قال فيه رحله الحين الحيين بسرعه فيها اماكن فاضيه وعجلوا قبل لاتطير الطياره ...هوقاله والا ماقاله..قامت اختكم بالله ونست التعب ويالله ركض على البوابه وعيالها ورجلها وراها....فجاه......سمعت نداء على اسمي في ميكرفون المطار ويبوني ضروري (يارب ايش سويت )والله مااذكر اني مسويه اي مخالفه حتى بزارينهم العبهم (والله اني حبيبه)سالت زوجي ايش السالفه قال ماعليك امشي يبونا نعجل الطياره بتطير الاواحط رجلي ......شوي الا.وامر على( واحد شخصيه )والممر ضيق قلت له وخر لوسمحت بالانجليزي طبعا .الرجال محترم قال تفضلي (واحس انه يقول وش تبي ذي)ماادري الاوالكابتن والمضيفات والعالم تستقبله وتصور معه وتهلي وترحب فيه ....قلت يالله سترك وانا قاعده اصدم بالرجال انا وعربية ولدي اثره شخصيه كبيره (لكن ماادري وشو هوممثل والا مطرب والا السلطان بكبره ) المهم وصلنا مطار بينانق ....وكل شناطنا وصلت الاشنطة زوجي اثرها راحت مع الرحله الثانيه .واكتشفنا ليش ينادوني اثرهم يبوني اخذالشنطه .طيب ليش ينادوني مانادوا زوجي لاني اول جواز عطاهم اياه,بس والله ماقصروا قبل لاننام والشنطه عندنا....لكن اموت واعرف منهو هالمشهور اللي قمعته.