ايها المسافرون المشاكسون
ايتها المسافرات الماجدات .. معاشر العربان المهاجره للغرب في شتاء 2014 ...ايها الحفل الكريم .. ايها الشعب الكريم
عندي موعد للفيزا في الاحد القادم 2 -2-2014
ومن قبل امس وانا وبنك الراجحي (ابو رجح ) شيل وحط ورفضوا يعطوني كشف حساب
بحجه ان حسابي فيه مشكله وفتحوا عشرين بلاغ وسكروا اليوم الخميس ومازال البلاغ مفتوح
النتيجه انني بروح للسفاره (( * بدون كشف حساب *))
وش رايكم !!!!
علما ان عندي فيزا كارد من البنك الاهلي وحدها الائتماني عالي ولافيها مشاكل
بس ممكن يعقدونني ..
ثم الفنادق وش رايكم نبي نحنشل .. بمعنى نبي نحجز وهمي ..
هل قابلتكم مشاكل سابقه عند (الكنسله ... الالغاء .. )
واخيرا كم برايكم ممكن يعطوني مده علما انها الفيزا الاوربية الرابعة
- بتقولين ماهي اول مره .. اقولكم صح لكن المرات السابقه كلها من سفاره المانيا وكلها كانوا ياخذون كشف حساب على حسابي اللي ينزل به راتبي .. ثم ان الانظمه بعد البصمه تغير بعضها ..
وبالعربي لعلنا نجد احد توه جاي من السفاره يعلمنا بالضبط وش يطلبون
- * ادري الموضوع مابه قطع راس
بس ماودي اروح للرياض وارجع خاصه وانني بعيد شوي .. دام ظلي الشريف
وكتبه الاعرابي المسافر ذات ليله جمعه ما
https://artravelers.com/s/327
ويوجد موضوع مثبت لجميع دول الشنقن
بالإمكان وضع استفسارك بنفس الموضوع
https://artravelers.com/p/re/889672
بعد اذنك يغلق الموضوع
بناءً على سياسة وتعليمات المنتدى
تقديري واحترامي ..