ابويزيد4
27-09-2022 - 04:32 am
الاخوة والاخوات الاعزاء
السلام عليكم ورحمة الله وبركاته ولكم اطيب التحية
وددت ان انقل لكم تجربتي الشخصية مع السفارة الفرنسية بالرياض
موعدي 20/5/2009 حاجزمن شهرين
يالله نبداء وصلت 11,05 بوابة السفارة تلفت اطالع مافيه احد الا انا و كنت جاهز فتح السكيورتي هندي قال اس فيه قلت موعد شاف الكشف لقاء اسمي قال روح تعال بعد 20 دقيقة قلت ماني رايح ابدخل انتظر داخل وانا وياه :112::112: وفيه 2 هنود بالمكتب الداخلي قالوا خله يدخل انتصرت في الجولة الاولى اخذوا البطاقه وعطوني كرت زيارة فتح الباب اللي يوصل لمكتب التاشرات بالبدروم ونا اتزحلط مع الدرج
وصف البوابة باب زجاج مغلق بفتح بالتحكم يودي الى غرفة التفتيش مقابل لها مكتب واجهته زجاج وياخذون منك البطاقة ويعطونك كرت زيارة ويفتح لك باب الى داخل السفارة
مكتب التاشيرات تنزل مع الدرج الى صالة انتظار مقابل لها 4 مكاتب 1 محاسب 3 استقبال الجوازات , يوجد بالصالة طاولة عليها موظف يساعد في اكتمال الاوراق و يوجد برادة ماء وحمام كرمتم
التفصيل ممل ابغى اللي يروح كانه قد زار المكان من قبل وهذا هو الهدف من الاستفادة من التجربة
الان انا تحت السيادة الفرنسية ومغلقة علي جميع الابواب بدينا الجد وش اللي صار بالداخل انتظرونا لكم التحية
