- السلام عليكم ورحمة الله وبركاته
السلام عليكم ورحمة الله وبركاته
انا هقدم على فيزا اسبانيا من القنصلية الاسبانيه بالأسكندرية وناوى احجز فنادق فى فرنسا وايطاليا لأنى ناوى ازور فرنسا وايطاليا بالأضافه الى مدريد وبرشلونه..انا هبدء بمدريد ثم برشلونه وبعدين فرنسا ثم ايطاليا رحلتى هاتكون مدتها 21يوم فى مدريد وبرشلونه وباريس وروما...
المشكله :: انا سمعت ان اللى هيقدم على فيزا اسبانيا وعايز يزور دول تانيه مايقولش انه هيسافر ايطاليا ضمن رحلته الى دول الشنجن مش عارف الكلام ده صحيح ولا لأ وهل لما يعرفوا ان انا حاجز فنادق فى ايطاليا عادى ولا فيه مشكله .. اصلهم اكيد عارفين ان الشباب المصرى بقدم على فيزا اسبانيا عشان يسافر ايطاليا من اسبانيا.. فهل اقول انى رايح ايطاليا بعد فرنسا ولا ايه بالظبط...
انا طبعا عامل ورقة فيها برنامج الرحلة بالكامل وفيها جميعا الاماكن والمعالم السياحية اللى هازورها فى اسبانيا وايطاليا وفرنسا ...
بخصوص الاوراق والمستدات اللى هقدمها للقنصلية هى
كالأتى
سجل وبطاقة ضريبيه.. مترجمين
كشف حساب بنكى بمبلغ 70000 الف جنيه وفيه حركات سحب وايداع كثيرة >> هل المبلغ ده كافى
حجز فنادق مؤكد ومدفوع بالكامل
حجز طيران مبدئى... وطبعا السفارة قالت لايتم شراء التذكرة الا بعد الحصول على التأشيرة
تأمين سفر مدته شهر
باسبور قديم فيه تأشيرتين روسيا
والباسبور الحالى فيه تأشيرة ( تايلاند) و(قبرص) (وماليزيا) >>>هل هذه التأشيرات تدعم موقفى فى القنصلية
انا بأذن الله مقابلتى ستكون يوم 2014/09/24 فى القنصلية الاسبانيه بالأسكندرية
وبأذن الله سأقوم بشرح تجربتى وما تم معى فى المقابلة فى القنصلية لكى يستفيد الاعضاء من تجربتى
ارجو الرد على هذا الموضوع من فضلكم يا اهل الخبرة
وعليكم السلام ورحمة الله وبركاته
مرحباً بك أخي الكريم
التأشيرة يتم استخراجها من الدولة التي تعتبر الوجهة الرئيسية لك وهي التي ستقيم فيها أكثر الأيام بغض النظر هل هي بلد الوصول أم لا .
فمثلاً ستسفار إلى أسبانيا 3 أيام وفرنسا 7 أيام وإيطالياً 5 أيام
حيث أن نظام الشنغن ينص على أنك تستخرجها من فرنسا لأنه الأكثر إقامة حتى وإن كان وصولك على مدريد .
،،،
وغير صحيح ان اللي بيقدم على دولة لا يشعرهم بأنه سيزور دولة أخرى من دول الشنغن بل خليك طبيعي وقدم مساررحلتك بشكل صحيح وقانوني مع إرفاق حجوزات الفنادق وكافة المستندات بدون إخفاء الحقيقة .
ويمكنك الرجوع لمعرفة ما ذكرته لك عبر موقع رابط السفارة الأسبانية في القاهرة http://www.vfsglobal.com/spain/egypt/arabic/
وموقع القنصلية الأسبانية في الاسكندرية http://embassy-finder.com/spain_in_alexandria_egypt
وأيضا هذا موقع السفارة الأيطالية في القاهرة http://www.ambilcairo.esteri.it/Ambasciata_Ilcairo
وهذا موقع القنصلية الأيطالية في الاسكندرية القنصلية الإيطالية بالإسكندرية http://www.consalessandria.esteri.it/Consolato_Alessandria
وأما التأشيرات المطلوب تقديمها من الجواز القديم هي تأشيرات الشنغن في حال سبق لك استخراجها ، ولا حاجة لإخبارهم بتأشيرة روسيا إلا في حال تم سؤالك عن ذلك .
وبالتوفيق