اسعد الله اوقاتكم بالخير والمسرات
في البدايه لازم اقدم الشكر لكم على كل المجهودات الرائعة من الجميع ( حتى مني )
اخوكم طبعآ كان مقرر يسافر الى الصين كونزو وفي الأخير استخرت وغيرت الرحلة الى جاكرتا وذلك ابتدأ من يوم 30/4 المغادة على خط سير ( الدمام / الدوحة / جاكرتا والعودة في 10/5 بعكس الأتجاه )
طبعآ كان لي موضوع بخصوص الأستفسار عن بعض المعلومات وبكل امانه الأخوان في منتدى استفسارات الصين ماقصرو معي . الأن جا دوركم ايها الأعزاء
طبعآ انا وحسب معلوماتي من خلال متابعتي للمنتدى عملت لي برنامج وابغا مساعدتكم فيه حيث اني راح اوصل الى جاكرتا مساء الأثنين وان شألله ناوي اجلس في جاكرتا لمدة يومين ويوم الأربعاء اتجه الى الجبل لقضأ سته ايام في ربوع الجبل( بالي هل من المناسب احطها بوسط الجدول ) والعودة يوم الثلاثاء الى جاكرتا استعداد للسفر وشرا بعض الهدايا للأهل .
هذا مقترح برنامجي واذا هناك اي تعديل عليه ترونه مناسب اخوكم مستمع وانتم ان شألله من الناصحين.
تم شراء التذكرة بملغ : 3250 على الخطوط القطرية ( هذي طاحت من الميزانيه )
المبلغ الى راح يكون معي مبلغ بمايعادل خمسة الاف ريال سعودي .
والف ريال راح تكون موجوده بالصراف للأحتياط .
( هل هذه الميزانية كافية ؟ ) وكيف اقسمها بين جاكرتا والجبل وبالي ان امكن ؟
ماهو التقس المتوكع لجاكرتا وفي الجبل خلال فترة السفر ؟
الطقس المتوقع !!!
السكن في جاكرتا !
بحكم اني وحداني طبعآ احتاج الى فندق ونيس شوي يعني في حركة قريب من الأسواق ونظيف وبسعر لايتجاوز 60الى 70 $ !
من اقوالي بالسفر ( التوفير في اول السفر يجعلك تشتري هدايا كثيرة في اخر السفرة )
ماهي الفنادق المناسبة في جاكرتا علمآ بان الفندق الى راح اسكن فيه اذا عجبني راح ارجع وسكن فيه في خط العودة .
الجبل !
طبعآ هم بعد احتاج الى فندق او مجمع غرف فندقيه راقيه بنظام الاستديو ان امكن فيه جميع الخدمات ولا يكون في منطقة بعيدة عن الناس ( اخوكم وحداني ويحب الألفة ) .
ارجو وضع اسم الفنادق المقترحة مع تضمينها السعر .
بالنسبة للسواقين هل تشوفون اني بحاجة الى سائق طوال فترة اقامتي هناك يعني هل اخذ سواق من جاكرتا وسحبه معي وين ماروح ولا اقلبه نط نطه بالتكاسي ؟
الأحسن علموني عليه ؟.
هذا مالديه والباقي عليكم .........
وفي انتظاركم ايها الأخوان
شكرآ مقدمآ للجميع
هذا انا احييكم
مشعل
اي انسان يبي شيء من جاكرتا يرفع ايدوه بس ونا حاضر