- اول يوم كان في البرنامج اخذت العائلة الى انشول ,دنيا فنتازي
اول يوم كان في البرنامج اخذت العائلة الى انشول ,دنيا فنتازي
كان الجو حار رطب صيفا, مع ان الجماعة كانوا حاطين مراوح تدفع هواء مصحوب برذاذ الماء لتلطيف حرارة الجو لكن الرطوبة اللي في الجو كانت كافية لكتم الانفاس وخصوصا بالنسبة للحريم والعبايات . مشكلتهم مشكلة مساكين.
مع اني شاري تذاكر تشمل جميع الالعاب الا ان الاولاد ما لعبوا ولا لعبة لانه كان يوم سبت والدنيا زحمة وكل لعبة عليها طابور طوله 2 كم.
وهذي اول صدمة للاولاد وامهم. قالوا نبي نروح الشقة متنا من الحر...
المعاناة الثانية كانت في الحصول على الخبز للفطور.
ماكو الا مشاوير تكاسي على كارفور على شان اشتري خبز افرنجي ودجاج وسمك للكبسة.زين اني اخذت معاي رز المهيدب.
اول مرة اسافر واخذ معاي عزبة, تقول رايح الربع الخالي...
في سومطرة تعذبت مع العائلة عذاب نصه يكفى على الاكل.
تصوروا ادخل سوبر ماركت في ميدان طول وعرض اسمه BERSAMA
مافيه غير فريزر صغير كله دجاج نقت NUGET
نبي دجاج او سمك او لحم مافيه. نبي مطعم زي الناس ماكو.
قلنا يالله مالنا الا بيتزاهت او كنتاكي. والطامة الكبرى في بحيرة ليك توبا.
اللي يبي يسوي رجيم يروح اندونيسيا.
اظطريت اشتري سمك من مزارع تربية الاسماك واكتشفت انه ما يصلح لا شوي ولا قلي.ولا حتى القطاوة ما تبيه.
الديرة تغيرت الى الاسوآ وما عادت زي اول , واصحاب التكاسي استلعنوا ودخلهم الطمع.
في الجبل سكنا في فندق ياسمين .بس الغرف صغيرة والاكل غالي ولا يصلح لنا (تصوروا الهامبرجر الواحد يكلف 15 ريال 37000 روبية)
وبعدين موقعه ما عجبني ,حتى لو ابتشتري حاجة بسيطة دور على دباب يوديك ويجيبك .والتكاسي نادر يمرك تاكسي.
تحس انك مسجون ومعزول عن العالم.
وفللهم تكلف تقريبا 600 ريال1200000 روبية.
تركتهم واخذت فلة على الخط العام قريب من مطعم رندوالم2 ب 350000 وبعد ما سكنا اكتشفنا ماكو ماي حار والماي ينقطع والشقة مليانة بعوض.
اخذت تاكسي ورحت السوق اللي في تشبانس ادور على فليت ويا الله حصلت باجون للحشرات الزاحفة.يوم ثاني عزمت اترك المكان الى جاكرتا.
طلبنا سيارة قالوا 400000
قلت الناس يخذون السيارة يوم كامل ب250000
وانا نبيها ساعتين بس وبندفع 250000.
قالوا تدفع 400000 والا اقعد محلك
بصراحة تذكرت حركات السواقين في سوريا ومصر
وشفت سوء استغلال واضح بس امري لله.
اول مرة ارجع من اندونيسيا مقهور لانها خيبت ضني قدام العائلة.
وكل العوايل اللي شفتهم هناك يشتكون
وبصراحة اللي عنده عايلة ما له الا هيفا (قصدي ماليزيا)
ما ودي اقول تستاهل اللي جاك ( امزح معاك) لاني ناصحك قبل تسافر ما تروح اندونيسيا بعائله .. الامان صفر % والناس استغلاليين !! يعني اذا كنت عزوبي بالقوه تستحملهم , اشلون عاد اذا كانوا معاك العيال .. المهم انك ما تعودها وتتعلم الدرس زين ..
خيرها بغيرها