الاخ الباشق السلام عليك ورحمة الله وبركاتة بحكم انك ساكن فى محبوبتى المدينه المنوره سلم لى على افضل ساكنيها صلى الله عليه وسلم
بالنسبه لصرف العمله اصرف من الصرافين جنب فندق اوبرى ,...او بجانب المحكمه افضل.
الطريق .....خذ طرق تبوك باتجاه الحدود (حالة عمار)وياريت ترتاح وتنام لانك قطعت 800 كم واول المشوار عادة متعب جدا.....فى الاردن تحتاج تامين للسياره لمدة اسبوع هذا اقصر مده تصرفها الاردن....اذا كان عندك عامله منزليه اعملها خروج وعوده من المدينه (طبعا من الجوازات) والاردن يعطوها تاشيره ب11دينار =60 ريال حاول انك تسوق فى الاردن فى النهار افضل بالذات من الحدود الى مدينه معان الطريق اتجاه واحد140كم من معان الى عمان 320 بس انتبه فى الاردن السرعه محدوده120 كم فى الساعه تزيد تدفع غرامه عشره دنانير.....فى عمان اتجه الى طريق حدود جابرومنها الى حدود نصيب السوريه احذرصرف العمله عند محطات البنزين فى الحدود السوريه تدفع 150 ريال تصرفها بالصرف الرسمى 1750ليره تسلمها عشان تامين السياره........ العامله المنزليه تدفع لها 110 ريال تحولها الى دولارات عشا ن الشغاله( مااحب هذه التسميه)لانتسى التربتيك دفتر المرور الدولى يكون معاك عشان يسهل دخولك.....انت الان فى سوريه ياريت تخلص امورك بنفسك يعنى لاتعتمد على احد انه يكمل اجراات دخولك عشان لايضيع جوازك ...بالنسبه للجواز تبعك وجواز والمدام لصق لهم تلصيقه بنفس اللون من المنتصف عشا ن يسلموك الجوازين مع بعض لانهم نفس اللون وما تتاخر هذه سياسة سواقين الباصات .... لاتحاول ابدا ان تضع اى مبلغ فى الجواز .......لانه اذا شافها احد حتسمع كلام مو حلو.....ابعد احسن.............. اذا دخلت الشام ابعد قد ماتقدر عن السواقين تراهم(ن؟؟؟؟؟؟؟؟؟؟) ولا توقف لهم وياريت تكون معاك سلسة مفاتيح... من وراء قزاز سيارتك اضهره لهم يعنى عندك شقة فى الشام مااحتاجكم ...سياسه...............ابحث عن شقه فى الشام بنفسك على طريق بيروت فى استراد المزه حلوه ونظيفه ومن راسك لراس صاحبها 2000 او 3000 حسب نظافتها طبعا الحارس عنده خبر عن الشقق ....او اذا رغبت كمل المشوار لبلودان 45 كم وهناك انت وشطارتك يقولك 4000 قله حقها 2000 صدقنى حتسكن وبسعرك انت ماهو بسعره......ولما يسكن ياريت يكون معاك (قلب كيلون) عشان تغير مفتاح الباب ....اذا عبيت بنزين ياريت تفلل لاتطلب ب1000 ولا 1500 فلل التانكى ماتنسرق وفوق هذا شوف العداد سوق الحميديه لاتوصله نصيحه صدقنى حيسير شر كبير معاهم.....البيع هناك بالعافيه ورجلك فوق رقبتك تشترى..... فى اسواق اخرى مثل الحمراء.............. مابغى اطول عليك نسيت اقولك انتبه فى السواقه فى الاردن لما تدخل المدن الصغيره الى على الخط ...... فى سوريا لاياخذوا خبر انك تنزل لسوريا لاول مره والله ياكلوك .............اخوك ابو نواف ............ينبع الصناعيه

شوف يالحبيب موقعك مافيه الى طريق واحد مختصر ذكرته لبعض الأعضاء في المنتدى وهو :
المدينه - خيبر -تيماء -مفرق القليبه - تبوك - حالة عمار . بس زي ماقلت للشباب الله يعينك على الوصله من خيبر الى تيماء مكسرة . وكمان الوصلة من تيماء الى تبوك فيها اصلاحات كثيره فتح عيونك على التحويلات .
اما الحدود ما فيها مشاكل اذا اوراقك تمام , لازم تاخذ بعض الوقت في تختيم الجوازات والتربتك .

الف الف شكر لكم وتمنا لكم التوفيق
والله يجزاكم الف خير على ردكم الجميل
والف شكر لك
مه اخرى