يا هلا أخوي
اتوقع أخوي ان ( فيينا ) تقريباً هي الأقرب في المدن المعروفه وممكن الوصول لها عن طريق القطار
ولكن اتوقع بأن دولة سلوفاكيا تفصل بين التشيك والنمسا والله اعلم
ماعنده خريطه -------------------->

مرحباً أخي LOS-ANGELES
أقرب مدينة هي سالزبرغ
وهي تبعد عن تبليسيا 3 ساعات ونص بالسياره (المسافه بين تبليسيا والعاصمه براغ 40 كيلو)
وتمر على أجمل المناطق التشيكيه لأنك تتجه للنمسا جنوباً واقرى التشيتكيه الجنوبيه في غاية الروعه

اشكركم اخواني وما قصرتوا ......... لكن بس اعرف المدينة اللي بروحلها وبخبركم عنها ...عشان نعرف اذا قريبة من الحدود النمساوية او لا
عموما سؤالي الان
انا راح اسافر من ابوظبي للتشيك ومثل ما تعرفون مافي دايركت لبراغ من ابوظبي
شو تنصحوني اخذ من ابوظبي وانزل ترانزيت على اي دولة فرنسا او لندن او المانيا او هولندا
ولكم التحية

مرحباً أخي LOS-ANGELES
عموماً أي كانت مدينتك فالتشيك ماراح تبعد ذاك البعد عن براغ العاصمه
لأن من العاصمه براغ إلى الحدود النمساويه 250 كيلو
وهو أفضل طريق مسكته في حياتي من ناحية المناظر
.
.
والله أنا لما رحت للتشيك كانت رحلتي ترانزيت في فراكفورت وكانت معاملتهم مش بطاله ومطارهم جداً رائع
لكن جرب باريس عشان تتفرج على العطور و..و...و...
لكن الهولنديه ماأعجبتني أبداً طياراتهم ومطارهم عادي
.
.
مع خالص إحترامي وتقديري

مع اني احب لندن ومن رواد لندن من ايام الغوص ........ههه
لكن ليش مانجرب باريس ...مع اني اخر زيارة لباريس كانت قبل 16 سنة ....
بس سؤالي الحين اذا حبيت انزل ترانزيت كم ليلة في باريس يطلبون مني حجوزات الفدق او مايطلبون ....؟
وشكرا اخوي على سعة صدرك ....انتظر الجواب

LOS-ANGELES
يا هلا وغلا
لندن والله أنا كارهها من مطارها لأني فاتتني رحلتين والسبب المطار من كبره
بس أنا أتكلم عن المواطن السعودي يطلبون منه تأشيره إذا كان بيطلع برى المطار لأي سبب
سواء يوم والا يومين والا 3
ومن متطلبات الفيزا حجز الفندق
وتحت أمرك بأي شي