اذا مالقيتي حجز بشهر 8 فشهر 10 افضل للسفر وخاصه بعد بدايه المدارس عندنا بيكون اخف زحام واقل ظغط واقل اسعار
فلل الجبل متوفره ممكن ما تلقون شي يناسبكم في يوم وصولكم لكن بتلقون في ثاني يوم علي الاقل
وانصح اول يوم تسكنون بفندق اولا وبعدين تروحون تدورون فيلا تناسبكم اذا تبون فيلا
واذا غلبت الروم ولا لقيتوا شي مناسب نص ساعه وانتي بمدينه اسمها بوقور صغيره وجميله وفيها فنادق من كل الفئات وتناسب كل الاذواق
استون مارينا شقه وفيها ستوديو مطبخ صغير يفي بالغرض وفيه غيرها كاريادوتا سمانقي واسكوت
السكن في الشقق في جاكرتا جيد والافضل تسكنون جنب الموقع ال يتبون زيارته مثلا اذا تبون انشول وترفيه في استون مارينا واذا تبون اسواق ومولات في وسط البلد زي اريا دوتا
اغلب الفلل بدون اسماء اختي ارشح لك فندق اول ليله وبعدها انتي تختارين بنظرك وبعينك زي فلل الهدا واستراحات الرياض وفيه اسماء منتجعات وفلل محدده خليها بعد ما تحجزين وتاكدين الحجز نرتب لها لكي باذن الله
مخططك رائع وجميل
اذا تبين تزورين بالي تلغين باندونق من الجدول

كل الشكر لك اخوي بس تتوقع القى حجز على شهر 8 اقصد طيران
كم تبعد بالي وكيف طريقة الوصول طيران او بر
باندونق تستاهل العنوه ولا فيه اماكن احلى منها يعني تغني عنها

اتوقع بخصوص الحجزنعم بس محتاج شوي تعب وفرفره بين مواقع الحجز او مكاتب السياحه وبدون تاخير وتسويف لان الوقت ضيق وقصير لايجاد حجز مؤكد خاصه مع بدايه اجازه المدارس
بالي يسافراليها طيرانا من جاكرتا او باندونق لانها بعيده عنهما فيه امكانيه للسفر اليها برا وبحرا للي يبي لكن الطريق متعب ومرهق ويبي له رحاله
باندونق باريس جاوه ادخلي قسم التقارير وتفرجي عليها مدينه هادئه جميله مدينه تسوق وماركات وعلي بعد نص ساعه منها ضاحيه ريفيه جميله اسمها لمبانق

بارك الله فيك يابو خالد وجزاك الله كل خير ...

اخوي ابو خالد افادالله ينور عليه

بيض الله وجهك يابوخالد

كفيت ووفيت يالغالي
اعطاك خلاصة الموضوع

مشكور ابو خالد ماقصرت بس بعد عندي استفسار بخصوص السائق هل يجلس معنا في الجبل وين يجلس ؟
السينما عربي ولا اجنبي ...

السلام عليكم ورحمه الله وبركاته
اختي العزيزه زي ما قال اخوي جاكا بالنسبه للسفر في شهر 10 اشوف انه افضل من شهر ثمانيه خاصه انه في شهر 8 راح يكون شوي زحمه على عكس شهر 10 اللي راح يكون فيه مدارس.
بالنسبه اذا بتلقين حجز اكيد بتلقين وبالنسبه لتكلفه الحجوزات كل ما حجزتي ابكر كل ماكان احسن لكم وارخص .
بالنسبه للجبل برضوا زي ماقال مشرفنا جاكا يفضل انك تسكني اول يومين في فندق وعندك فندق السيروني 2 وسيروني 3 في منتهى الروعه و ممتاز بالنسبه لسعره وعاد خلال هاليومين دوروا لكم فله على راحتكم لانكم يمكن تستعجلون وماتلقوا فله على اللي بخاطركم .
شقق استون مارينا جدا رائعه وفيها مطبخ صغير وقريبه من الانشول.
بصراحه مااعرف الا فلل كوتا بونقا بس انها شوي بعيده وانا بصراحه فضلت طول اقامتي اني اجلس بفندق .
وبالنسبه لاستفسارك بالنسبه للسائق انا انصح اذا كانت رحلتكم وصولها لجاكرتا بدري يعني عالظهريه خلصوا اجراءاتكم
وعقبها شوفوا لكم سياره من المطار الى الجبل مباشره مع العلم ان السعر من المطار للجبل مابين 350000 روبيه الى 400000 روبيه بالكثير يعني بتلقين كثير يقولون لك ب 500000 روبيه اتركيهم يعني مايعادل 140 _ 160 ريال
واتفقوا معاه انه بس يوصلكم ومن هناك اقصد الجبل بتلقون سواقين بالهبل يجيكم السواق متى ماتبغون وبعد ماتخلصوا يرجعكم لسكنكم , ومن بكره تتفقوا معاه متى يجيكم وهكذا لحد ماتخلصوا ايامكم هناك .
بالنسبه لجزيره بالي بالعكس مادام وصلتي هناك فرصه تزوريها لانها جزيره في منتهى الجمال والدنيا فرص يعني يمكن ماعاد تقدري تجيها مره ثانيه فانا انصح بها وبقوه اكثر من مدينه باندونق اللي اشوف انها ماتستحق الزياره .
وبالنسبه للوصول لبالي عن طريق الطيران عندك مجموعه خطوط السعر راح يكلف لشخصين ذهاب واياب بحدود 800 ريال .
هذا رابط لتقريري الى بالي الذي لم انتهي منه اذا ودك تاخذي خلفيه
https://artravelers.com/p/re/381276
تقبلي تحياتي .... واتمنى اني افدتك مع ان مشرفنا جاكا ماقصر