كاميكازي
23-09-2022 - 10:59 pm
بسم الله الرحمن الرحيم
السلام عليكم ورحمة الله وبركاته
اخواني انا موجود في الخبر الان ... في فندق سوفيتيل ... صراحة الفندق .......... اقول إذا انتهيت من زيارتي مع زوجتي العزيزة ...
اللي ابغاه منكم تفضلا وليس امرا ايها الاخوة الاعزاء ... انا درت على المنتدى وفيه معلومات طيبة جدا .. لكن صراحة لمن الواحد يذكر المطعم او المقهى ... مايذكر اذا قسم العوائل محجوب او معزول حتى الواحد يتمتع بالخصوصية ... وبرضوه الموقع .. انا ما ادري وش هو شارع الببسي ومن وين اطلع له اذا كنت في السوقيتيل ... وبرضوه شارع السويكت ...
انا اتمنى انكم تعطوني المطاعم العائلية المعزولة عزلا جيدا .. والمقاهي برضوه .... والاسواق اللي الناس تتمشى فيها اكثر من التسوق نفسه ( مثل الراشد ) طبعا مع الوصف ( تذكروا انكم توصفون لواحد ماجاء للخبر اصلا .. إلا اذا جت على شارع الملك عبدالله ( الظهران ) ....
وشكرا ...
الخبر مدينه صغيره لاتحتاج الى وصف دقيق الشوارع الرئيسيه واضحة جداً
سؤالك عن شارع البيبسي سابقاً ( طريق الأمير فيصل بن فهد حالياً ) هو جنوب شرق موقعك حالياً
اترك الفندق على يمينك واتجه جنوب شرق تقريباً حتى أول إشاره اللي (شرطة الخبر على يسارك) اتجه يمين مع طريق الكورنيش حتى أول أشاره ( مجمع فؤاد سنتر على يمينك والمريديان قدام على اليمين اتجه يسار هذا هو بداية شارع البيبسي
بالنسبه للمطاعم تجربتي قليله ولكن الأخوان في البوابه راح يفيدونك