محترمالمحترمين
ولو اخوي انت عالراس والعين

1. بس يامسافرون عندي بعض الاسئلة لاتواخذوني فيها عطوني على قد عقلي


2. 4- ماتقيم الاعضاء عن صلالة 2008 هل تستاهل العنوة

محترمالمحترمين

بس يامسافرون عندي بعض الاسئلة لاتواخذوني فيها عطوني على قد عقلي

1- بصراحه ان رجال احب الحليب وبصراحه يكيفني الحليب الطازج من البقرة للمعده هل هناك محلات متخصصه ببيع الحليب الطازج
ج 1 / هاذي صعبه ، لأن الحليب الطازج يتم بيعه مباشره ، حيث يقوم الكثير من الناس بعمل ما يشبه الإشتراك مع أصحاب المواشي لتزويدهم بكميه من الحليب الطازج ( 1 لتر مثلا ً ) مقابل مبلغ نقدي يستحق آخر الشهر ، يعني على بلاطه صعب أنك تحصل حليب أبقار طازج من المزرعه ، ولكن ما عليك حليب المراعي موجود وحليب الصفوه موجود ، وإذا كنت من عشاق حليب الإبل راح تحصله بدون أي مشاكل .
2- تعرفون انا يالسعوديين نعبي مواترنا 34 ريال فل ...............لاتنحتونا بعين اذكروا الله
بس بغيت اعرف بكم ابعبي بالامارات وكم فرق السعر بعمان عشان اشوف اركب تانكي ثاني منسدح بالحوش
ج 2 / أضن أن سعر اللتر في الإمارات إن لم تخني ذاكرتي الهزيله ب 1.60 درهم / لتر . وبالنسبه لسعر البنزين في عمان 0.121 بيسه / لتر ، يعني عندنا في عمان ولله الحمد أرخص من الإمارات ، بس نصيحه مني ركب التانكي الإحتياط وتوكل على الله ، تراه أنسدح زياده عن اللزوم ، قوله قم يا التعبان وراك مهمه .
3- هل الشقق ممكن تتجاوب معي قبل يومين لو احببت اني بنفسي اتصل عليهم واحجز
ج 3 / أنت نسق معهم وإن شاء الله راح يفيدونك وراح تحصل حجز ، بس لازم تعلمهم بموعد وصولك ويكون موعد الوصول دقيق حتى ما تطيح في إشكاليه معاهم .

4- ماتقيم الاعضاء عن صلالة 2008 هل تستاهل العنوة

ج 4 / شوف يا أخوي أنا راح أقيمها لك إذا كنت ممن يحب الطبيعه الجميله والخضره ، والعيش وسط الربوع الغناء الجميله تعال ، وإذا كنت ممن يحب الأسواق والمجمعات ، لا تجي تراها غير موجوده ، ببلاطه يا زين الطبيعه في صلاله وبس .
5- مدة اقامتي 10 ايام ان شاء الله بدون الطريق يعني صافيه مثل الحليب هل الافضل البقاء بشقة طول الفسحة والنزهه .
ج 5 / سؤال يحتاج إلى إعاده صياغه ههه . .
6- اعتذر عن العنوان ولكن اردت الجذب والانتباه من الطيحة في القلبان
وأي إستفسار آخر تفضل وفالك طيب يا غالي
تحياتي

1. ماتقيم الاعضاء عن صلالة 2008 هل تستاهل العنوة

1- بصراحه ان رجال احب الحليب وبصراحه يكيفني الحليب الطازج من البقرة للمعده هل هناك محلات متخصصه ببيع الحليب الطازج
لااعلم عن هذا لاني ااحب الحليب لكن اتوقع تحصل لانه ماشاء الله البقر عندهم والجمال بكثره
2- تعرفون انا يالسعوديين نعبي مواترنا 34 ريال فل ...............لاتنحتونا بعين اذكروا الله
لا والله يالغالي عندهم اغلى انا موتري اعبيه ب 30 ريال سعودي وفي عمان بس ينقص ربع اعبيه 30 ريال سعودي واذا نصف اعبيه ب 50 ريال سعودي

• هل الشقق ممكن تتجاوب معي قبل يومين لو احببت اني بنفسي اتصل عليهم واحجز

مااتوقع اخي الكريم يتجاوبون معك الا اذا كان في نفس اليوم جاي او انت مع الطريق كما حاولت انا سابق والشقق هالايام والله زحمه لكن الله ييسرها عليك

ماتقيم الاعضاء عن صلالة 2008 هل تستاهل العنوة

والله هاليومين بداء الجو يضبط وبدائة الامطار تتساقط والجو تمام التمام وعال العال لكن المشكله تكمن في وجود الضباب اللي يحرمك من مشاهدت جمال الطبيعه والضباب طبعا تجده في سفوح الجبال اما السهل فهو لسى لم يخضر لكن راح تستمتع صدقني والله يستر عليك وتوصل بالسلامه

• مدة اقامتي 10 ايام ان شاء الله بدون الطريق يعني صافيه مثل الحليب هل الافضل البقاء بشقة طول الفسحة والنزهه

0ايام حلوه كثير انا بسبعه ايام لفيت صلاله كلها واستمتعت وحاول انك تضبط جدولك علي الساعه 8ونصف تخرج من الشقه والساعه 8 الغرب ترجع لها لنوم فقط لان الجو في الخارج روعه
واي استفسار احن حاظرين
دمت بخير

صلاله 1982
مسافرجديد
تاريخ التسجيل: Aug 2008
مشاركات: 22
على راسي وفيت وكفيت
salem bin saif
مسافر خبير
تاريخ التسجيل: May 2006
مشاركات: 1,154
ماقصرت والله يعطيك الصحة والعافية وبالنسبة لسؤالي عن الشقة ومدة البقاء اقصد بها هل يمديني اني ناغير الشقة واذهب للمناطق دون ان اغير الشقة لمنطقة اخرى بحكم القرب ولافيه مناطق لازم اضف عفشي لها
والتانكي والسلة والعزبة والبيرق جاهزه ياسنايدي

اخوك اماراتي اقضي شهر ونص كل سنه في صلاله وصرت خبير وواحد من اهلها ومن الاشياء العجيبه عندهم حليب اسمه حليب معذوب او معذب طعمه عجيب والطريقه معروفه عند اهل الريف يجيبون حطب ويشعلونه ويحطون عليه صخور في حجم قبضة اليد بعد مايغسلونها طبعا وتكون صخور ملساء ويحمون عليها في النار لغاية ماتتحول الى جمر احمر وبعدها ياخذون بعضها ويحطونها في الاناء اللي يحلبون فيه فاي حليب ينزل على الصخره يغلي مباشرة وبعد مايخلص حلب البقره او الغنم يضيف ايضا بعض الحجر حتى يغلي الحليب
بس صراحه ادمنته وتعلمت الطريقه وصرت اسويها بالامارات على الحليب العادي المعلب ونجحت التجربه بس تبقى خصوصية الحليب الطازج من مراعي صلاله الطبيعيه غير
ان حصلت لك وفرصه والتقيت باحد من اهل الريف جرب تسأله وادعيلي

محترمالمحترمين
ههه ، العفو منك يا أخوي العتب على النظر ، شوف يا غالي ما تحتاج تضف عفشك ترى كل المناطق قريبه جداً ولا تحتاج للعفش يعني خلي في بطنك بطيخ صيفي وتوكل على الله ولف الديره .
وإذا في خاطرك شيء تفضل وفالك طيب يا أخوي
تحياتي

على طاري البطيخ صصحيح عندهم جح ((حبحب)) وهل عندهم تمر خلاص وسكري منصف ولا اجلب معاي برحيه

مدمن سياحه تراك عذبتي وايد وشوقتني بهالحليب تصدق امي تقول عانيت من فطامك م
قويه بس حلوه صح
على فكره وش اقرب محل بلقى الحليب بطريقي للجبل ولا وين بالضبط
وبصراحه عندي خلطه حلوه لو يخلط حليب بقر مع غنم مع ابل احس بيكون فيه قوة بالدفع الرباعي

محترمالمحترمين
على فكره وش اقرب محل بلقى الحليب بطريقي للجبل ولا وين بالضبط
حليب الإبل راح تحصله في الطريق الدائري الذي يربط بين منطقه جبل حمرير ومنطقه جبل إتين .
وبصراحه عندي خلطه حلوه لو يخلط حليب بقر مع غنم مع ابل احس بيكون فيه قوة بالدفع الرباعي
كلامك صحيح وعلى العين والراس خلطه حلوه مره ما فيها حيله ، بس يا خوفي لا تكون نتيجه الدفع الرباعي الى الحمام مباشرةً .
تحياتي يا غالي