rimio
أخي ريمو حياك الله في جدة بوابة الحرمين الشريفين
انا متعامل مع بن هادي لتاجير السيارات لأنه موجود في أغلب مطارات المملكة الرئيسية و رقم فرع المطار هو كلمهم قبلها بيوم واحجز السيارة الي تبغا (026855567)
وبالنسبة للأماكن فكثيرة عندك من الاماكن الهادية ابحر في غير الخميس والجمعة وما شاء الله بوابة الغربية فيها الكثير من المعلومات.
مع اطيب الامنيات

الله يحيك اخوي وجدة هاليومين جوها ممتاز بنسبة لنا..
عندك كنز ابحر عشاء وجلسات
ومطعم الودعه البناني وتحت جلسات امواج بوفيه عشاء مفتوح وعلى البحر..
عندك برضو جزيرة الشراع جلسات على البحر
والسقالة عشاء وعلى البحر كلهم
اذا تذكرت شي رجعت لك

السلام عليكم
بما انه جيتكم ممكن تصادف شهر رمضان الكريم ، أنصحكم تمروا على البلد وتشوفوا الاجواء الرمضانية وتدوقوا طبق من الكبده
والجلسات الهادية ممكن تلاقيها على جهة أبحر
وممكن قريب من المطار فيه سكاي دايفنج فيه مطاعم أبوشقرة وشامي وصالة بولينغ
ورحلة سعيدة

الوسط
اخي العزيز عيون جدة شكرا لك ويعطيك العافية وأتوقع ان رحلتي قبل رمضان وكلها يومين . اخوي هل
سكاي دايفنج يوجد فيه شيئ مميز ؟ وأين يقع . معليش تعبناك معنا

السلام عليكم أخوي ....
والله يحييك في جده ....
وبالنسبه للتمشي عندك على الكورنيش كله منتزهات من أوله لآخره وكلها جلساتها هادئه وحلوه ....
وعندك كمان عالكورنيش قهاوي كثير للشباب ....
وأنصحك مادام إنك جاي جده لاتفوت عليك السمك اللي عندنا في استراحات الخط السريع ....
وأحسن وألذ وأرخص سمك راح تلقاه في استراحه المرجان جرب والله ماراح تندم ....

toota2
اهلا بك اخوي toota والله هذا من كرمك وكرم اهل جدة ويعطيك الف عافية, بس سواءل وهو اين
تقع استراحة المرجان التي فيها السمك وما اسم الطبق الي تنصح به وآسفين على كثرة الطلبات.
واذا ما عليك كلافة يمكن تذكر اسم مقاهي وموقعها على البحر وشكرا .

rimio
الله يعافيك أخوي ....
وبالنسبه للمرجان تقع على الخط السريع في ذهبان كأنك رايح للمدينه المنوره على يمينك تكون.... يوجد قبلها استراحات كثير بس المرجان ألذ سمك فيها وبشهادة الأغلبيه ....
وبالنسبه لنوع الطبق هي ابصراحه نظامها انك انت تروح وتختار نوع السمك اللي تبغاه هامور _ناجل _حريد _ شعور _ جمبري _ استاكوزا _........................... الخ من أنواع السمك وبعدين يحطونه في الميزان والسعر بالكيلو ..... وعلى حسب طلبك تبغاه مشوي أو مقلي على كيفك ...... اذا تبغى رأيي ابصراحه المشوي والمقلي كلها لذيذه .... والسمك طازج وماعليه كلام ....
أحس إني قاعده أسوي دعايه عن المرجان
وبالنسبه للمقاهي عندك جزيرة الشراع جلساتها رائعه على البحر
وهي موجوده على الكورنيش ....
وعندك الجزيره الخضراء أيضاً على الكورنيش ...
ويوجد مليان بس والله مو حاضرني اسمائها .... بس كلها عالكورنيش ماراح تتوه ....

ماقصرت اختي toota يعطيك الف عافية . ان شاء الله ما نضيع احيانا الجهات نلخبط فيها .

سكاي دايفنغ عبارة عن مجمع لمطاعم الراجحي من أبو شقرة وشامي ومعاهك صالة بولينغ
رحته مرة أو اتنين بس المشكلة في الضجة أنا ما أحبها
ومكانه بعد حراء كأنك رايح على المطار في شمال جدة قدام فندق جدة أوركيد
واحنا في الخدمة