حياج إختي والحمد لله إن الأخ أبو حامد عجبكم وبالنسبة للفندق آنا قلت لج فندق الشام بلاس أفضل رغم إنه قديم وعلى العموم الحياة تجارب
الله يحفظكم ويزيدكم وناسة فوق وناستكم ويردكم لأهلكم سالمين غانمين ..
لا تنسون تجربون البيض بالفخارة

الحمد لله عالسلامة
وان شاء الله تقضون اوقات سعيدة
دامك في مشتى الحلو لا تنسين تزورين مغارة الضوايات
وزين منك نبهتيني على فتدق بلو تاور لاني طالع الاربعاء الجاي واسال عنه ابي احجز فيه
بس ماقلتي وش مشكلته بالضبط ؟؟؟؟؟؟
ياليت تقولين التفاصيل عشان الغي او لا
ترجعين بالسلامة
تقبلي تحياتي

البلو تور اول مره بحياتي اشوف فندق بهالمستوى ......هو فندق من الف ليله وليله ....
فندق مسوينك خحدام وهم الملوك ....نطلب شاي يجينا بعد ساعه لما اتصلنا يقولون المصعد عطلان والحين هو طالع الدرج ... الغرف الدبل صغيرة وكلمة صغيره وكلمة صغيره شوي يعني بحجم السرير ...كنسلنا حجز الغرف وخذنا سويت السويت بحجم الغرف الطبيعية الدبل ....واحلى شي لما جينا نطلع كنسانا اخر ليلتين يقول ليش كنسلتوا قلنا ماعجبنا الوضع ...قال اصلا سوريا دائما على هامش الدول العربيه ...يعني ولا شي فيها كويس ...في احد يقول هالكلام ؟؟؟؟
احسن احجز في الشام بالاس لان احنا حجزنا فيه بالرجعه ليلتين ويعطونك ليله مجانا من عندهم بلاش وعشاء وفطور عندهم وفي سينما ومسبح ومساج ومطعم يدور ....
واذا حصلت بالفورسيزون احسن واحسن بس احنا ما حصلنا غرفتين قراب من بعض ...وبس
ترى موقع البو تور بين اسواق يعني لا اطلاله ولا شي شوف اسواق وبس ...
واذا رحت مشتى الحلو روح منتجع مشتى الحلو ترى رهيب وقعده فيه وناسه ...والمغاره حلو وبارده يعني سبحان الله اقعد وتامل ....

واذا تبي رايي لا تقعد بالشام ...مادري ان ما اعجبتني ما فيها شي ...الزبداني وبلودان مافيهاشي كلها مطاعم وبس ...

amna25
يعطيك العافية اختي
واكيد راح نشوف فندق الشام اذا كان افضل لان الواحد يبي احد يقدم له خدمة مو العكس
بس دمشق فيها اماكن معينة مثل الحميدية وقاسيون وطريق المطار ممكن تزورينها ويكفيها يومين او 3 وبعدها دور عالشمال السوري
اما بلودان والزبداني من وجهة نظري لا تستحق السكن فيها ويكفيها زيارة يوم واحد من الصباح الى المساء بس اعتقد ان الجو البارد والفعاليات التي تقام للمصطافين وخاصة الخليجيين هي التي تجعل البعض يفضل الاقامة والسكن فيها
والناس اكيد اذواق
واختلاف الرأي لا يفسد للود قضية
مشكورة اختي مرة ثانية
تقبلي تحياتي

ممكن نعرف كم سعر المنتجع ؟؟
وهل يوجد فيه خدمات مثل مطعم ومسبح ومقهى ؟؟

إختي نبي آخر أخباركم بكسب اشلون السكن والجو ؟؟ وشخبار المناقيش والمحمرة بالفرن
؟؟

amna25
اختي الحمد لله على سلامة الوصول
واللي ما يعرف الصقر يشويه ويمكن يقليه
لأن الشام فيها اماكن كثيرة تستاهل ان الواحد يروح لها
بس انتم شكلكم ما تعرفونها ويمكن السكن اثر على نفسيتكم وحبيتوا تطلعوا من الشام كلها
وحتى الزبداني وبلودان فيها اماكن وجلسات حلوة ويمكن انكم مريتوا عليهن بسرعة ومرور الكرام
رحلة موفقة

زيد7777
المنتجع حلو بل انه احلى من الحلى
انا ومعي واحد سكنا فيه قبل كم سنة
وكان رائع
واكيد ألحين افضل من قبل لأنه طلعت فنادق كثيرة وفيه منافسة بينهم
والغرف نوعين
بالجبل وبالوادي
يعني شيء مرتفع وشيء نازل شوي
اخذنا غرفة وفيه غرفة ثانية فيها جلسة ومطبخ صغير وفيه بلكونة مفتوحة والقعدة فيها روعة
وفيه خدمات ومواقف وهو بآخر المشتى على اليمين
لكن على ما اذكر انه بالليل فيه شوية ازعاج لأن المطعم تصير فيه حفلات مصغرة
وهذا رقمهم مخزنة عندي من ذيك الأيام بس يمكن يكون غلط ومتغير ههه
طبعا المفتاح 00963
وهذا مفتاح المشتى 43
الرقم 3584000