ههه
فيه بوتنيكال قاردن ممكن تروح لها بس ماهي زي حقت كاندي اصغر
وقضينا باقي اليوم في الفندق اللوبي والحديقه وبعدين رجعنا رحنا البازار بعدين تعشينا ونمنا

فيه طريق وعر شوي تمر على مزارع البقر النيوزيلاندية وفي نهاية الطريق توصل ل محمية طبيعية حكومية
بصراحه ما ادري وش فيها لإني ما دخلت وعلى كلام السواق تذكرة الدخول ب 2000 روبية ل الشخص الواحد
طبعا درجة الحراره تقدر تقول صفر من قوة البرودة لدرجة ان الضباب مغطي المكان يعني الي يبعد عنك خمسه متر تنعدم رؤيته تقريبا على شان كذا ما فضلت ادخل لها ورجعت
قلت لك الطريق وعر شوي وطبعا تستاجر لك سياره سواء جيب او ميني باص انا اخذت ميني باص طلع علي تقريبا ب 5000 روبية ذهاب وعوده ومتى مابغيته يوقف يوقف

اذا انتم شباب تقدرون تروحون بكره الى منتزه نهاية العالم الي تكلم عنه الاخ تركي في الرد الي قبلي طبعا لازم تستاجرون جيب بقيمة 4000 روبية وتذكرة الدخول للشخص 2000 روبية وهي محمية طبيعية تمشي علي رجليك مسافة 9 كيلو فيها شلال تنزل له وفيها مطل نهاية العالم
طبعا افضل شي تروح له بعد الفجر مباشرة علشان تقدر تتمشى قبل الضباب وهذا رابط الفقرة الي تتلكم زيارتي للمنتزه

إذا انت ساكن في الجراند لا تفوت الجلسات الخارجية ، أمس أنا طالع من ذا الفندق ومالقيت ألذ وأروق من الجلسة في هالجلسات ، مع شاي الزنجبيل بالجو الرائع
أنا في كولومبو اليوم ومتحسف على جو نوراليا الرهيب

ياخي لاتروح مكان ياخي تكفيك هالاجواء الحلوه في نوراليا تمشى بالسياره ولا على رجولك واستمتع لانك بتشاق لها لرجعت

لا يفوتك ركوب الخيل في مضمار السباق في نوراليا صراحة متعة ,,, والبحيرة الي في وسط المدينة خذلك قارب ولف البحيرة ,,, ونصيحتي لك خذ وقتك في المدينه لأنها بصراحة أفضل مدينة من ناحية الأجواء الممطرة والجميلة ,, أنا جلست بالمدينة هذي يومين وذهبت ليمدينة بنتوتة وللأسف الجو هناك ما ناسبني رطوبة وحر,,,,, أتمنى لك قضى أفضل الأوقات ,,,,,,,,,,,تحياتي

مشكورين يا حبايبي وشكلي بستمتع في حديقة الفندق (( القراند طبعا ))
وتسلمون على الردود
واليوم رش مطر علينا ... شيء خيالي

سبحان الله كل ديرة نروح لها ممطرة أمس ولا تمطر علينا ، بالعكس تصير شمس ، ثم تمطر إذا سافرنا
الحمد لله على كل حال ، بس أمطرت مطرة حلوة في الطريق إلى كولومبو

ابو يارا1430
هل فعلا زحمة نوراليا؟