اهلين اخوي عندي بعض الاسئله ياليتك تكون متواصل معاي انا كنت ناوي اروح لكيرلا بس التاشيره هي اللي عطلتني وبغير مسار الرحله الى سيريلانكا زوجتي حامل ومعاي طفل عمره سنه
كيف طرقات سيريلانكا من حيث التعرجات والمطبات والمسافات بالنسبه لزوجتي الحامل ؟؟؟
اول ما اوصل المطار بكلومبو اقرب وافضل فندق لانك تعرف راح نوصل تعبانين وابي اقرب وافضل شئ ؟؟؟
كم المسافات بين المدن بالاقرب من كولومبو ؟؟؟؟ يعني من كلومبو بعدين وين نروح الاقرب ثم الاقرب ؟؟؟؟
( تقدر تعطيني مقارنه بين كيرلا وسيريلانكا اذا كنت قد سبق لك زيارة كيرلا ))) من حيث النظافه الطرقات اماكن الترفيه والمنتجعات والاسواق والاسعار الطبيعه وغيرها ؟؟؟؟؟؟؟؟
بكم اخذت التذكره واي خطوط ومن اي مدينة انطلقت ؟؟؟؟؟؟؟؟
الكثير ما يمدح كولومبو هل هذا صحيح يقولون ممله ؟؟؟؟؟؟
الظاهر اني انا الممل من كثر اسئلتي ؟؟؟؟؟؟

اهلين اخوي انا سبق زرت كيرلا انا ما انصحك في هذا الوقت بالذات لكثرة الأمطار الآن
وكذلك المسافات بعيده بين مدن الولايه خصوصا معك زوجه حامل
بالنسبة لسيرلانكا اقترح عليك اولا فندق في نقمبو اول ماتوصل مطار كولمبو تريح يوم
ثم بعد ذلك الانتقال الى كاندي 3 ساعات بالسيارة بس انتبه خذ سيارة فان كبيرة ولاترضى
بسيارة صغيرة لأنك ستتعب وخاصة امرأة حامل وطفل ثم اقترح عليك تعود الى كولمبو وتريح
فيها يوم للأسواق ثم اذهب الى بنتوته وهي قريبه من كولمبو تقريبا ساعتين ونصف ثم تعود الى
كولمبو
يعني يوم في نقمبو فندق بلو ووتر
3 ايام كاندي ريجنسي
يوم كولمبو فندق هلتون
3 ايام بنتوته فندق تاج
يوم كولمبو فندق سنامان قراند
طبيعة سيرلانكا وكيرلا واحده
الاسواق ايضا مااشوف انه هناك فرق
الطرقات واحده كلها للأسف سيئة
المنتجعات كيرلا احسن بكثير لكنها غالية
تذكرة رياض كولمبو ب 1600 ريال
كولمبو فقط خلها للتسوق فقط والمغادرة
والسلام عليكم

المستكشف
اعتذر اخوي عالمداخله
لكن بغيت انبه ان الفندق اللي بنقمبو اسمه بلو اوشن
وهو جدا سئ وانا جربته
اما فندق بلو ووتر هذا موجود في ودوا http://hotels.7ojozat.com/City/Wadduwa.htm
الافضل في نقمبو على كلام الاخوان ذا بيتش نقمبو ... ولو ان فيه فرق بالسعر بس عشان ياخذ انطباع جيد من اول رحلته
وعجبني هالفندق http://hotels.7ojozat.com/Hotel/Jetwing_Ayurveda_Pavilions_Resort_Negombo.htm
في تصنيف الفنادق بعدد النجوم هو الاول
http://hotels.7ojozat.com/City.aspx?fileName=Negombo&pageIndex=0&sort=Rating-desc&tabId=Details&rateTabId=rateViewSimple
اكواخ احسه رايق في نقمبو وخمس نجوم وارخص من الخايس بلو اوشن

السلام عليكم ,,
مساء الخير للجميع ,,
نقموا والله سيئه ياناس ,,
وراح تكون هي اسواء منطقة تمر عليها ,,
رطوبه حيل ,,
انا اخذت في بلو اوشن والله سيء جدا ,,
ولايستاهل نجمة ,,
نقموا = صدمة
فيه فندق جنب بلو اوشون احسن بكثير
تخلي بلو اشون على يسارك وهو بعده على طول
ناسي اسمه بس برضوه تبع شركة "جت ونق"
اذا معزم تاخذ بنقمبوا ,, ابتعد عن بلو اوشن
ومن المطار الى العاصمة حوالي الساعه ,,
عندي استعداد اصبر ذا الساعه ,, ولا يتعكر جوي الى اليوم الثاني
لايفوتك فندق السينامون
قوي قوي قوي
بالنسبه لشريكة حياتك ,,
فالامر صعب
كان معانا سيارة صني
واضطريت آخذ حبوب ضد الدوخة
بس انا عندي مشكلة من كذا سنه ,,
ولافحصت والله ,,
تحت الله وبين يديه ,,
اخذ معاك حبوب احتياط ضد الدوخه
شوارعهم سيئة جدا ,, وهذا عيب البلد الوحيد
الرجنسي ممتاز وفخم ,, حقة ليله ,,
الامايا اقل فخامة من الرجنسي بس ارتحنا فيه حيل
مطله ممتاز ورايق والله
الهوناس جنة الله في ارضه
خياال والله ,, الشخص الي يبي يرتاح ويبي طبيعه
يجلس فيه يومين او ثلاثة
معزول عن المدينة ,, لكن جوه خيالي
وهو زبده الرحله بصراحة
وفقنا الله بغرفه ممتازة وكبيرة
المستكشف
اذا مامريت الهوناس ,, راح تفقد نصف الرحلة لسيرلانكا
تبقى وجهت نظر
ومايناسبني قد لايناسبك
اي استفسار عن شي اعرفه من عيوني
بالتوفيق للجميع

جزاكم الله خير ما قصرتوا وياليتني اقدر ارد جميلكم
سبحان الله كلن له وجهة نظر يمكن على حسب الراحة النفسية الله يكتب اللي فيه الخير وييسر الامر
بكتب لكم برنامج لرحلتي كلن يعطيني رايه لاني اول مره اروح وهذا البرنامج انا حطيته وقابل للتغيير

انتبه من الطريق من كاندي الى بنتوته مرورا بنوراليا طريق متعب جدا تقريبا 6 ساعات
تجيك حاله استفراغ الأحسن ارجع من كاندي الى كولمبو وريح فيها يوم ثم اطلع الى بنتوته
ولولا اختلاف الأذواق لبارت السلع
سنامان قراند قمة وفندق ممتاز بس صديقنا اصرف مافي الجيب معه زوجه حامل وطفل
انا اشوف انه يريح بقية يوم الوصول في نقمبو بيتش مثلا ً والصباح يطلع لكاندي
انا ارى انك تستبعد نوراليا من الرحلة خاصة ان كاندي تكفي والطريق الى نوراليا متعب
انتبه لازم سيارة كبيرة فان مثلاً
وريجنسي احلى فندق في كاندي فخم غرف كبيرة تعامل راقي من طاقم الفندق
امايا هلز اسمه السابق لي كانديان سكنت فيه قبل 5 سنوات وحجزت في امايا هلز وكنت اعتقد
انه فندق جديد ويوم وصلت له تفاجأت به وتمنيت اني ارجع لريجنسي
عموما الأذواق متعدده

اخي المستكشف
كيف وجود الخليجين في سيريلانكا هل بكثرة
يعني تتوقع اقدر القا حجز ذهاب وعوده قبل رمضان بيوم ؟
هل سوف اجد حجوزات في الفنادق بسهولة الخمس نجوم ؟
اللي اخرني في الحجز ابني ابو سنه ما عنده جواز ولا اضيف لدفتر العائلة ولازم اطلع الهوية الوطنية ويقولون يبي لها اسبوعين شفت وشلون قلبت الراس ؟؟؟؟؟؟؟؟
ومديري توه موافق على الاجازة ؟؟؟؟ بس لازم اسافر رغم هذه العقبات لن ايأس
اول يوم من المطار الى نقمبو ما هو افضل فندق خمس نجوم انا شفت البراون بيتش صوره حلوة ايش رايك هل فيه احسن منه؟
ثاني يوم الذهاب الى كاندي يومين في الهونس فالز ثم يومين في الريجنسي
وش الاقرب نوراليا او بنتوته ايش رايك وين اروح اول ؟؟؟؟؟؟؟؟؟
نوراليا لازم اروح لها المناظر ما تتفوت خاصة الشلالات والجو المنعش راح اسكن الجراند يومين
بنتوته فندق التاج يومين وفيه فندق في منطقه قريبة من بنتوته
( بيرويلا فندق ايدن روزت يومين)
اذا كان فيه خيار افضل احذف هذه المنطقة
ما هي اماكن التنزه في بنتوته ؟؟؟؟؟
ايش رايك في الامايا هيلز في كاندي اروح له بدل هذه المنطقة ؟؟؟؟
اخر يومين من الرحلة في كولومبو فندق السينامون يومين ثم المطار
ايش رايك في دامبولا فيه فندق الامايا ليك شفت صوره حلوة بس انا متردد لان المنطقه تبعد اربع ساعات عن المطار ؟؟؟؟؟؟؟
ممكن تعطين الوقت بين كل منطقه واخر حسب ترتيبي لها
نقمبو الى كاندي ثم الى بنتوته او نوراليا
بنتوته الى كولومبو ؟
نوراليا الى كولومبو ؟
بنتوته الى نوراليا ؟
كاندي الى بنتوته ؟
كاندي الى نوراليا ؟؟
ياكثر اسئلتي تحملوني احس اني غثيث
شكرا لكم لتحملي

لقيت لك هالرد من الخبير ارتكاز اتمنى يفيدك
ارتكاز

ماادري كلن له وجهة نظر
صراحه انا عجبتني سيلان من حيث الطبيعه السحريه جنان وهذا الي ندوره حتى عيالي ماطفشو
ومن حيث الفنادق لازم تاخذ فطور وعشاء صراحه ابداع في الاكل خاصه الفنادق المعروفه
كثير ذمو نوراليا وقالو طفش وكئيب قراند تحسفنا انها يوميين جو جونان وامطار وبرد والفندق يعج بالعرب والخليج خاصه السعوديين بعوايلهم الحديقه كلن بقهوته
ماادري لو اتكلم ماوصلت لكم شعوري عن سيلان تحس كأنك ملك الكل يخدمك ومبتسم
للحديث بقيه--------