من واقع تجربتي انصحك بفندق امايا هيلز
وهذه وجهة نظر شخصية
والحجز من المكاتب الي بالمطار افضل

يعني رايك احجز من المطار هناك افضل ؟؟

دامها يومين خذها في بنتوتة ولا نوريليا
خذها على بحر في بنتوتة ولا براد في نوريليا مانصحك في كاندي ابد
الفندق الي في بنتوتة الرشح لك وبقوة بنتوتة بيتش
اما الحجز انساه لين تنزل من مطار كلمبو تلقاهم على قفى من يشيل مكاتب سياحية و خذ السعر الي يعجبك

ياخوان انا ابي طبيعه شلالات بليز مناظر طبيعيه
مابي مابي شواطىء ابد

أخي العزيز امس جيت من سيرلنكا
وسكنت في هوناس 5 ايام كانت من اجمل ايامي
فيه ثلاث شلالات تحيط بالفندق اعلاه وبمستواه وتحته
فندق مصنف 3 نجوم بس يستاهل 5 نجوم رائع موقعه لكن الطريق اليه صعب
اذا عدت الطبخ معك والا خذ الوجبات كلها
بصراح لن تندم لان الجو والمكان خرافي فيه سويت اسمه هاي لاند رائع بعنى الكلمه
لديهم رحلات مجانيه لمراقبة الطيور والحيوانات ليليا اطلبها من الاستقبال
وجرب تطلع فوق الفندق هناك قريه للفلاحين وشركة تصنيع الشاهي
انا لم اسكن في غيره
لكنني زرت اكثر الدول جمال طبيعه لم اجد مثل هذا الموقع يمكن وافق ان 3 ايام من الخمسه كانت امطار
وخصوصا اليوم الاخير
بقيت في سيرلنكا 15 يوم الان انا اتمني ان تكون جميعها في هذا الفندق
الشركة التي قامت بتنظيم رحلتي هي نفس الشركة التي تملك الفندق واكثر من 16 فندق في سيرلنكا
اسمها Get Wing
تحياتي

افضل فندق بكاندي هوناس فولس .. و البقيه ماعندك احد ابد ..
و اذا تبي نصيحتي روح لنواراليا افضل لك من كاندي ...

مرحبا يالطيبين انا اول مره ارد بالمنتدي بس حبيت انوه اني لما زرت كاندي سكنت في فندق اسمه ايريل ريجنسي والصراحة مو طبيعي تحت الفندق شلالات ونهر جاري وعلى قمة جبل وحده مرتفع ويونس واول مادخلنا عند مدخل الفندق استقبلتنا الموظفة السيلانية الانيقة بالورود حسبت اني داشة هاواي
ودخلنا البهو وجلسنا على كراسي وثيرة وقبل لا نسوي (جك ان) تفاجأنا بصينية عصير الفراولة الطازج اللي جني ماعمري ذقته واعيالي اطمعوا يبون بعد واحد ثاني بس سكتهم ابوهم وقالهم هذا استقبالهم لنا مو تطمعون:112: ، والمطعم يهبل مالذ وطاب مافرق علينا شي من ناحية الطعم الا بعض المأكولات اللي بالفلفل والمطعم كشخة ورسمي يعني مو تدخل بالشورت يردونك لازم شوي لبس ذرب، وعندهم حمامات سباحة اتهبل على اشكال ملتوية وسايقنا معانا واكل شارب نايم ومو على حسابنا هذي خدمة الفنادق ، المهم وخذينا غرفتين بدرجة رجال اعمال لي ولأولادي والغرف واو والمنظر من البلكونه واو وتكلفتها بالليلة 200 دولار بس لمدة يومين عشان كانت ورانا رحلة حق نوريليا .
أرجو اني عطيتك فكرة عن الفندق واسمحلي ماعندي صور حق الفندق كلها شخصية

أفضل فندق بكاندي (آيرلي ريجنسي)

سكنت ريجنسي بالعام الماضي وهو فعلا ممتاز لكن سعر 200 دولار للغرفة الوحدة مبالغ فيه !!! لكن ربما حجزتي عن طريق مكتب سياحي من ديرتك لانك لو حجزتي من المطار فهو ارخص بكثير
وهناك فندق 5 نجوم وممتاز شاهدت صورة وسكنه احد اقاربي واسمه على ما اذكر مهاويل
وبالنسبة لفندق Hunas Falls ايضا سكنه احد اقاربي وشاهدت صور كثير له لكن حقيقة كان الاجمل من حيث الموقع من كل الفنادق اما الخدمة فالفنادق 5 نجوم افضل