بالنسبه لمنطقتين نصيحه لك ماينفع لأنك بتمل وثانيا المناطق تختلف ..
افضل المناطق بالترتيب . نقمبو .. كاندي .. نوراليا .. بنتوته .. كولمبو العاصمه
انا اقول قبل لاتخطط للرحله شف تقارير الاعضاء واختار خطة سير لرحلتك افضل
بالنسبة سيرلانكا رخيصه وحول فلوسك عندهم افضل لك

يحلمون
مشكور اخوي يحلمون على سرعة ردك
انا قريت تقارير الاعضاء ولقيته متعب جدا
يوم بالمنطقه الفلانيه ورحنا مع السواق اربع ساعات ووصلنا وجلسنا يومين بالمنطقه الفلانيه
احس مايمديهم ارتاحو من المشوار ولا احس انهم استمتعوا بالمنطقه اللي جلسو فيها ولا اكتشفوها
انا معاك لو اني بجلس شهر يمكن اقدر اروح لخمس او ست مناطق بس الرحله قصيره واعتقد منطقتين او ثلاث بالكثير
تناسب عدد ايام الرحله
وبالنسبه للمناطق اللي ذكرتها ممكن تذكر مميزاتها ونوعها اذا جبليه او بحريه مع افضل الفنادق اللي فيها وكم اسعارها
وشكرا مره اخرى

رحلة سعيدة إن شاء الله ..
بخصوص أفضل المناطق تختلف من شخص لشخص فأفضل لك تشوف تقارير الأعضاء عن المناطق
بالنسبة لي ذهبت إلى ( بيرولا - بنتوته " بالمناسبة المسافة بين بيرولا وبنتوته 10 دقائق بالكثير "- نوراليا - كاندي - كولمبو )
وأفضلها بالنسبة لي أيضا
1- بيرولا - فندق ايدين - على الشاطئ " رائع جداً "
2- كاندي - فندق أمايا هيلز - فندق فوق جبل " إذا أنت من النوع اللي ما يحب يطلع من الفندق هذا الفندق رائع جداً "
3- بنتوته - فندق تاج - على الشاطئ " رائع أيضا "
4- كاندي - فندق شايا - وسط المدينة " لا أنصحك به "
5- كولمبو - فندق سنامون وفندق هيلتون - " الفندقيين رائعيين لكنهما بالعاصمة والعاصمة ما فيها طبيعة "
6- نوراليا - فندق فاكتوري شاي - مرتفع قليلاً " لا أنصحك به نهائيا "
قد يختلف معي شخص ، لكن كل شخص ومزاجه : )
المسافات بين المناطق :
بيرولا - بنتوته --> 10 دقائق
بنتوته - نوراليا --> 6 ساعات تقريبا تزود أو تنقص
نوراليا - كاندي --> 4 ساعات تقريبا
كاندي - كولمبو --> والله اني ناسي بس الظاهر ساعتين أو 3 ساعات بالكثير
وبالنسبه للسايق نفضل اذا احتجتاه تتصل عليه قبلها بليله ونبلغه عن رحلتنا ووجهتنا
بالنسبة للسائق عندي رقم شخص مسلم بإمكانك تدق عليه وأنت هناك وتتفق معه باليوم
وبالنسبه للعمله اخذ دولار او يورو وكم سعر الصرف وهل يوجد محلات صرافه او لازم اصرف بالبنك
خذ دولار أفضل لك .. سعر الصرف يختلف من وقت لوقت لكن تقريبا 1 دولار = 113 روبية تقريبا " الكلام قبل سنة " والصرف فيه غالباً بالفنادق أو محلات الذهب أو بالمطار ويوجد بنوك أيضاً
وهل الفيزا والماستر كارد مقبوله عندهم او لا
والله ما عندي علم .. بس أعتقد ما فيها أمان
أتمنى أني أفدتك ولو بالقلييل .. وأي سؤال لا يردك إلا لسانك
محبك : )