سلام ، الى اهل صلالة الطيبين ولا يهونون الزوار ورواد هذا المنتدى الرائع اللي لولا الله ثم هو كان دجينا في كل سفرياتنا
بعد ما قرأت جميع المواضيع المتعلقة بصلالة قررنا باذن الله الذهاب لها هذا العام تقريبا في الفترة ما بين 20/7 الى 30/7
ولكن عندي بعض الاسئلة المهمة والحساسة واللي ما وجدت لها اجابة لا في المنتدى ولا في موقع خريف صلالة 2006"بصراحة الموقع بسيط جدا ولا يفي بالمتطلبات نهائيا" والاستفسارات هي :
1- ذكر في المنتدى والموقع جميع الفنادق والشق الا انه اغفل اهم شيء وهو ذكر درجة الفندق او الشقق (عدا كراون وهيلتون فهي معلوم انها 5 نجوم) وهذا الامر مهم جدا لان مستوى النظافة والخدمات مهم جداجداجدا ورقم الهاتف لا يفي بالغرض لاني اذا اتصلت عليهم اكيد راح يمدحون نفسهم كمان لا يوجد صور للفنادق ولاالشقق من الداخل (عدا كراون وهيلتون).الرجاء من اهل صلالة او كل من زارها يذكر مستوى النظافة والخدمات لانه حتىمالها مواقع على الانترنت ممكن ندخلها. كمان شيء مهم جدا موقع كل شقة او فندق واطلالتها ،يعني انا عندي سؤال هل صلالة صغيرة لدرجة انه مايفرق موقع الفندق او الشقق يعني ما في شي بعيد عن الاماكن السياحية؟؟ حتى الاطلالة ليتكم تخبرونها فيها يعني تطل على البحر او على جبال وتلال خضراء او في وسط البلد ؟انا من الناس اللي احب يكون الاطلالة على طبيعة بحر او جبل الا اذا كان في صلالة السنتر افضل.والشيء الاخير بالنسبة للسكن الاسعار فالكراون والهيلتون اسعارهم وقت المهرجان نار ولا عندي نية أسكن فيهم ؟انا اتمنى من سكان صلالة انهم ينزلون كل سكن موقعه بالضبط ومستواه وسعره،لان الاتصال في الهاتف مايعطيك معلوات واضحة للي ما عمره زار صلالة،بعدين هل ممكن يكون في تلاعب باسعار الشقق او ان الاسعار ثابتة ومراقبة ؟والسؤال الاهم هل الحجز قبل الموعد باسبوعين كافي لتوفر سكن ام لا؟وهل الحجز يعتبر اكيد ام انه لابد من دفع عربون مقدم حتى لا يلغى الحجز؟
لا تقولون روح هناك وادخل الشقق واختار لسببين: اولها انه زيارتي باذن الله ستكون وقت المهرجان واخاف ما القى سكن مناسب ،الشيء الثاني انه كل رحلتي اسبوع او اقل ما ابغى اضيعها بتدوير سكن انا جاي اتمتع بالطبيعة.
2- الامر الآخر وهو الطيران الى صلالة من الرياض ادري انه في رحلات مباشرة على الخطوط السعودية لكن سعرها خيالي فاحنا باذن الله ناوين على الامارات ومنها على صلالة ثم الامارات نقعد فيها كم يوم.انا اعرف انه الطيران العماني يسير رحلات من دبي الى صلالة ، لكن ماعندي خلفية كاملة هل في رحلات مباشرة بين أي من مدن الامارات الى صلالة على العربية او الاتحاد او الاماراتية ، دخلت مواقعهم جميعا ما اعطوني خبر اكيد انا قصدي يمكن وقت المواسم يسيرون رحلات مباشرة لها .وكمان يهمني سعر التذكرة من الامارات الى صلالة؟يعني ودي بارخص سعر.(لا تحسبوني بخيل بس سعوديين وطفرنا بعد الاسهم )
انا متأكد انكم ماراح تخذلوني وراح تدرون علي باقرب وقت حتى استفيد انا وغيري من ناويين السفر الى صلالة
صدقوني اا تعاونا كلنا راح نستفيد ونرتاح بسفرتنا باذن الله