وعليكم السلام ورحمة الله وبركاته
الف الف مبروك الزواج مقدما والله يجمع بينكم على خير
خط الرحله ان شاء الله سوف يكون
الذهاب من الرياض أو جده الى باريس لمده 7 أيام
وبعد ذلك رحله داخليه من باريس الى ميونيخ
بعد الوصول الى ميونيخ الذهاب فورا الى زيلامسي وتبعد عنها 290 كلم والجلوس فيها 6 أيام
ثم الرجوع الى ميونيخ والجلوس فيها يومين والعوده للوطن

يعطيك العافيه ابو نزيه بس فيه سؤالين
تكفي الميزانيه
ولازم استاجر سياره

وينكم حلوين وين الردود هذي نفعه منكم ,,
تكفوون لاتحطمووني من السفره

مبروك اخوي والله يتمم لك على خير
شوف اخوي الان السعوديه مافيها رحلات
الا بعد المراحل هالثلاث مدري عنهم
لو تبي تحجز من الان احجز عالمصريه وادفع لهم والمبلغ مسترد في اي وقت
اسبوع كثير على باريس لا وغاليه بعد !!!
20الف ماتكفي مستحيل صدقني
وانت عريس تسكن في 3 نجوم مستحيل
حتى احنا نخاف نسكن فيها فكيف انتم عرسان
الافضل فينا 3 ليال ثم زيلامسي 6 ليال بعدها لميونخ او سالزبورغ فيها مطار على باريس اقضي فيهاا
4ليال
بكذا تصير 13 ليله (14يوم)
الميزانيه زودها 10الاف او 15 الف
خليها بالفيزا
لان التذاكر+السكن +التأشيره =من 15 الى 18 الف من غير الطيران الداخلي
وكل ماطولت باوربا زاد المصروف
كاش حوالي 3 الاف يورو
استئجار سياره تقريبا =3 الاف ريال
وطبعا فينا اقل تكلفه من باريس
فلوتخلي مخططك للنمسا وميونخ فقط راح يكون اسهل عليك
وخل باريس المرات الجايه

الله يبارك فيك يارب يسعدك ويعطيك العافيه ويرزقك بملايين اليورو.. دعوة صايم ومتفائل بالسفره
طيب من كلامك اكنسل باريس.
طيب الله يسعدك لو ازود الميزانيه 25 الف ريال شامله كل شيء .
ابي منك ترتبين لي خط سير 15يوم .
ومسألة ايجار سياره صعب علي كيف التنقلات غاليه ولا استاجر سائق بسياره يومي اقدر ولا لا.

مبروك مقدما
بس خليك في ديره وحده وكنسل باريس خلي باريس لها سفره لحالها واذا ناسبك الوضع أسمع كلامي واقري الى تحت وصدقني راح تنبسط
حلو انك ترتب بدري أنا ضبطتها قبل زواجي ب 8 شهور
أولا أحجز بدري ( المصريه أو الأردنيه أو التركيه أو القطريه )
ثانيا زود الميزانيه مبلغ 20 الف أبد ماتكفي ل 13 يوم لازم ما يقل عن 25
ثالث ما أنصحك انك تأجر سياره اذا أنت أول مره تروح ومو متعود على أجهزه الجي بي أس
خاصه لاتنسي انك فى شهر عسل تبي توصل للأماكن بسرعه والتنقل بالسياره بياخذ منك وقت
رابعا المنتدى مليان خطوط سير بس الخط الكلاسيكي والمعروف للجميع فيينا ,,,, سالزبورغ ,,,,, زيل أم سي والعوده
فيينا لاتقعد فيها اكثر من يومين بدون يوم الوصول يعني 3أيام فقط قصر الشونبرون وبرج فيينا وساحه ستيفان هاذى احسن اماكن
سالزبورغ من الفندق نفسه تلقي بروشرات كل يوم اطلع لك رحله مع باص والتمشيات عند النهر والمدينه القديمه
زيل ام سي يكفيك البحيره والتلفريكات فى كل مكان ولاتشيل هم الشعب هناك سياحي وبتنبسط وبيدلونك على الى تبي
تمشي فى المنتدى شوي صدقني تقدر تضبط كل شي بدون مساعده من اى احد
واخيرا الشنجن ضبطها من بدري واذا بتنزل جده روح مكتب فيفا لأعمال السفارات يضبطوها لك بدون ماتروح تلقاه على طريق المدينه النازل على يمينك لاتسألني عن رقمه لاني مضيعه بس كلم 905
بالتوفيق يابطل

الله يسعدك زيزو فرحتني ما استاجر سياره و الميزانيه ازودها 25 الف حلوو الله يوفقك.
وين اراء البقيه

حبي لك
يارب ياسلام ملايين يوروات اجل كثر اسئلتك ههه
اخوي ولك دعوه بالمثل الله يوفقك
كنسل ابو باريس دامها بتخرب عليك الميزانيه
اذا حجزت بدري راح توفر
مثلا الطيران احجز من شهرمحرم عالمصريه اوفر وارخص طيران واحلى طيران

يعطيك العافيه ويرزقك يارب
من ناحية الطبخ بتركها بعد مانرجع فاتك اول سألتني وش تحب تاكل قلت خبز تنور ومرقوق شوي اختفااءصوتها الوه حبيتي الوه ههه تبكي اهي اهي الشيء اللي ماقدر اسويه خبز التنور .
من ناحية الهوني مون
طيب حلو مره خط السير حقك واضافة القاهره احلى من الحلو بس بنقص من زيلامسي يومين وش رايك يصير كذا 10 ايام نقطة الوصول تكون في فيينا صح 3 ايام و4 ايام بزيلامسي 3 ايام بميونخ و القاهره 3 ايام. وي وي يطلع هووني مون ولا ارووع ورااح تنبسط المداام كثير من ديرتهاا الى زيلامسي.
بالنسبه لفيزا اطلعها من الراجحي مسبقة الدفع صح..
والتأشيره المكاتب السياحيه يطلعونها لي حسب ماسمعت من الناس
وحجوزات الطيران بتركها بشهر محرم ولا صفر .
والفناادق كذلك اخرها الين شهر 5 او 6 صوح انا مايهمني فناادق جخ وفخفخه لأن اغلب الوقت برا يعني ثلاث نجوم اما زيلامسي ابيها بالبحيره ندلع شووي عاتي والقاهره بسكن في سمير اميس .
سؤال وكثرت اسألتي ومسختها بس تحمليني اول مره اسافر وعاد المدام معي.
الميزانيه 25 الف ريال
ابيك تعطيني كم معدل تكلفة الفناادق والصرف اليومي والحد الادنى والاعلى للتذاكر .وياارب يسعدك ويرزقك بالذريه الصالحه وملايين اليورهات.
وابي رابط تقريرك اذا عندك علشان ابدا اجمع معلومات