1. 4- تعريف من العمل

مرحبا
امس السبت 3/6/2006 قدمت على الفيزه البريطانيه (زيارة ) من السفارة في الرياض والحمدلله طلعت الفيزا في نفس اليوم ولمدة خمس سنوات طبعا الاوراق اللي اخذتها معي كانت كالتالي
1- نموذج الفيزا او الابليكشن وهذا تلقونه في موقع السفاره في الرياض
http://www.britishembassy.gov.uk/servlet/Front?pagename=OpenMarket/Xcelerate/ShowPage&c=Page&cid=1063632782304
2- صورتين بدون شماغ وخلفيه بيضاء ولازم تكون تضحك ( امزح)
3- كشف حساب باللغه الانجليزيه

4- تعريف من العمل

5- برنت للحجز واحيانا يسال عن التذكره لانهم سالوا ناس قبلي انا ما سألني يمكن عشان عندي فيزا سابقه
تفاصيل الروحه طبعا رحت للحي الدبلوماسي الين السفاره اول ما تدخل يفتشونك ويعطونك رقم تاخذ الرقم وتجلس فيه سيكيوريتي سعودي هو اللي يدقق الاوراق وينادي على الرقم بعد ما يناظر اوراقك ويتاكد ان كل اوراقك كامله يعطيك ستكر تلصقه على الجواز وتمسك سرا عند الصندوق لدفع الفلوس (رسوم الفيزا)
اذا جا دورك بيدقق الموظف في الاوراق ويسالك عن النواقص اذا فيه نواقص ويطلب دفع الرسوم
اذا دفعت الرسوم (580 ريال لمدة خمس سنوات ) معناها ان الامور تمام وقطعت 80% من المشوار
على فكره كان مهم جدا يكون عندك فيزا قديمه عشان الاجراءات تسهل مره
طبعا يعطيك موعد الساعه 2 بعد الظهر مدة التقديم خذت مني حوالي ساعتين بسبب الزحمة في السفاره ويمكن عشان يوم سبت كله جايز
الساعه ثنتين جيت للسفارة لقيت سرا عند البوابه ويدخلون الناس مجموعات لان التسليم في البوابه تعطيهم الاستيكر يعطونك جوازك واللي ما يلقى جوازه يدخل جوا الله يعينه معناها فيه مشكلة عنده .
واخذت الجواز وكله تمتم الحمدلله
وسلامتكم ,,,