وعليكم السلام ورحمة الله،
بداية أتمنى لكم التوفيق، بإذن الله مسافرين شهر 6 لمدة شهر مع زوجي وولدين على البريطانية، وكنا محتارين بين أورلاندو و لوس أنجلوس ولكن بالأخير قررنا الذهاب إلى الساحل الغربي لما تتميز هذه المنطقة بالجو الجميل والأماكن الترفيهية بعكس جو أورلاندو شديد الحرارة والرطوبة في بعض الأحيان وستكون نقطة البداية لوس أنجلوس الجهة الجنوبية لمدة 8 أيام ثم سان دييغو 3 أيام ثم لاس فيجاس 3 أيام ثم سان فرانسيسكو لمدة 6 أيام ثم الرجوع للوس أنجلوس الجزء الشمالي لإستكمال مدة الشهر في لوس أنجلوس. أتمنى أكون أفدتكم وبالمناسبة خصلت خوش عروض للفنادق (فنادق راقية بأسعار مذهلة)

Om-Khalody
هلا ام خلودي .. تصدقين انا ودي بكالفورنيا اكثر من فلوريدا لكن موعارفة على اي طيران نروح انا اعجبتني وايد الاتحاد (ابوظبي) طيران راقي وسعره خيالي لكن مايروح الا نيو يورك موعارفة اذا رحنا على الاتحاد ونزلنا نيويورك هل نقعد فيها جم يوم وبعدين نروح كالفورينا واذا بنروح كالفورنيا نروح على اي طيران ؟ وكم يوم نقعد في كل منطقة وتدرين احنا مو شخص سخصين احنا عايلتين ومعانا 5 اطفال يعني تنقلاتنا راح تكون ثقيلة نوعا ما .. وخاطرنا نروح لاس فيجاس وسان فراسيسكو وطبعا لوس انجلوس .. بالنسبة للميزانية هل هي كافية او لازم نزيدها شوي والله محتارة الاعتماد كله عليي وانا حدي متوهقة ماعندي المام كافي بامريكا
ساعدوني

ما في أحد يروح أمريكا مع خدامهم
أول يمكن ما يعطونهم فيزة
ثانيا= في أحتمال يشتكون عليكم لأنكم مشغلين الخدام عندكم 24 ساعة و يحاكمونكم مثل ما صارت مع ناس وايد من قبل و أنسجنو
ثالثا= أحتمال يهربون الخدم منكم

كويتي شرقاوي
شنو!! واذا كانوا بيبي سيتر؟ يعني اروح امريكا انا وخمس اطفال اصغرهم سنة ونص واكبرهم 5 سنوات؟!
واللي معاي ماتقدر تشوف عيالها لأنها على عكاز ..يعني منو اللي بيخدم هناك؟ الرياييل ؟!!! من صجهم مايعطونهم فيزا
انا اللي سمعته اذا ماعندنا اطفال اوكي مايصير ناخذهم لكن مع اطفال واطفال صغار
من ناحية الهرب ماراح يهربون احنا ادرى ولاجان ماخذيناهم
واذا بتقول لي مااخذ الاطفال اقول لك هذي من عاشر المستحيلات ...
المهم....
شدعوة الحين دخلت على الموضوع ومالفت انتباهك الا سالفة الخدم ورديت على هالشي؟؟ انا قلت ابي مساعدتكم وكاتبه شنو اللي ابيه بالضبط حتى ماتكرمت عليي بأي راي؟؟ وانا اللي منتظرة دخولك وتعليقك ورايك من خبرتك العريقة وفعلا استانست لما شفت انك مشارك برد بس انصدمت من ردك المختصر اللي مافدتني فيه ..
:36_1_44:

sullmish
أختي أنا حاضر و باجي الشباب الي بالمنتدى ما يقصرون
بس أنا أبي انبهكم هذي السالفة أدخلكم محاكم لو أحد أشتكا عليكم و فيها سجن
أنا بقولج سالفة واحد كويتي مع عايلة و عندهم خدامة
المهم الريال مرض و قام أيب ممرضة تعالجة في البيت قامة ولا حضة الممرضة أن الخدامة موجودة عندهم 24
و قامة و شتكة عليهم و عندهم القانون أهناك ما يرحم
و عندهم ساعات معينة للعمل أكثر من جذي يعتبرونه أستعباد
و لهم الحق يرفعون قضية
المهم الممرضة كلمة الخدامة اشتكة
الكويتي تحاكم بالمحكمة أنسجن جم سنة في بيتهم مو بالسجن
ما يطلع من بيتهم ألا يومين بالأسبوع يقضي حاجاتة و يرد
و مركبين في ريلة جهاز أن طلع من البرية أيون يصيدونة
و غيرة أسر و عوايل تأذو هل سالفة و طاحو في مشاكل
و أنا ما عمري شفت أحد ما خذ خدم معاة لأنهم ما يعطونة فيزة السفارات ألا بصعوبة و الناس تخاف من هل شي
من الأخير أخذ الخدم فية مخاطرة و أنا أحذر
و سألي باجي الأعضاء الي لهم خبرة في هل موضوع

sullmish
أكي 30 يوم
أنصحكم أتسوقون و تشوفون نيويورك أربع ليالي
و بعدها تروحون لس فيغس أسبوع
و بعدها يمكم كلفورنيا حول الساعة بالطيارة و 4 ساعات سيارة
أجرو سياره أهناك في لوس أجلس شوفوها روحو دزني لوحو الينفيرسل ستيديو روحو حديقة الحيوانات
روحو الأتليتس مالت الخصومات المحلات روحو بفرلي هلز
زرقو علا سانديقو شوف البحر الشاطي
المهم من توصلون كلفورنيا لوس أجلس كزرو باجي أيامكم أهناك وردو بالسلامة
الرحلة هذي أتوقع تكلف أكثر من المبلف الي حاطينة أنتو بس راح تكون رحلة العمر أنا متأكد
المبلغ 6000 شاملة كل شي صراحة مادري أنتو من تسألون عن التذكرة و الفنادق و اجار السيارات راح يبين معاكم باجي المصاريف
و أذا في أحد من الأخون يقدر يقيم المبلق أذا يكفي ولا لأأ يالت والله

http://www.smartertravel.com
وهذا موقع تقدرون تقارنون فية أسعار التذاكر و الفنادق و اجار السيارات
من كل المواقع الي تسوي حجوزات بالنت قارنو بكل المواقع بهل موقع
وأي أستفسارات أنا والأخوان حاضرين

كويتي شرقاوي
مشكور علي الرد والتحذير .. والله اييب اللي فيه الخير

هلا وغلا بالحبايب،
أنصح وبشدة طيران البريطانية أسعار مو طبيعية وراحة وفخامة، ولا تشغلين تفكيرج وايد بالخدم أقترح عليج الإستفسار من السفارة الأمريكية علشان تقطعين الشك باليقين وترتاحين والله الميسر، وبخصوص كاليفورنيا تسوى وايد الروحة لها لا تفوتين الفرصة ولاحقين في سفرات ثانية لأورلاندو ونيويورك، وراح أنزل خط سير رحلتنا المرتقبة في شهر 6 بالتفصيل. تحياتي