هلا بأخي الفاضل بالنسبه لندن عندي أفضل بحكم كل الاماكن قريبه تروح بالباص او بالقطار
شوف تقرير مشرفنا السابق عن راس السنه
https://artravelers.com/p/re/348759

صحيح لندن حلوة ومافيه زيها لكن زرتها اكثر من 10 مرات ،، وحافظتها ،، يعني لو فكرت في لندن في الكريسماس بس عشان التخفيضات والسيل الرهيب اللي يصير هناك بالايام هذي
لكن فكرت في زيارة امريكا خاصه ان الفيزا موجودة لكن حابه اجمع معلومات واقارن بينهم وبلد احلم في يوم اني ازورة زي امريكا

عنودي ر1كبة1ودي
بالنسبه امريكا انا توني جاي منها بالصيف. قاعد شهرفيها بس لازم سياره
والشور لكم
رحله موفقه يارب مقدما

ادري لازم سيارة ميب مشكلة ، لكن افضل الولايات زيارة في هذا الشهر ايش هي ؟
وهل الفعاليات والاحتفاالات فيها اكثر من لندن وباريس ؟
سمعت ان اورلاندو حلوة بالشتا مو كثير بررد زي اوروبا
لكن لو بنروح مدينتين ثانيات غيرها ايش المدن المناسبة للسياحه في شهر 12 ؟؟

لأ تروح لندن بهل فتره لأن انا كنت العام بهل فتره الوضع كان مو شي
جدا سيئ ...
الجو بارد حيل حيل حيل يعني ما تقدر تطلع من الشقه...ومافي لا انشطه وكل شي يصكر اول ما تغيب الشمس
يعني ما استانست ابدا
بالنسبه حق امريكا او باريس مادري يمكن الوضع احسن
بس لندن نصيحه لا تروح...
موفق : )

روحو كاليفورنيا
الجو بيكون معتدل مقارنةً بالولايات الثانية
يعني درجات الحراره في لوس انجلوس
يكون متوسط درجات الحرارة من 20 الى 10
وساعات تنزل الى 5 واقل بشوي
بس عموماً كاليفورنيا جوها معتدل طوال ايام السنه وهذا الحلو فيها
والاسعار معتدلة .. يعني بإمكانكم تسكنون في بيفرلي هيلز فندق 4 نجوم من 250 الى 300 دولار
وممكن يكون انزل اذا كان هناك عروض
والسكن ارخص منه في جنوب لوس انجلوس في منطقة اناهيم بحدود 100 الى 150 دولار في فندق حلو ونظيف
والاسواق معتدلة اسعارها والاوتلت في سبرنق بالم اسعارها رخصية بالنسبة لاسعار اسواقنا وكله ماركات
وطيران الامارات يروحله دايركت من دبي
وفي اكثر من مدينة مثلا عندكم سان دييغو ساعة ونص جنوب لوس انجلوس حلوه حق 3 ايام
ومدينة سانتا بربارا حلوه حق يوم كامل , تبعد ساعه ونص عن شمال لوس انجلوس
وما انسى الفاتنه سانفرانسيسكو فس شمال الولاية
هذي مدينة اوروبية في امريكا ومن اجمل مدن امريكا
ومع انها صغيرة لكنها رايقة والترفية فيها جميل مثل يونيون سكوير ومنطقة البحر فيشرمان وولث
وحقيقة ان كاليفورنيا يبيلها على الاقل ثلاث اسابيع لانها بالفعل الولاية تستحق والمدن فيها كثيرة وجميلة
يعني تجمع كل شي

افضل الولايات في هذا الشهر من ناحية الجو هي فلوريدا خاصة ميامي(ممكن تاخذ كروز للباهاماز) واورلاندو، او ولاية كاليفورنيا وبجنبها لاسفيجاس.تقرير رائع مختصر للاخيرة لاحد الزملاء
https://artravelers.com/p/re/622236

اما تجين قبل او بعد الأعياد .. لأنه زحمه حيل و كل شي مقفل و المطاعم زحمه و كله محجوزه لحفلات ... أكره موسم الأعياد هنا ...

بنت الصقوور لما قريت ردك مدري ليش تحطمت وكرهت السفر بالكريسمس ،،
يعني هل السفر بشهر ديسمبر يخليني انتظر وقت طويل بالعاب ديزني عشان كل الامريكيين يجون فلوريدا هالوقت ومعقول ماراح القى مطاعم من الزحمه !!
/
كنا مخططين على ديزني وميامي ونيويورك
لكن نيويورك مايمدحونها بالبرد ،، وفيه ردود تقول انهم يسكرون الشوارع ومايخلون احد يمر يوم النيوير
ايش اقتراحاتكم لمدينه بدل نيويورك لو فكرت اكنسلها