بسم الله الرحمن الرحيم
والحمد لله ربِّ العالمين ، وصلَّى الله وسلَّم على المبعوث رحمة للعالمين ، وعلى آله وأصحابه ومن تبعهم بإحسان إلى يوم الدين.
لم تكن سيرلانكا من ضمن الدول التي كنت اتمنى السفر لها ابدا على الرغم من ما كنت اسمعه عنها
و لكن كونها جزيره و طابعها استوائي فدائما استبعدها
و لكن جاءت الاجازه و اماكنية السفر بوقت اكثر الوجهات تنقسم بين
اما ان تكون(بارده جدا) او (ربيع عربي )
فبعد بحث و اقتراحات و تنقيحات وصلنا الى وجهتين
اما ماليزيا او سيرلانكا
ولكن رست المناقصه على سيرلانكا (و الحمدلله)
و احمد الله و اشكر فضله علي ان سخر لي الظروف و اتاح لي الفرصه لزيارة هذه البقعه الخضراء
بصراحه ما اخفيكم اني كنت متوخفه جدا من الاختيار لان هذه الاجازه كانت الفرصه الاخيره قبل الرجوع للدوام و مباشرة العمل و الهدف من الرحله راحه و استجمام فقط
و لكن بعد ما رجعت لمنتداي المفضل و مرجعي الاساسي بالسفر (منتدى العرب المسافرون)
و قريت بعض التقارير الحمدلله اطمئن قلبي للاختيار و بدأت بالتخطيط السريع لان ما كان في وقت
و لا انسى ان اشكر الاعضاء اصحاب التقارير اللي ساعدوني بتقاريرهم
و ايضاً الاعضاء اللي ساعدوني و ردوا على استفسارتي المزعجه اخواني درب يرد مايسد و biobio
هذا رابط الموضوع: https://artravelers.com/p/re/780653/ احب اقول شغله
ان موضوعي هذا مو تقرير بمعنى التقرير
و لكن جهد بسيط و توثيق للرحله لا اقل و لا اكثر
فتقبلوا بساطة الاسلوب و رداءة الصور
بسم الله نبدا...
الرحلة
كويت- سيرلانكا-كويت
المسافرون : انا و زوجي
تاريخ الرحلة : 27/11/2012 الى 8/12/2012
عدد الايام : 11 يوم
الناقل : الخطوط السيرلانكيه
الدرجة : رجال اعمال
السعر : 434 د.ك للشخصين
البرنامج مع الفنادق كالتالي: 
و الحمدلله مشت الامور على ما يرام
و دخلنا الطيارة و للعلم اول مره اسافر على الخطوط السيرلانكه و الحمدلله كانت تجربه ممتازه
و يوم الطيار دق سلف
ام مبارك عطتها نومه
و ما قعدت الى قبل الوصول بنص ساعه
نزلنا المطار الساعه 6 الا ربع تقريبا الصبح
و كنا مسوين الفيزا بالكويت و الحمدلله خلصت امورنا
كنت حاجزه سايق من مكتب سفاري لانكا لمدة 11 يوم ب 550 $
و كنت طالبه سايق يتكلم عربي
و لله الحمد و المنه
سايقنا اسمه نور الامين و كان يشتغل بالمملكه العربيه السعوديه سابقا بشركة ارامكو
يتحدث الانجليزيه بطلاقه و العربيه بشكل جيد
و قال وين العزم
قلنا على دامبولا
هذا صور من طريجنا لدامبولا
وصلنا للفندق امايا ليك تقريبا الظهر على الساعه 12 بعد توقف مرتين مره للافطار في كافتيريا بسيطه للاسفه ما صورتها
و التوقف مره ثانيه في احد السوبرماركات شرينا منها بعض البساكيت و العصاير
و كان دق الطبول باستقبالنا
بعد تقديم واجب الضيافه
سوينا الشيك ان و كنا حاجزين( سويت+مسبح خاص)
و للمعلوميه السويت يجي معاه خادم خاص فيك يلبي طلباتك
و رحنا للسويت
اول ما تدخلون جدامكم منطقة جلوس صغيره
بعدها بجهة اليمين نصعد درجة واحد
و لو تلاحظون بالصوره مكان الجلسه تحت بالنسبه للغرفه
و هذا عزكم الله الحمام
و هذي لقطه ثانيه للغرفه
لو نلاحظ في بابين فالصورة القادمة
البابين كلهم يودون للصاله و المبطخ و حوض السباحه
لو تدخلون الباب اليسار
بتشوفون طاولة الطعام
و على اليمين
و المطبخ كل شي فيه و هذي صورتها كشرح تفصيلي
و هذا المسبح
و هذي صورة من بره للصالة
و هني يبين الباب الثاني اللي بين الصاله و الغرفه
اخيرا تقبلوا هذي المحاوله المتواضعه