ياهلا أخوي أبو عبدالعزيز
تنور الدوحة أنت وأم عبدالعزيز
حياكم الله
وبالنسبة للفندق أعتبره ذو موقع أستراتيجي صراحه
بمنطقة السد
وبيكون خلفكم مباشرة مجمع تجاري وهو سنتربوينت
والشارع اللي وراكم كله مطاعم
يعني الفندق ماعليه كلام وفخم
بالنسبة للمزارات تقدر تنسيق الايام الثلاثة على أساس كل يوم تقضونه بأحد المجمعات
ومنطقة أخرى
خل أول يوم تزورون مجمع فيلاجيو التجاري وبعد ذلك تاخذون جولة بأسباير الرياضي
وهو محاذي للمجمع المذكور
وثاني يوم تزور مجمع الستي سنتر وممكن تحضر السينما أن حبيت وبعد ذلك تزور اللؤلؤة
وثالث يوم تزور مجمع اللاند مارك وبعد ذلك تزور سوق واقف بعد المغرب
وتقعدون هناك بالأماكن الشعبية وتتعشون
وعندك أيضاُ خلاف ذلك المتحف الأسلامي وهو رائع وجميل
وبالنسبة للخطوط لجوية أعتقد أن الأنسب هو القطرية أو السعودية
وذلك حسب التوقيت الأنسب لكما
وهناك ملاحظه بأن شارع السد به مجمع آخر ايضا وهو رويال بلازا
بيكون قريب من الفندق
وإن شاء الله الأخوان مايقصرون معك
حياكم الله وبياكم مرة اخرى
فالكم طيب

هلا والله فيك اخوي في بلادك الثاني قطر
واحسن خطوط القطريه ..
اما الاماكن السياحيه وايد تقدر تروح سوق واقف .. فلاجيو ..ستي سنتر .. لاندمارك.. المول .. رويال بلازا والمحلات الي خلف المجمع حلوة وايد..
وعندك ام اسواق عاديه مثل سوق الجبر .. الشاهين .. الديره .. العسيري ..
وفي حدائق دحل الحمام والكورنيش تقدر تاحذ له سنبووك وياخذ فيك لفه على بحر الكورنيش فله خاصه بالليل ..
وان شاء الله اكون افدتك .,,,,,,

اتنور الدوحه فيك اخوي
والفندق حلو وايد ومصنف من فنادق الخمس نجوم وموقعه حلو في نص الدوحه
بنسبة للمزارات عندك المجمعات التجارية مثل ماذكرو الاخوان وهي ( الاند مارك & الستي سنتر & فيلاجيو & الحياة بلازا & الرويال بلازا & سنتر بوينت & اللولو هايبر ماركت)
وعندك متحف الفن الاسلامي و حديقة حيوان قطر و استاد خليفة و الكورنيش وسوق واقف وجزيرة اللؤلؤة الاصطناعيه
وبنسبة لطيران فافضل واحسن خطوط هي القطرية بنسبة لي وهي الاولى والوحيده من خطوط الشرق الاوسط الي حاصله على درجة خمس نجوم وثاني خطوط بلعالم تحل على هدرجة من اصل 4 شركات بس بلعالم احصلو على درجة الخمس نجوم وانصح فيها اكيد
وانصحك اتاجر سيارة من المطار اذا ماراح يكون عندك سيارة لان التكاسي مو كثيرة مثل دبي ولاكنها موجوده في الجمعات وممكن تاخذ رقمهم او تاخذ ارقام شركة لومزن لو تبي واتخليه عندك احتياط
حاول تصرف فلوسك من البنوك احسن او من عندكم قبل ماتجي مع ان في اماكن تاخذ العملة السعودية بس بيكون فيها فرق اكبر من البنك
انصحك زيارتك للاماكن الفتوحه اتكون بليل لان الجو حار مثل سوق واقف
بنسبه للمتحف فهو صكر الساعه 5 المغرب يعني لازم اتزوره قبل
انصحك في مطاعم حلوه مثل سراي وهو شامي وهو في مجمع فيلاجو
مطعم اشاز وهو هندي وفي مجمع فيلاجيو
انصحك في لينوتر وهو كوفي شوب ومطعم وموقعه في فيلاجو وهو فرع من الي في باريس
انصحك في مطعم المرجان اللبناني وهو في نص الكورنيش عند شعلة الاوركس
انصحك في مطعم المحار وهو بحري وموقعه داخل فندق سوق واقف الجديد
انصحك في مطعم الطربوش في سوق واقف وهو مطعم قطري على مااعتقد
انصحك في مطعم طاجين وهو مغربي وله فرعين واحد في سوق واقف والثاني في السد جنب فندق الدوحه غراند
انصحك في مطعم بخارة وهو هندي وهو جنب نادي السكواتش
انصحك بمطعم ايطالي وهو داخل فندق الماريوت وفي مطعم ايطالي ثاني وهو في سوق واقف بس انا اسف لاني ناسي اساميهم
انصحك في مطعم قصر شبستان وهو ايراني ومكانه في السد مقابل السد بلازا
انصحك في المطاعم الامريكية مثل ابل بيز وله 3 فروع واحد في السد والثاني في الستي سنتر والثالي في نادري اسد
وعندك مطعم فرايديز وله فرعين واحد في فيلاجيو والثاني في الاند مارك
انصحك بكوفي شوب مايا وهو في الاند مارك
وانصحك في مطعم ليالي وهو لبناني ومكانه في طريق سلوى
وفي مطعم النبلاء وهو شامي ومكانه في طريق سلوى
وانصحك اتجرب بوفية فندق فريج شرق لانه وايد حلو
وهاي هي كل الاشياء الموجوده بدوحه ولو كانت زيارتك بشتا كان راح تستمتع اكثر لان اتعرف الجو شي اساسي بسفر
واي استفسار انا بلخدمة وتحت امرك
وتحياتي لك

الراايق
رايق في طرحك رايق في اسلوبك هكذا تعودنا من اهل قطر مشكور وماقصرت يالغالي

ام موزه قطر
الف شكر اختي ماقصرتي

حلو ومدلع
حلو ومدلع الف مليون ترليون شكر من جد استفدت كثير منك عساني ما انحرم منك

حلو ومدلع
(( حتى انا استفدت من هالمعلومات الحلوه ))
ماشاءالله كفو ووفو الجماعة
وحياكم الله في ديرتكم الثانيه وان شاء الله تنبسطون فيها ..