مساء الخير
اليوم مريت مركز القبول بالوزارة ،قلت يمكن قبولاتنا وصلت سألت الموظف الموجود في المركز عن القبولات بالنسبة للطلاب-دولة أمريكا . قال ألي وصلنا قبولات للزمالة الطبية بس ، قلت له طيب البكالوريوس والماجستير والدكتوراه . قال بيوصلنا إن شاء الله الأسبوع هذا أو الأسبوع القادم 50 قبول بس وما تحددت هل هي للبكالوريوس أو الماجستير أو الدكتوراه . وإذا وصلك قبول سيتم إعلامك عن طريق رسالة جوال .
يعني بيوصل 50 قبول ويصير باقي 2450 قبول .
شكلها السالفه مطوله مع القبولات .
بعدها دخلت أنا وكذا مبتعث للدكتور نبيل وما شاء الله العمل على قدم وساق في مكتب أعضاء مركز القبول . المهم سألناه عن السفاره قال مثل ما قلت لكم في الملتقى خذ موعد من السفاره وروح أعمل مقابله وبيعطونك السفاره ورقة صفراء وإذا وصلك القبول تروح للسفاره بدون موعد وتأخذ الفيزا .
الطلبة لأمريكا كثر والظاهر المسأله يبغى لها وقت أكثر بس المهم نخلص من السفاره وإن شاء الله تجيء القبولات ونخلص .
في مركز القبول شفت على الطاوله الخاصه بالموظف قرارات الابتعاث والتذاكر لطلبة اليابان ، يا حظهم (اللهم لا حسد) يستاهلون والله يوفقهم وعقبالنا حنا طلبة أمريكا وباقي الطلبة المبتعثين .