الله يسهل عليك و بالتوفيق
نظام السفارة سقيم يمشورني كل شوي
ليش ما يسوي مثل باقي السفارات يستلم الجواز و يسلمه أذا طبع الفيزا

أخوي ابو مقبل . ممكن استفسار منك باشياء انا حجزات طيران وفندق ومعي جواز سفر واخذات كشف حسب من البنك مدة 6 اشهر يعنى دخلي ثابت كل شهر 3500 ريال واخذات تعريف من عملي هل يعطونى فيزا زكم الرسوم الفيزا.. وكم تاخذ من وقت

اخوي وش الاوراق المطلوبه من السفارة لاستخراج التاشيره وكم قيمتها للشخصين ولازم احضر لسفاره او ارسل اوراقي لاني خارج الرياض
كم تحتاج يوم وتستلم التاشيره لاني بستخرجها في فبراير والسفر في مارس واعذرني اخوي على كثرت اسئلتي

والله اجراء معقد وتافه
الحمد لله ان لي معامله خاصه والفيفا يخلص اوراق شركتنا بدون مانروح

mezajee_ksa
طيب يرحم امك وابوك زبطني وياك تكفه انا وضعي سليم بس ابى مسعدتك

الليل و النهار
صدقت والله .
كريهين . اليوم رحت حسب الموعد ولطعوني من 2.5 لحوالي 4 العصر . وبالأخير قالوا تعالوا بكره . جوازاتكم ما خلصت !
ما كأنهم أوربيين .. كأنك بتروح لموزمبيق

ميشو الركابي
أخوي ميشو .
بالاضافة لما ذكرت . يجب إحضار صورتين شمسيتين دون غطاء للرأس وخلفية بيضاء - يعرفها العاملون باستديوهات التصوير - وكمان ضمان طبي . تاخذه من التعاونية على حسب الايام اللي راح تجلسها هناك وتعريف العمل يكون بالراتب , وصورة من جوازك .. وصورة من اوراق حجوزاتك ( السكن والطائرة ) ، وتتصل بالسفارة تاخذ موعد ولازم يكون قبل سفرك ب 15 يوم على الاقل وتطبع نموذج استخراج الفيزة من موقع السفارة بالنت وتعبيه . وتاخذه معاك وجوازك وكامل اوراقك و324 ريال رسوم استخراك الفيزا .. موفق

هاوي اوربا
الأوراق المطلوبة :
1- تعريف من العمل بالراتب
2- كشف حساب لآخر 3 شهور
3- تأمين طبي طوال مدة اقامتك هناك
4- صورة من جواز السفر
5- صورتين شمسيتين دون غطاء للرأس
6- صورة من حجوزاتك للسكن والطائرة
7- احضار طلب استخراج فيزة بعد تعبئته
وضروري تتصل بالسفارة تاخذ موعد . ولازم حضورك - كذا بلغوني - واستخراج الفيزة لا يقل عن 15 يوم

ميشو الركابي
المشكله انه ماهوب بيدي وانما عن طريق مكتب الفيفا لان السفاره الاسبانيه ماتطلب حضور موظفين ارامكو وافراد اسرهم