السلام عليكم ورحمة الله وبركاته
فيه في عايلتنا امراءة مجنونة وعليها طلعات ( هذا حال اغلب الاسرة طبعا )
المهم ها السيدة جاتها سفرة من الدوام الى باريس لمدة 3 ايام يقولون مؤتمر واقول ضياعة فلوس
المهم الاهل اقترحوا عليها انها تنتهز الفرصة وتتمشى باوروبا ( عاد الوالدة كانت تقصد باريس بأوربا )
الحرمة ما صدقت جاتنا من يومين وقالت انا اخذت اجازة 12 يوما وبقضيهم في اوريا
واحنا السفرة الوحيدو اللي نعرفها هي المسافرون العرب ما فيه بلد ما زرناه من خلال ها المنتدى الرائع
طلعت دفترها وقالت بروح باريس 3 ايام وبعدين بروح روما في طيران داخلي 3 ايام ودام اني عاد بروما بروح كذيه خطفة رجل الى فينيسا بالقطار وبرد في نفس اليوم الى روما ( حاسة انها تستهبلنا )
قالت بتروح من روما الى مدريد بطيران داخلي وبتجعد فيها يومين وعقب بتروح برشلونة وبتجعد اللي باقي لانها مغرمة ببرشلونة
وزادت عقولنا بلبلة يوم قالت انها بتروح بالقطار ليلة الى غرناطة وقرطبة وبتبيت هناك وترد برشلونة وعقب ترجع بلدها
واحنا كأن الطيور على رؤوسنا
خبراء السفر في هذا المنتدى الرائع والعظيم هل ممكن اللي قالته عمتي
وهل من الممكن انكم تتساعدوا معنا عشان نطلع لها ببرنامج حلو هدية منا لها ( النية سليمة يعني موه عشان نحرجها مثلا ونثبت لها اننا فاهمين كل شيء لاننا منتسبون لهذا المنتدى
اليكم بعض المعلومات اللي تحتاجوها لهذا التحدي ومن اختكم في الله جزيل الشكر والعرفان واللي جالسين جنبها يشكروكم بعد
1 - عمتي سيدة عمرها فوق الثلاثين بسنتيت يمكن او ثلاث يعني ما هي صغيرة
2- مديرة باحدى الشركات في مسقط
3- مستقلة وانطوائية لا تحب الاختلاط بالناس ( اللي هما احنا
4- مستقلة ماديا
5- تتحدث الانجليزية بطلاقة فقط ها اللغة
6- لم تسافر ابدا الى اوروبا من قبل بس سافرت من زمان مع ريلها الله يرحمه الى اسيا وامريكا اعتقد
7- مسافرة لوحدها وبصراحة احنا خايفين عليها اتمنى انكم نخبرونا انه ما فيه عليها باس من السفر بروحها
لان تقول ان حلمها من زمان تسافر بروحها وتشوف المعالم التاريخية ( هلكتنا تاريخ )
واخيرا اتمنى انها ما تدخل ها القسم وتشوف الموضوع لاننا راح نروح وطي ( اقصد احنا عيال اخوها )
لكم شكري وامتناني وياريت ما تنظرول لموضوعنا بعدم مبالاة لانه جد حتى لو الاسلوب غريب