هلا بك يالغاليه
وتو مانو موضوعي
أنا نازله دبي في 10/5 بأذن الله
ومحتاجه فزعتكم
ياهلا فيكم يالغاليه
بتنور دبي
أبي منكم أماكن راقيه وفيها شوي خصوصيه تصلح لذكرى زواج
يعني تقدرين تأخذين راحتك شوي مع زوجك
مثل مطعم في حياة جراند اسمه اوتار فيه جلسات لها ستاير خفيفه
المطاعم الراقيه والحلوه في دبي كثييره بس للاسف اغلبها اذا مو كلها بدون حواجز او ستاير
بس فيه مطاعم تهبل ومافيه زحمه واكثرها اجانب مايلتفتون وتحسين فيها براحه كبيره
مثل المطعم الايطالي اللي في الريتز كارلتون جوه يهبل وخاصة القعدات الخارجيه رومانسيه لأبعد الحدود في حديقه مع اضاءات رائعه انصحك فيه وبقووه
واذا تحبين بعد مطعم ايطالي في فيستفال سيتي - في الفور سيزن غولف كلوب روعه تعشو فيه واختارو طاوله خارجيه مطله على ملعب الغولف واايد حلو وهادئ
وفيه بعد مطعمايطالي في فندق القصر في مدينة جميرا يهبل وهادئ

مشكورين على ذكر المطاعم الرومانسية والله يعطيكم العافية ..
بس المشكلة عندي ولد صغير حبوب .. لا يمكن اصطحابه لأي مكان رومانسي ..
مرة أخذناه لمطعم راقي وهادئ جدا .. سوى ضجة كبيرة غيرت جو المطعم وتجمعت علينا الأنظار من كل مكان وقاموا الجرسونات يهدون فيه وتسببوا في تخويفه أكثر وبالتالي البكاء زاد ..
خلصنا الأكل بأسرع ما يمكن ودفعت الفاتورة عند الباب وهربنا وقررنا ما نعيدها مرة ثانية

مشكوره ياليازي على هالمطاعم الحلوة والحمدلله انا اموت في الايطالي يعني ماضاع تعبك
اذا تقصدين العشاء في مطع البوم + جوله بحريه في خور دبي الكثير من الاعضاء يمدحونه
بس انا انصحك تجربين باتو دبي بس اعاره شوي اغلى أ
ذا الشخص 220 معقول بس انا سمعت اكثر 320 للشخص يختار اربع اطباق بدون مشروبات
اذا تقصدين العشاء في مطع البوم + جوله بحريه في خور دبي الكثير من الاعضاء يمدحونه
لا مااقصده اقصد اللي في البرشور المستقبل للسياحه (رحلة عشاء بالقارب)حد أدنى شخصان ب140 للشخص أحس فيها خصوصية أكثر من باتو مع انه مايمنع تجربة الاثنين لو سمح الوقت
هذا اعتقد لازم تسكنين في منتجع المها او باب الشمس عشان تقدرين ترتبين له
وتقدرين تقولين لهم يرتبون لكم عشاء رومانسي لشخصين يعني تعطينهم علم مسبق
برشور هرمز للسياحه أمسية عشاء صحراوي 4ساعات الشخص ب130
(مغادرة يوميا الساعه 5ونص عشاء مشاوي في المخيم ركوب الجمل حنا رقص مشروبات خفيفة مع تأمين المواصلات
مامدى مصداقية هؤلاء المكاتب السياحيه
شاطئ ومافيه زحمه صعبه الاجانب مايخلون شبر من الشواطئ عندنا
بس شوفو شاطئ الممزر
عندك هالتقرير
حدائق دبي ( تقرير مصور ومتكامل )
ماشاالله تقرير ممتاز الله يعطيك العافيه
السبا في كل الفنادق راءع وممتاز وخاصة فنادق الخمس نجوم الراقيه
ليه لا روحي واحجزي لك مساج وفيشل ودلعي نفسك
عادي لبسك ماتفرق راح تكونين في غرفه خاصه للمساج والفيشل والماسكات وغيره
اكيد لازم تحجزين ياغاليه ومافيه شي مجاني للاسف عندنا كله بحسابه ههه
والاسعار متفاوته ومختلفه حسب اللي تبينه
يعني بكم الخدمات تقريبا في غنادق خمس نجوم ومتى الوقت اللي تكون مو مزحومه؟
واذا تحبين بعد مطعم ايطالي في فيستفال سيتي - في الفور سيزن غولف كلوب
معليش هذا وصف مطعم واحد ولا مطعمين مختلفه
العفو واذا عندك اي استفسار فالك طيب
ودي أستفسر عن الفناادق
انا اول مره انزل دبي بدون الصغار لمدة 5 أيام فأبي فنادق حلوة وهاديه
القصر المدينه القديمه1500
سمايل950
قمر الدين
كمبنسكي
copthorn
وش رأيك وش أفضل فندقين
تكون قريبه من المارينا والجميرا مع العلم بستأجر سيارة يعني مو لازم قريب مره
وش رأيك في مرافق فندق فورمنت هل سبق لك زيارته؟
هل في ابو ظبي مكان هادي وجميل او الشارقه يستحق الزياره
سواء فندق او منتجع اونزهه بحريه
مشكوره يالغاليه الله يبارك فيك ويخليك لها المنتدى الاكثر من رائع بوجود أمثالك
مشكورين على ذكر المطاعم الرومانسية والله يعطيكم العافية ..
بس المشكلة عندي ولد صغير حبوب .. لا يمكن اصطحابه لأي مكان رومانسي ..
مرة أخذناه لمطعم راقي وهادئ جدا .. سوى ضجة كبيرة غيرت جو المطعم وتجمعت علينا الأنظار من كل مكان وقاموا الجرسونات يهدون فيه وتسببوا في تخويفه أكثر وبالتالي البكاء زاد ..
خلصنا الأكل بأسرع ما يمكن ودفعت الفاتورة عند الباب وهربنا وقررنا ما نعيدها مرة ثانية
صادق اكبر خطأ أنك توديهم لهيك أماكن أسأل مجرب:112:
عشان كذا مابي أروح ولا مكان في أزعاج بأدلع ,أشبع هدوء
مشكور يالطير الحر على المرور

^
^
^
هلا اختي
بالنسبه لمصداقية مكاتب السياحه ماعندي فكره عنها بس مااعتقد بيغامرون معظم المكاتب السياحيه بسمعتهم فأذا انتي مرتاحه جربي العشاء الصحراوي معاهم تجربه جديده وحلوه
وبالنسبه للسبا صعبه احدد الاسعار بس تقدرين تتصلين عليهم وتستفسرين وارشح لك كليوباترا سبا اللي في وافي واشوف الافضل تحجزين الصبح تجنبا للزحمه
اما بالنسبه للمطعم الايطالي في الفورسيزن غولف واحد ويقع في منطقة الفيستفال سيتي
وبالنسبه لأفضل الفنادق اللي ذكرتيها
القصر المدينه القديمه بصراحه حلو وستايله رائع ويقع في منطقة برج دبي واذا حابه تاخذين عنه فكره شوفي تقريري عنه
https://artravelers.com/p/re/157232
والاختيار الثاني فندق كمبنسكي روعه بعد وخاصة انه ملاصق لمول الامارات
https://artravelers.com/p/re/129221
والفندقين قريب من المارينا
وبالنسبه للفيرمونت سكنت فيه اكثر من مره ممتاز وموقعه يهبل في شارع الشيخ زايد غرفه مريحه بس مب واسعه يعني الفنادق اللي ذكرتها في الاعلى افضل منه
واذا حابه تغيرين تعالي ابوظبي تعشي في فندق قصر الامارات بتكون تجربه مميزه ورائعه انصح فيها وبقووه
https://artravelers.com/p/re/179670
موفقه بأذن الله

مشكوره ياقلبي يااليازي الله لا يحرمنا منك
طيب وش رأيك في سمايل وقمر الدين
ونفسي بيومين على البحر عاجبتي منتجعات الفجيره ماأدري فيها مطار واذا مافيها وش أقرب مطار لها بحيث انزل اول يومين فيها وبعدين ادخل دبي واكمل الرحلة في دبي وارجع على مطار دبي
ومشكوره يالغالية ولا تقصرين

^
^
^
العفو اختي
سمايل ماعندي فكره عنه
وقمر الدين من الفنادق الحلوه صح 4 نجوم بس تعطينه خمس نجوم انصحك فيه
https://artravelers.com/p/re/105647
والفجيره مافيها مطار والموضوع مايحتاج كلها ساعه ونص بالسياره تقريبا
قضو فيها يومين عالبحر هدوء واسترخاء
موفقه

السلام عليكم
مرحبابج اختي
ماشاء الله اليازي كفت وفت... الله يعطيها العافية
انصحج فالباتو ... أغلبة أجانب ومايكون كثير مزدحم ، وأجواءه رومانسية
وأيضا عندج فنادق مدينة جميرا عالبحر مثل (ميناء السلام + القصر + دار المصيف) فنادق فخمة ورائعه
ويحق لنزلاء الفندق دخول برج العرب فري ولتوصيل من الفندق نفسة
بالإضافة إلى دخول الوايلد وادي فري.
https://artravelers.com/p/re/180870
في أبوظبي فندق قصر الإمارات يستحق الزيارة، هادي وفخم

مع اني مالي خص بالموضوع
اليازي بنوتة الامارات وكل بنات دبي يدخلون
بس حبيت أضيف معلومة صغيرة
فندق جميرا بيتش ممكن يرتبلكم عشاء في يخت
بس وايد غالي
سعره 12500 درهم
بس الحلو ان اليخت محد فيه غيركم
وكم واحد يخدمونكم
شوفي هالموقع
اضغط هنا http://www.jumeirahbeachhotel.com/special_offers/
وآسف على التطفل

^
^
^
بالعكس دايما مب مقصر بمعلوماتك
الف شكر عالمعلومه الحلوه اللي انا استفدت منها بعد