اخى الكريم chat ممكن تسوى فيزا لرفيجتك من خلال الحجز بأحد الفنادق من النت، فندق راديسون بلو سي من موقع فندق دوت كوم يقدر يسوى الفيزا
http://www.fendeq.com/hotel.php?hotel_id=73423?cycode=KWD
وبعد ما تسوى الحجز بأسم رفيجتك خلها تتصل بالفندق وتطلب منهم فيزا

يعطيك العافيه اخوي على الرد
بس البنت راح تقعد عندي بالبيت فما ينفع احجزلها فندق

بعدين انا بنت علشان اوضح الموضوع مو ريال

السلام عليكم
في هذه الحالة يوجد حلان لا ثالث لهما :
1- أنج تصدرين لها فيزا من الجوازات وعلى كفالتج ، وبعدين تدزين لها الفيزا إلى عنوانها لي بأمريكا وبعيدن أهي لي بأمريكا تروح لسفارة الكويت بواشنطن علشان تصدق على الفيزا ويطبعون لها فيزا ثانية على الجواز مع طلب منها أنها تسوي الفحوصات لثبوت خلو الأمراض منها وراح يعطونها أهم إسم المختبر المعتمد عندهم بأمريكا وفي حالة طلوع نتائج الفحوصات سلبية فراح يطبعون لها الفيزا على الجواز مع دفع بعض الرسوم .
2- شخصيا أستغرب ما قاله موظف سفارة الكويت حول هذا الموضوع لصديقتك !!! قالذي أعلمه أن الكويت تمنع فقط جنسية واحد من إصدار لها التأشيرة وهم حاملون جواز السفر الكيان الصهيوني ، حيث أن متطلبات إصدار الفيزا بسفارة الكويت للفرد بدون حاجة لكفيل :
1- رصيد بنكي ( مأ أعرف بالظبظ كم )
2- إثباث عن حجز للفندق أو في حالة عدم المكوث بالفندق مثل الحالة لي قلتي عنها أحد يبي يقعد عندج بالبيت فيلزمه كتاب تعهد مصادق عليه من الجهات الرسمية بالكويت من طرف المضيف .
3- تذكرة سفر بها تاريخ الذهاب والعودة .
ولكن أعيد وأكرر أنا أستغرب من الكلام لي قاله موظف سفارة الكويت بواشنطن
تحياتي

chat
حجزيلها يومين عشان يقدر الفندق يسويلها الفيزا وخلها تقعد يوم بالفندق

chat
المعذرة على الخطأ غير المقصود

السلام عليكم واجمل تحيه الى القائمين على هذا المنتدى الجميل والله يعطيكم الف عافيه

ولد المغرب
حتى انا استغربت من اسلوب الموظف يعني ولو المفروض يرد باحترام اكثر من جذي بس شقول بعد
يزاك الله خير على الرد والشرح المفصل

mikano
ان شاء الله اخوي بجرب الحلين وان شاء الله خير
يزاك الله خير على الرد