اول شي حياكم وتنور الديره بوجودكم
كيف الأسعار هناك؟
الاسعار عاديه في الغالي وفي الرخيص
هل فيه فنادق 5 نجوم رخيصه يعني من 300الى400ريال؟وايش احسن مناطق لسكن
بالنسبه لاسعار الفنادق في اكثر من موضوع هني مواقع الفنادق واسعارها
3هل فيه جزر اوشاليهات(ياليت اعرف الاسعار)؟
الجزر مو سياحيه
والشاليهات بعيده عن مناطق التسوق
بس عندكم موفمبيك - الشيك - ريجنسي
مواقعهم حلوه بدايه السالميه
وعلى طول يسوون عروض واسعار زينه
وايش الاماكن الي تنصحوني اروحلها وايش احسن المجمعات
اهم مجمع الافنيوز ويبله يوم كامل < اكبر مجمع عندنا وفي مطاعم وسينمات وكل شي
ومجمع 360 بس مافي وايد محلات الصراحه مايسوى اذا ماعندكم وقت
ومجمعات السالميه وايد الفنار والبستان والمرينا وليلى جاليري وسوق المعلم اللي في كل الاشياء باسعار رخيصه وزينه
ومجمع المهلب ومجمع الرايه والصالحيه

هلا واله اختي بتنورينا والله
الاسعار بالكويت حلوه
والشاليهات عند الخيران والوطنيه
والاماكن اللي انصحج اروحين له
الكويت كلها تهبل روحي فريها كلها
واذا تبين مجمعات فيها ماركات وهالسوالف
عند اكبر مجمع الافنيوز
وعندج شرق
وعندج مرينامول
واحسن مناطق للسكن اذا تبين فندق انتي الفنادق موجوده بعاصمة الكويت
الكويت
وحياج بديرتنا بتنرويناا والله

توتي999
حاظرين لاي استفسار

تسلمو عالرد
طيب ايش افضل منطقه للسكن يكون فيها فنادق
وهل الاماكن بالكويت واضحه وقريبه من بعض او فيها ضياع وحوسه

السالميه افضل مكان للسكن
ماكو حوسه كل الاماكن سهله وواضحه

اختى الكريمة فى فنادق خمس نجوم مسوين عروض بالعيد 45 دينار لشخصين مع الافطار
اما افضل اماكن السكن السالمية اما بخصوص الشاليهات:
شاليهات الخيران
شاليهات الوطنية
شاليهات الخليفة
كمبنسكى
اماكن حلوة
مجمع الافنيوز
مجمع الفنار
مجمع المرينا
مجمع المهلب
سوق شرق
اكوابارك مدينة مائية
حديقة الشعب
مدينة الترفيهة
المركز العلمى
مسرحيات

اختى الكريمة فى فنادق خمس نجوم مسوين عروض بالعيد 45 دينار لشخصين مع الافطار
اختي لو سمحتي ممكن تحددين أسماء الفنادق اللي مسويه عروض ووين موقعها

لى الاخت توتي999 انا بصراحه شايف كل الردود مديح من دون ما تعريفيين الراى الاخر عن السياحه فى الكويت
1- الكويت اقل الدول الخليجيه والعربيه طبعا فى استقبال السياح
2- الكويت اكثر بلد اهله يخرج منه فى اى اجازه ويسافرون بالخارج
3- الحصول على تكسى صعب فى الكويت يعنى مو مثل دبى صافيين امام الفنادق او مو مثل الرياض منتشرين فى الشوارع
وتكسى الطلب غالى جدا
4- الكويت اقل دول الخليج فى الفنادق عموما والخمس نجوم خصوصا والشقق المفروشه المحترمه معدوده على اصابع اليد
5- المجمعات الكبيره لا تجاوز التسعه وان كنتى (( منقبه )) يفضل السكن روتانا المنشر والتسوق فى المنشر والكوت واجيال بحكم تميز هذى المنطقه ومحافظتها على التقاليد
6- الطقس الاكثر حراره فى العالم ورطوبه بل اكثر من الامارات حراره ورطوبه
باختصار اذا فيه مجال لتغير الوجه ستكون العطله احلى اعتقد عمان جميله والبحريين مش بطاله وابوظبى ظاهر سياحيه شهد لها العالم و (((( دبى ))) ما يحتاج نمدحها الكل يعرف جمال دانه الدنيا
مع تحيات صريح ومتخصص فى السياحه ولا احب الكذب

1 كيف الأسعار هناك؟
2 هل فيه فنادق 5 نجوم رخيصه يعني من 300الى400ريال؟وايش احسن مناطق لسكن
احسن الاماكن للسكن السالمية
و ادخل الرابط هذا لمعرفة الاسعار
https://www.booking.com/searchresults.html?aid=1300939 فيه جزر اوشاليهات(ياليت اعرف الاسعار)؟
جزيرة فيلكا عندنا فيها نشاط .....بس ما تسوى لانها توها بدت فيها السياحه
و الشاليهات فل ايام العيد
انصح بفندق الموفمبيك البدع او النخيل او الريجنسي -جديد توه فاتح الليلة بستين دينار - على البحر واهم بالسالمية
4 وايش الاماكن الي تنصحوني اروحلها وايش احسن المجمعات
المركز العلمي
و الافنيوز -نصيحة :تريق بزعتر و زيت و ادخل السينما و بعدين تمشاا-
المارينا مول --انصح بالزياره الصباحة و الغدا هناك
0مول--اكثر المحلات مو مبطله-
سوق شرق
الي ماعنده اجابه لكل الاسئله يجاوب لو على الي يعرف
واسفه على الإطاله