مشكور على التشجيع..
لكن عندي سؤال ..
اول يوم وصلت وين رحت؟
هل صعب اني اوصل واسافر بنفس اليوم على كاندي؟ ولا لازم اوقف يوم في دمبولا او نيقمبو؟

مافيه حجوزات في الفنادق الزينة
الهوناس لاتحلم فيه من اسبوعين وانا ادور مالقيت
امايا هيلز مافيه امل
فنادق نوارليا كلها فل ولا فندق شاغر
كل المكاتب يصرفونك على فنادق اول مرة تسمع عنها
نصيحة اللي ما بعد شرا تذاكر يدور فنادق اول قبل يشتري ويتوهق مثلي

مشكور اخوي تركي على التقرير الاولي هذا
بس عندي استفسار انا مالقيت حجز على
الهونس فولز والامايا هولز
تنصحني احجز في اي فندق ....وهل احجز من المكاتب اذا وصلت كولمبو او احجز من الان على النت من المكاتب السياحية

شكرا على التشجيع
كاندي تكفيها يومين وازو الهوناس فولز والامايا؟

الله يمتعك باجازتك
انا رحلتي تكنسلت المفروض اكون في الامايا هيلز اليوم
المهم تنصحنا ناخذ وجبة العشا ضمن البكج ولا نطبخ بانفسنا ؟
وكل فندق عطينا رأيك فيه؟

قيثارة الصمت
طبعا انا رحلتي تلخبطت انا المفروض اوصل ل سريلانكا الساعه 6 الصباح لكن صار عندنا تأخير في الرحله ف تأخرت الرحله اكثر من 12 ساعه وماوصلت سريلانكا الا الساعه 11 في الليل
وطبعا على طول على كاندي وفندق اماياهيلز المسافه ماهي بعيده وفي الليل لكن أمان الحمدالله السياره كانت جيده وهو نيسان صني من الموديلات الجديده تقريبا اخذنا في الطريق حوالي ثلاث ساعات تزيد نص ساعه تقريبا
اما بالنسبه ل التوقف انا اشوف ان مالها داعي تضيع يوم على شان ثلاث ساعات
اما بالنسبه ل دامبولا او نيقمبو مابعد رحت لها انا رحت كاندي مباشره وبصراحه كاندي تستاهل الروحه لها مباشره لان جوها خيالي كل يوم مطر آسف مو كل يوم الا كل شوي مطر ماشاءالله تبارك الله

الباحث عن المطر
الشركات يقولون مافيه غرف فاضيه والغريب وانا في الهوناس الكراسي الموجوده في البلوكونات حقت الغرف اشوفها مسفطه يعني ما احد حركها حتى الوجيه الي اشوفها هي نفسها واعداد قليله وفي الافطار والعشاء تقريبا مو ذاك العدد
يعني احس انها حركات من شركات السياحيه على شان فتح فنادق جديده غير الي طاحوا فيها الناس او الضغط على الزبون حتى يعرض مبلغ اعلى ويحجزون له وبكذا ترتفع الاسعار
الله اعلم
اما بالنسبه ل نورياليا صح انا الآن في فندق قراند بصراحه زحمه جدا جدا كل الممرات وفي البوفيه تحس انك في دوله خليجيه من كثر الخليجيين الموجودين فيه لدرجه انك تحس بجو عائلي من كثر الاطفال بعد الله يخليهم ل أهاليهم

هداسا
والله ما اقدر افتيك في هالنقطه بالضبط لاني انا جربت الفندقين الي مالقيت فيهم حجز وبصراحه السكن فيهم روعه بكل ماتحمله الكلمه
اما بالنسبه ل الشركات السياحيه ف اول ما تنزل من المطار وقبل خروجك من البوابه النهائية للمطار بتلاقي على يمينك مكاتب سياحيه حوالي عشر مكاتب كلهم يأشرون لك يقدمون لك عروضهم سواء فنادق او مواصلات
لكن انا لأني حاجز من قبل ما ألتفت لهم ولا ادري استطاعتهم ومدى جديتهم
اذا انت تبي الديره نفسها بغض النظر عن الفنادق المذكوره ف الديره تستاهل
لكن الفنادق المذكوره عباره عن منتجعات في أطراف جبال كاندي وهذا الي اعطاها هذا الجو الخيالي
الله يوفقك وتلقى حجز في هالفندقين الرائعين او تطيح بالصدفه على فندق آخر وتكون اول من يدلنا عليه

1. يعني ربع ساعه كانت جيده


2. وبعدين طلعنا ورحنا ل حديقه فيله ثانيه مافيها شي مميز يعني عاديه جدا

alo2ah
الهوناس فولز يكفيه يومين لوحده يوم الوصول طبعا يعتمد على الساعه كم راح توصلون له واليوم الثاني تاخذون جوله في الفندق والشلالات القريبه منه ولفه في البحيره حقته
طبعا الي يحب الطبيعه وده يجلس اكثر لان الجلوس في هذاك الجو يشرح الصدر ويزين الطباع
لكن مشكله الهوناس هو بعده تقريبا ساعه او ساعه ونص عن كاندي ف هذا يمكن يكون فيه شوي جهد في الطلوع والنزول يعني يومين في الهوناس كافيه ان شاءالله
اما اماياهيلز ف الفندق ممتاز واطلالات الفندق روعه وقريب من كاندي يعني تقدرون تنزلون ل كاندي اي وقت طبعا اذا كان الجو مو ممطر اما اذا كان مطر ف الحركه بتكون صعبه عليكم وسط كاندي لان المطر ماشاءالله قوي ويعيق الحركه
طبعا في كاندي انا اخذت لي جوله في بحيره كاندي على قارب حوالي ربع ساعه ل شخصين حوالي ب 2000 روبيه
ورحت ل حديقه الفيله وركبت الفيل
واخذت به لفه تقريبا 15 دقيقه برضوا
طبعا فيه نص ساعه وفيه 45 دقيقه بس حسيت الوقت طويل وكانت تجربه اولى ف ماحبيت أغامر اكثر

يعني ربع ساعه كانت جيده

وبعدين طلعنا ورحنا ل حديقه فيله ثانيه مافيها شي مميز يعني عاديه جدا

الشي المميز فيها انهم يطلعون الفيله الي في الحديقه وعددهم حوالي 50 فيل إلى النهر حوالي 300 متر من الحديقه ويتركونه في النهر يشربون ويتحممون وبعدين يطلعونهم يرجعون مره ثانيه بين المحلات عودتهم طبعا تكون الساعه 12 الظهر
يعني المفروض تكونوا هناك قبل الساعه 12 الظهر على شان تشوفون الفيله وهم يدخلون بين المحلات راجعين ل الحديقه حقتهم وكل السياح متجمعين يناظرون هالمنظر
طبعا هذا الي انا سويته في كاندي يمكن فيه اشياء انا ما شفتها او السواق ما اعطانا فرصه نروح لها مع اني سمعت ان فيه مهرجان ل الرقص الشعبي حقهم بس مارحت اشوفه ل ضيق الوقت