أبوعبدالله 1985
06-10-2022 - 11:38 pm
السلام عليكم ورحمة الله وبركاتة
خويكم ( الي هو انا ) يبي يسافر للنمسا ( شهر عسل )
ولي شهر بس جالس اتفرج بالمواضيع لما ( دخت )
هذا يمدح الفندق الفلاني وهذا يسبة
وهذا يقول مكلفة وهذا يقول عادية
والي عرفتة شئ واحد بس ...
ابروح ل النمسا يعني ابروح ( من غير شر )
السفر راح يكون ان شاء الله بعد عيد الفطر بأسبوع تقريبا
ومدة الرحل 15 يوم
وحاط لي ميزانية 30 الف من غير التذاكر ( ما ادري تكفي او لا )
بس عندي بعض المشاكل :
1 ابعد مارحت لمصر
2 اللغة مقبولة ( يسنع نفسة بالمطاعم )
3 أبي تنسيق محترم للسفر ( عشان اهايط على المرة ... ما تدري انها اول واخر سفرة )
ولا لي الا الله ثم انتم ( اعط الخبز لخبازة )
ولا ابي اروح للمكاتب السياحية ( يحس انهم نصابين بقوة )
وودي باحد يساعدني الله يوفقه
طبعا محل الاقامة الرياض
ثانيا بما انك تبي تخطيط مثالي فاول شيء ابداء بالطيران بحيث يكون وصولك لمدينه ومغادرتك من مدينه اخرى وبما انك اخترت النمساء فافضل شيء يكون وصولك الى فينا والمغادره من ميونخ والعكس صحيح
ثالثا بما ان سفرك عقب عيد الفطر بعد نهاية الصيف يعني ان شاء الله راح تحصل عروض جدا ممتازه على الخطوط السعودية تذاكر السفر اقل من 2000 ريال للشخص الواحد لكن مشكلتهم انهم الى الان ما نزلوا رحلات للنمساء وشكلهم كنسلوا خط السير حيث كانت رحلة الخطوط السعودية تذهب الى ميونخ مرورا بفينا
رابعا بالنسبه لميزانيتك ارى بانها تكفي ان شاء الله ولكن البحث عن الارخص والانسب مطلوب دائما