لا كشف الحساب بس لك انت وتعريف عمل بس لك ولكن اذا احد يشتغل ثاني قدمه
بس بخطاب التعريف اكتب اسماءهم وارقام جوازاتهم
اختمه من العمل والغرفه التجاريه
وصور لبطاقه احوالك والباقي صور من بطاقه العائله
وصورتين لك شخصين
واذا ما اخذ موعد للحين ترا انت في مشكله لان مواعيدهم زحمه
انا قالي ابوي انا ادق عليهم واخذ موعد ساعه ادق مشغوول بعدين لما ردو عطوني موعد قبل سفرتي ب حدود عشرين يوم قتلهم لا ابغا بدري عشان لو قدر الله ماقبلو يمدينا نقدمها مره ثانيه قالو لا هذا اقرب موعد
والفيزا تاخذ 10 ايام الى 15 يوم
وعذرا على كثر البربره

الله يجزاك خير لا ابشرك انا مقدم وانتضر الموعد
بس اخوي انا مافهمت نقطه بسيطه ..
بس بخطاب التعريف اكتب اسماءهم وارقام جوازاتهم
اختمه من العمل والغرفه التجاريه
هل تقصد ان كل واحد لازم له استماره خاصه اعبيها ..وكل استماره اخذها عندي الدوام و اختمها.؟ وليش الغرفه التجاريه انا اشتغل بمستشفى الحرس الوطني بالرياض
وصور لبطاقه احوالك والباقي صور من بطاقه العائله
وصورتين لك شخصين
مدري هل تقصد ان كل استماره يكون فيها صوره من بطاقت لعائله؟
اما بالنسبه للصور .. بس انا الي اصور و اهلي مايحتاج صور؟؟
على فكره انا بس عندي جواز مستقل .. الوالده و اخواني بجواز واحد بأسم الوالده وهي متقاعده..

أقترح عليك يا أخي تمر مكتب الصرح في طريق الملك فهد بعد مكتبة العبيكان وأنت متجه للجنوب ، هم يأخذون الجوازين ، ويعبون النماذج ،ويبينون لك المطلوب بالضبط ، ويراجعون السفارة لك ، كل هذا مقابل 100 ريال للجواز ... صدقني ما دمت لا تعرف الشروط والمتطلبات ، ولأن السفارات تأخذ الجوازات فترة أسبوعين ثم من الممكن أن تردها بسبب نقص وثيقة واحدة ؛ فالأفضل أن تعطي الخبز لخبازه ... وتريح نفسك ...

الكاتب
اخوي انا من المدينة ولا اخذت موعد ولا شيء واليوم رحت عشان اطلع تاشيرة لايطاليا او فرنسا قال لي مكتب المحظار بعدج 25 يوم على اقل تقدير ؟
ودقيت على الصرح اكثر من مرة مشغولين على طول؟ هل يمكن ان يطلع لي التأشيرة وان بالمدينة؟

ناصر أبو ابراهيم
التأخير هذا من السفارة الإيطالية وليس من المكاتب ، والصرح مثله مثل غيره ، يأخذ لك موعدا من السفارة الإيطالية يكون بعد حوالي 20 يوم !!!
الفكرة للأخ فيصل هي أنهم يعينونه على إعداد أوراقه ، أما السفارة الإيطالية فهي تتأخر كثيرا ولا أنصح بها لأجل هذا الأمر فقط ...

أخي فصولي
السفارة الإيطالية إذا استلمت منك الأوراق لن تأخذ أكثر من عشرة أيام أنا اخذتها بعد ثمانية أيام فقط بس التأخير بيكون بموعد إستلام الأوراق منك
اتمنى أن تكون قد انجزت ذلك وأخذت موعد
العمدة

انا من قطر
بالامس استلمت جوازي وجواز المدام وبنتي الصغيره من السفاره الايطالية في قطر .
وقدمت لهم / صوره شخصيه + تعبية الطلب + حجز اول فندق في ايطاليا + حجز الطيران + صوره من جواز السفر
واستغرق عمل الفيزا يومين فقط ، وفي اليوم الثالث استلمتها .
وبالنسبه شهادة اثبات راتب ، وانك على وظيفه و كشف احساب من البنك لاخر ستة شهور ، لم يطلبوها مني ابداً ، وقد وجدت هذه الشروط موجوده في لوحة الاعلانات .
طبعا انا اتكلم عن قطر ، ربما في السعودية غير .
تحياتي ، وموفقين ان شاء الله ..

ناصر أبو ابراهيم
اخوي انا مثلك بس شفت مكتب المحضار غالي وذهبت الى جده واعطيت مكتب الفيفا جوازين وخطابات عمل والتأمين وصور شمسيه وصورت بطاقات الفيزا واعطيته 950 ريال وهو كمل الباقي بعد 17 يوم اتصل وقال خلصت وطلبت منه اذا ما عليه كلافه يرسلها لي عن طريق فيدكس وانا اسدد رسوم الارسال وقال ابشر وفعلا ارسلها واليوم الثاني استلمتها وبها تأشيره على فرنسا مدتها سنه ومدة البقاء 90 يوم ونوعها muli