صباح الخير... انا تقريبا كل سنه اروح لندن فى كريسماس شوفى حبيبتى من ناحيه الوقت جدا مناسب و لو تبجرين بعد جم يوم يكون احسن لان تاريخ 25 كل شى يسكر و بتاريخ 26 تبدا تنزيلات سلفريدجس و 27 تنزيلات هارودز و عقب راس السنه هم فى تنزيلات اكثر من كريسماس طبعا من ناحيه الجو برد مو طبيعيى بس الاجواء فى لندن و الكريسماس و العروض و السوق شى خيالى انصحج لا تطوفج و اى سؤال ثانى انا حاضره

Reemq80
مشكورة اختي Reemq80
حبيت استشيرك بالنسبة لموعد السفر لو تكون رحتي بيوم 25 او 26 او 27 لانه مدة السفرة راح تكون 10 ايام
طيب ايش افضل طيران التركيه او المصريه؟؟ لان هم اللي لقيتهم رخصيه تذاكرهم من الدمام
وتقريبا كم تكفي ميزانيه عشر ليالي غير السكن والتذاكر ؟؟؟
ومشكورة

حياكم الله
تقريبا مستوى الطيران متقارب

و الله انا انصحج تروحين بتاريخ 24 لان تاريخ 25 كل شى مسكر و تاريخ 26 تنزيلات سلفريدجس و هارودز تاريخ 27 يعنى يالله يمديكم و بالنسبه للطيران انا جربت التركيه حق اسطنبول بصراحه ولا افكر احجز عليها مره ثانيه نصيحتى تروحين يا على الاماراتيه او القطريه و اعتقد انهم مسوين عروض حق لندن و جربى طيران البريتش يمكن تلقين اسعار مناسبه و بالنسبه للميزانيه والله ماقدر اقولج بالضبط اهو على حسب انتى شنو ناويه تشترين يعنى مثلا اذا ناويه تشترين لج جناط ماركات و هالسوالف اكيد يبيلج ميزانيه و فى عند الاوت لت بيستر فيلج مادرى اذا رحتى له هم حلو تحصلين شغلات حلوه و اسعار احلى هناك ,على العموم سوق لندن كله يهبل ما ينشبع منه لندن بكبرها تهبل, الله يسهل ان شاء الله

التخفيضات في 6 و 12

الان مافيه تخفيضات
لكن قبل عودتكم راح تحصلون تخفيضات
الجو بارد
شكرا للخبراء

التوقيت مره غير مناسب ماراح تنبسطي انا قد رحت مره وتبت ماروحلها مره ثانيه في هال توقيت بسبب البرد وراح يغثك البس